Chhaqhir ovejar uñtataw payinukta, ¡nayar thaqhirix jutakimaya, janiw kamachi arunakamat armaskti!
Lucas 15:4 - Qullan Arunaka DC “¿Khitis jumanakat patak ovejanïspa, ukat may chhaqhayasispa ukaxa, janit llätunk tunka llätunkan oveja pampar jaytawayasin, chhaqhat oveja jikxatañkam thaqhir sarkaspaxa? Aymar Bibliia 1986 “¿Qhitis jumanacatjj patak ovejanïsajj, may chhakatïpanjj, llätunc tunc llätuncani pampar jaytawayasajj, janejj chhakat ovej thaktïr jicjjatañcam sarcaspajja? Qullan Arunaca “¿Qhitis jumanacatjj patak ovejanïsajj, may chhakatïpanjj, llätunc tunc llätuncani pampar jaytawayasajj, janejj chhakat ovej thaktïr jicjjatañcam sarcaspajja? |
Chhaqhir ovejar uñtataw payinukta, ¡nayar thaqhirix jutakimaya, janiw kamachi arunakamat armaskti!
Taqi jiwasanakaw ovejanakar uñtat chhaqtan, sapa maynis pachpa amtataparjam lurasa, ukampis Diosax jupxaruw jiwasan mutuyatäñanakas apxaruyi.
Qullu tuqinkir markanakana, quta iran pampa uraqi tuqinakana, Néguev uraqina, Benjamín ayllun uraqipana, Jerusalén marka thiyanakana, Judá uraqinkir markanakansa, taqi uka chiqanakan awatirinakar oveja tamanakap jakhur uñjapxarakini. Naya, Tatituw uk arsta.”
“Markaxasti chhaqhat ovejanakar uñtatänwa, jan wali awatirinakan irpata, uka awatirinakapasti qullu tuqinakan ananukupxäna. Ukat mä qullut mä qulluru sarapxäna, pachpa uyunakapatsa armasxapxarakïnwa.
Chhaqtat ovejanakar thaqhasxäwa, saranukutanakarus kuttayanxäwa, kayu p'akit sarnaqirinakarusti qullxatt'arakïwa, t'ukhanakarusti yanapt'äwa, lik'i ovejanakarusa, ch'amaninakarus sum uñjasirakï. Kunjämatix awatiñax wakiski ukhamarjamaw nayax awatisirakï.
Jumanakax nayan ovejanakaxäpxtawa, nayan uywa awatisiñaxan manq'asir ovejanakaxäpxtawa. Nayaw jumanakan Diosamätxa. Naya, Tatituw uk arsta.”
Jumanakax janiw pisi ch'ama ovejanakarux yanapt'apktati, usutanakarus janiw qullt'apktati, kayu p'akit ovejanakarus janiw ch'uqxatt'apktati, yaqha tuqir saranukurinakarux janiw kuttayanipktati, janirakiw chhaqhatanakar thaqhiris sarapktati, jan ukasti qhuru kankañampi jawq'jasaw usuchjapxtaxa.
Naya, Tatituw jakañax layku juramentompi arsta: Kunayman qamaqinakaw nayan ovejanakax lunthatsusin manq'arawayapxi, jan awatirinïpxatap layku. Awatirinakaxasti janiw ovejanakaxar thaqhir sarapkiti. Awatirinakax jupanakpachatak llakisipxi, ovejanakaxsti janiw tumpapkiti.
Jesusasti jupanakarux sarakïnwa: —Jumanakan mä ovejatix sábado urun mä p'iyar jalantaspa ukaxa, ¿janit uka ovejar wayskaspaxa? ¡Jïsa, jank'akiw waysuspaxa!
Tatitusti juparux sarakïnwa: —K'ari chuymaninaka, ¿janit jumanakat khitis vacapsa, jan ukax asnopsa sábado urun jararasin umt'ayir irpapktaxa?
Jumasti mayninakar taripatam laykuxa, janiw jan juchanit uñt'atäkasmati, khitïskamsaya. Mayninakar taripasax jumapachaw juchañchjastaxa, jumax jupanakjamaw luraraktaxa.
Nayrax jumanakax chhaqhat ovejanakar uñtataw sarnaqapxayätaxa, ukampis jichhax Cristoruw kuttanxapxtaxa, jupasti mä awatirir uñtataw jumanakar imapxtamxa.