Lucas 10:1 - Qullan Arunaka DC Uka qhipatsti, Jesusax yaqha paqallq tunka payaniruw ajllïna, jupanakarusti Jesusax kawkha markanakarutix sarañapäkän ukanakaruw jupat nayra panin panin khithäna. Aymar Bibliia 1986 Acanac pasatatsti, yakha pakallk tuncampwa Tatitojj ajllïna, ucanacarusti jupat nayra qhiti panin panini take marcanacaru, uqhamarac cawqhanactï jupajj sarañapäcäna ucsanacarusa. Qullan Arunaca Acanac pasatatsti, yakha pakallk tuncampwa Tatitojj ajllïna, ucanacarusti jupat nayra qhiti panin panini take marcanacaru, uqhamarac cawqhanactï jupajj sarañapäcäna ucsanacarusa. |
Ukatsti uñjaraktwa israelitanakan paqallqu tunka jilïr jaqinakaparu uka idolonakar yupaychaskiri, uka jilïrinak taypinsti Safán sat jaqin Jaazanías yuqapaw ukankarakïna. Sapa maynis incienso q'aphichañ wayt'atkamänwa, incienso jiwq'ix qinayar uñtataw misturakïna.
Tatitusti Moisesar sänwa: —Israelitanak taypit paqallq tunka jilïr chachanak tantacham, jupanakasti juman uñt'at marka sarayir jaqinakäñapawa, jupanakarusti Tatitump Jikisiñ Carpar irpanim, ukan jumamp chik suyapxpan.
Jupa, Juanasti Tatitun nayraqatap sarani, Elías profetan ajayupat ajayuni, ch'amapat ch'amaniraki, awkinakar wawanakapampi sumankthapiyañataki, jan jaysasirinakasti jaysañ yatiqapxañapataki. Ukhamat jaqinakar Tatitur katuqapxañapatak wakichani —sasa.
Jumasti, munat wawa, alaxpachankir Diosan profetapa satäyätawa, jumaw Tatitun nayraqatap saräta, thakhinakap wakicharakïta,
Uk uñjasinsti Tatitux jupat khuyapt'ayasin uka warmir säna: —Jan jachamti —sasa.
jupanakarusti Jesusan ukaruw khithäna, jutañapäkän uka Cristox jupäpachati, jan ukax yaqharuch suyañapäsipki uk yatxatiri.
Jesusasti, Samaria jak'an mä jisk'a markaruw khithanak nayraqat khithäna, uka chiqan qurpachasiñ jikxatapxañapataki,