Jan kunan jaqinakaruw churäwinak waxt'i, jaqir khuyapt'ayañapax jan tukuskiriwa, jan khitin kamskañaw p'iqip wayti.
Lucas 11:41 - Qullan Arunaka DC Jumanakax chuymanakamatay churäwinakam luqtapxamxa, ukhamat taqpachax q'umäxani. Aymar Bibliia 1986 Jumanacajj chuymanacamatay limosnanacamjj churapjjamjja, uqhamanwa takpachajj k'omäjjanejja. Qullan Arunaca Jumanacajj chuymanacamatay limosnanacamjj churapjjamjja, uqhamanwa takpachajj k'omäjjanejja. |
Jan kunan jaqinakaruw churäwinak waxt'i, jaqir khuyapt'ayañapax jan tukuskiriwa, jan khitin kamskañaw p'iqip wayti.
1 (2) Jan kunan jaqimpiru, pisi ch'aman jaqimpir uñjir jaqix kusisiñaniwa; Tatituw jan walt'añ urunakan juparux qhispiyani.
Jan kunan jaqir t'aqhisiyirix Diosaparuw jisk'achaski, pist'añan sarnaqir jaqit khuyapayasiristi Tatituruw jach'ar aptaski.
Munasiñampi, chiqa kankañampiw jucha luratarux pampachi; Tatitur axsaratap laykuw jaqix ñanqhat jithiqti.
Jan kunan jaqir mayt'irix Tatituruw mayt'aski, Tatit pachpaw uka manu phuqxani.
27 (24) Ukhamïpansti, reyixay, kuntix iwxkäma ukarux jaysitaya: taqi kuns chiqaparupun uñjam, janirak juk'amp juchachaskxamti, ñanqha luräwinakam apanukum, jan kunaninakar yanapt'arakim. Inas ukhamat juma reyix sumankañampina, qamir kankañampin jakaskakchisma’ ” sasa.
T'aqhin jakirinakax jumanak taypin utjapuniniwa, ukampis nayax janiw jumanakampipunïkäti.
Mä kunsa maynix mayïtam ukarux churam; jumat mayt'asiñ muniritakisti, jan maysa uñtamti.
Kuntix manq'antki ukax janiw chuymapar mantkiti, jan ukasti purakaparuw manti, ukatsti mistxarakiwa —sasa. Ukham sasin Jesusax taqi manq'an q'umätap yatiyäna.
Kunatix utjapktam uk aljapxam, ukatsti jan kunanïpki ukanakar churxapxam; ukhamat jan mirq'isir wayaqanak lurasipxäta, alaxpachansti jan tukuskir yänak imasipxäta, kawkhantix lunthatas jan apskani, kharus janirak kharuntkani ukkharu.
“Nayasti iwxt'apxsmawa, akapach yänak sum apnaqapxam masinak jikxatañataki, kunapachatix ukham lurañax tukusxanixa, Diosaw jumanakar wiñay jakañ utar katuqxapxätam.
Jesusax uk ist'asin sänwa: —Ukampis may jan phuqktati: taqi kunatix utjktam ukanak aljaram, ukatsti jan kunaninakar churam, ukapachaw qamir kankañamax alaxpachan utjätam, ukatsti nayar arkita —sasa.
Ukatsti Zaqueox sayt'asisin Tatiturux säna: —Tatay, yänakaxat chikatpach jan kunaninakar churxä; maynirutix lunthatsta ukarux, pusi ukkhampi kuttayxä —sasa.
Uka arusti wasitat jupar arxayani, sarakiwa: “Kuntix Diosax q'umachki ukaruxa, jan jumax samti: q'añuwa” sasa.
Ukat Antioquiankir iyawsirinakax Judea uraqin jakir jilatanakar mä yanap apayañ amtapxäna, sapa maynin utjataparjama.
“Mä qawqha maranak yaqha markanakan sarnaqasinsti, markaxaruw kutt'xta, jan kunaninakar qullqi churiri, Tatitur waxt'äwinak luqtiri.
Maynitix taqi chuyma churañ munchi ukaxa, Diosax churirin utjiripatjam katuqi. Jupax janiw kunsa maykiti, maynin jan utjkchi ukkhaxa.
Lunthatasirix jan juk'ampi lunthataspati, jan ukasti amparapampi irnaqañar uchaspan, ukhamat jan kunaninakar yanapt'añatakis utjarapini.
Khitinakatix Tatit Jesucristor jaysapki ukanakatakix taqi kunas sumawa, ukampis jupar jan jaysapki ukanakatakix taqi kunas janiw walïkiti, jupanakax kunatix jan walïki ukak lup'isipki, amuyunakapana, chuymanakapan q'añütap layku.
Jumanakasti mayninakar aski lurañsa, kunatix utjapktam uk mayninakampi jaljasiñsa jan armasipxamti; uka luräwinakaw Diosarux kusisiyi.
Diosax chiqapar uñjiriwa, kuntix jumanakax lurapkta ukat janiw armaskaniti, qullan markankir jilatanakar munasiñ uñacht'ayatamatsa, yanapt'atamatsa, jichhakamas ukham lurasipkaktawa.
Dios Awkir q'uma chuymampi arkañax akanakawa: Wajchanakaru, ijmanakaru, llakitanakar yanapt'aña, ukatsti akapach q'añu lurañanakampix janirak q'añuchasiña ukawa.