“Janiw nayax taqi jumanakat parlkti; nayax khitinakarutix ajlliskta uk sum yatta. Ukampis kunatix Qillqatan siski ukax phuqhasiñapawa: ‘Kawkïritix nayamp chika manq'ki ukax nayatakiw sayt'i’ sasa.
Juan 13:11 - Qullan Arunaka DC Uksti khititix jupar aljantañapäkän uk yatitap laykuw akham säna: “Janiw taqin q'umäpktati” sasa. Aymar Bibliia 1986 Acjja sänwa: “Janiw takeni k'omäpctati” sasajja, qhititejj juparu aljantañapäcän uc yatitap laycu. Qullan Arunaca Acjja sänwa: “Janiw takeni k'omäpctati” sasajja, qhititejj juparu aljantañapäcän uc yatitap laycu. |
“Janiw nayax taqi jumanakat parlkti; nayax khitinakarutix ajlliskta uk sum yatta. Ukampis kunatix Qillqatan siski ukax phuqhasiñapawa: ‘Kawkïritix nayamp chika manq'ki ukax nayatakiw sayt'i’ sasa.
Supayasti niyaw Simonan Judas Iscariote yuqapan chuymapar Jesusar aljantañ amta uchatayna. Jesusasti Diosat jutatap sum yatïna, ukatsti Diosar kutt'xañapa, Awkin taqi munañanïñ kankañ churatapsa yatirakïnwa; manq'kipansti, Jesusax sartasin patxa isip apsusïna, ukatsti ajanu phiskhurasiñ isimpiw wak'antasïna.
Uk arsusinsti, Jesusax chuymapan wali llakt'ataw uñjasïna, ukatsti qhan arsurakïna akham sasa: —Qhanak sapxsma, jumanakat mayniw aljantitani —sasa.
Jesusasti sänwa: —Mä jisk'a t'ant'a chilltä, ukatsti khitirutix churkä ukawa —sasa. Ukatsti mä jisk'a t'ant'a chilltasin Simonan Judas Iscariote yuqaparuw churäna.
Kunapachatix akapachan nayax jupanakampïkäyätxa, churkista uka ch'amani sutimampiw jupanakarux imäyätxa. Janiw jupanakat maynis chhaqkänti, jan ukasti chhaqhañapäkän ukakiw chhaqxäna, kunjämtix Qillqatan siski ukarjam phuqhasiñapataki.
Jesusasti kunatix jupampi lurasiñapäkän uk yatïnwa, ukat mistunisin jupanakar jiskt'äna: —¿Khitirus thaqhapxta? —sasa.
Janiw jupax uka jaqinakat khitin arsuñapas wakiskänti, jan ukasti jupa pachpaw jaqin chuymap uñt'äna.