Lucas 7:13 - Qullan Arunaka DC

¹³ Uk uñjasinsti Tatitux jupat khuyapt'ayasin uka warmir säna: —Jan jachamti —sasa.

Aymar Bibliia 1986

¹³ Uc uñjasinsti Tatitojj jupatjja qhuyapt'ayasïnwa, ucat saraqui: —Jan jachamti —sasa.

Qullan Arunaca

¹³ Uc uñjasinsti Tatitojj jupatjja qhuyapt'ayasïnwa, ucat saraqui: —Jan jachamti —sasa.

Lucas 7:13 Jak'a apnaqawi uñst'ayäwi

Salmos 103:13

Kunjämatix mä awkix wawanakapat khuyapayaski, ukhamaw Tatitux iyawsirinakapat khuyapayasi;

Salmos 86:15

Jumasti, Tatay, khuyapayasir Diosätawa, llamp'u chuymani, munasiñani, aski Diosätawa.

Salmos 86:5

Tatay, jumax munasiñanïtawa, juch pampachirirakïtawa; jumar art'asirinakatakix munasirïtawa.

Isaías 63:9

Juparakiw taqi llakinakapat qhispiyi. Janiw jupan khithanitapati qhispiykixa; jan ukasti kipka Tatituw qhispiyi. Khuyapayasiñap layku, munasiñap laykuw jupax qhispiyi, jupaw amparat katt'asin wayti. Ukhampun luri.

Jeremías 31:20

“Efraín markax nayatakix munat wawaxawa; taqinit sipansa sinti munat wawaxawa. Jupar tuqintkta ukasa, janipuniw nayax jupat armaskti; taqi chuymaxampiw munasta, jupatsti walpun khuyapt'ayasirakta. Naya, Tatituw uk arsta.

Marcos 8:2

—Aka jaqinakat walpun khuyapt'ayasta, jupanakax kimsa uruw nayamp chikäxapxi, janirakiw kuna manq'añapas utjkiti.

Lucas 10:1

Uka qhipatsti, Jesusax yaqha paqallq tunka payaniruw ajllïna, jupanakarusti Jesusax kawkha markanakarutix sarañapäkän ukanakaruw jupat nayra panin panin khithäna.

Lucas 11:1

Mä kutix Jesusax mä chiqan Diosaruw mayisiskäna, mayisiñ tukuyxipansti, yatiqirinakapat mayniw juparux säna: —Tatay, Diosar mayisiñay yaticht'apxita, kunjämtix Juanax yatiqirinakapar yatichkän ukhama —sasa.

Lucas 11:39

Tatitusti juparux sänwa: —Juma, fariseonakax laqäxak jariqasipxtaxa, ukampis chuyma manqhamax lunthatasiñampi, kunayman juchanakamp phuqhantatäskiwa.

Lucas 12:42

Tatitusti sänwa: “¿Khitirak suma phuqhiri amuyt'an uta yänak apnaqiristi, khitirutix utanipax utapankirinakar wakisitapar manq'añ churañapatak jaytki ukasti?

Lucas 13:15

Tatitusti juparux sarakïnwa: —K'ari chuymaninaka, ¿janit jumanakat khitis vacapsa, jan ukax asnopsa sábado urun jararasin umt'ayir irpapktaxa?

Lucas 17:5

Apostolunakasti Jesusaruw mayipxäna: —Iyawsañay juk'amp yapt'apxita —sasa.

Lucas 17:6

Tatitusti jupanakarux sarakïnwa: —Iyawsañanakamatix mostaza jatha ukch'aki utjaspaxa, aka quqarux sapxasmawa: ‘Akat liwstam, ukat qutar ayruntasim’ sasa, uka quqasti jaysapxiristamwa.

Lucas 18:6

Tatitusti sarakïnwa: “Qhuru taripirix ukham siwa.

Lucas 19:8

Ukatsti Zaqueox sayt'asisin Tatiturux säna: —Tatay, yänakaxat chikatpach jan kunaninakar churxä; maynirutix lunthatsta ukarux, pusi ukkhampi kuttayxä —sasa.

Lucas 22:61

Tatitusti kutikipstasin Pedrorux uñtäna, Pedrosti kuntix Jesusax siskatayna uka arunakat amatasïna: “Jichhüru, wallpax janïr art'kipanwa nayarux kimsa kuti jan uñt'ir tuküta” sasa.

Lucas 24:3

ukat mantapxäna, ukampis Tatit Jesusan janchip janiw jikxatapkänti.

Lucas 24:34

jupanakasti sapxänwa: —Tatitux chiqapuniw jaktxatayna, Simonaruw uñstatayna —sasa.

Lucas 7:12

Marka jak'ar purkipansti, mä jiwatar imt'anxañatak kallasipkir uñjäna, uka jiwatax mä ijma warmin sapa yuqall wawapänwa. Markatsti walja jaqinakaw jupamp chika sarapxäna.

Lucas 7:14

Ukatsti Jesusax jiwatar jak'achasisin kallapuruw llamkt'äna, uka jiwat kallirinakax sayt'apxänwa. Jesusasti jiwatarux sänwa: —Wayna, jumaruw nayax sisma, ¡sartam! —sasa.

Lucas 7:19

jupanakarusti Jesusan ukaruw khithäna, jutañapäkän uka Cristox jupäpachati, jan ukax yaqharuch suyañapäsipki uk yatxatiri.

Lucas 8:52

Taqiniw wal jachasipkäna. Jesusasti jupanakarux sarakïnwa: —Jan jachapxamti; janiw wawamax jiwatäkiti, jan ukasti ikiskiwa —sasa.

Juan 11:2

Lazaron aka María kullakapaw Tatitun kayupar suma q'apkir qullamp warxatäna, ukatsti ñik'utapampiw phiskhuräna.

Juan 11:3

Aka pani kullakaw Jesusar yatiyäna. —Tatay, munasit jilat masimax usutawa —sasa.

Juan 20:13

Angelanakasti juparuw jiskt'äna: —Warmi, ¿kunatarak jachasktasti? —sasa. Mariasti sänwa: —Tatituxan janchip apasxapxatayna, janiw kawkir uskupxatapsa yatkti —sasa.

Juan 20:15

Jesusasti juparuw jiskt'äna: —Warmi, ¿kunatarak jachasktasti? ¿Khitirurak thaqtasti? —sasa. Mariasti, uyu uñjirïkaspas ukham amuyäna, ukat jupar sarakïna: —Tata, jumatix apstaxa, kawkharus uskta uk yatiyita, ukat apasxañaxataki —sasa.

Juan 4:1

Fariseonakax Jesusan walja arkirinïtapa, Bautisir Juanat sipan juk'amp bautisatap yatipxäna,

Juan 6:23

Ukchañkamasti, yaqha botenakaw Tiberias markat purinïna, kawkhantix Jesusax t'ant'a manq'ayañatak Tatitur yuspagarkäna uka chiqaru.

1 Corintios 7:30

llakitanakax, kusisitäpkasmas ukhamakiw sarnaqapxañama, kusisiñankirinakasti, llakitäpkasmas ukhamakiw sarnaqapxañama; alasirinakax, janis kunas jumankkaspa ukhamakiw jakapxañama;

1 Tesalonicenses 4:13

Jilatanaka, jiwatanakat sum yatipxañam munapxta, ukhamat jumanakan jan suyt'añan jaqinakjamax jan llakisisipkañamataki.

Hebreos 2:17

Ukatakisti taqi kunansa jilanakapjam tukuñapaw wakisïna, khuyapayasiri, chiqapa, Jilïr sacerdotjam Dios nayraqatan tukuñataki, ukatsti t'aqhisitap tuqi jaqin juchanakapan pampachatäñapataki.

Hebreos 4:15

Jiwasan Jilïr sacerdotesax t'ukha kankañasan khuyapt'ayistaspa, jupax uka kipkarakiw kunayman yant'anakan jiwasjam uñjasïna, ukampis jupax janipuniw juchar purkänti.

Jueces 10:16

Israelitanakasti uka k'ari diosanakxa apanukxapxänwa, Tatitur wasitat yupaychxañataki, Tatitusti israelitanakan t'aqhisiskañapxa janiw munkänti.