Juan 18:4 - Qullan Arunaka DC

⁴ Jesusasti kunatix jupampi lurasiñapäkän uk yatïnwa, ukat mistunisin jupanakar jiskt'äna: —¿Khitirus thaqhapxta? —sasa.

Aymar Bibliia 1986

⁴ Jesusajj yatïnwa cunatejj jupampejj pasañapäcäna ucjja. Mistusinjja jupanacarojj jisct'iwa: —¿Qhitirus thakapjjta? —sasa.

Qullan Arunaca

⁴ Jesusajj yatïnwa cunatejj jupampejj pasañapäcäna ucjja. Mistusinjja jupanacarojj jisct'iwa: —¿Qhitirus thakapjjta? —sasa.

Juan 18:4 Jak'a apnaqawi uñst'ayäwi

1 Reyes 18:10

Nayax Tatit Diosam laykuw juramento lurta, uywirixax taqi markanakan walpun jumarux thaqhaytam; kunapachatix jan ukankatam yatiyapxäna ukkhasti, uywirixax juramento lurayäna, chiqpachan jumar jan jikxatapktam ukata.

Nehemías 6:11

Nayasti juparux sistwa: “Nayjam chachanakax janiw jaltapkiti, janirakiw jakañap qhispiyasiñatakix Tatitun utaparus imantasipkiti. Nayax janipuniw imantaskiristti” sasa.

Salmos 27:3

Nuwasir tamas nayatak tantachasiskpan, chuymaxax janiw khathatkaniti; nayar jalxatañatakis wakichasisipkpan, janiw nayax llakiskäti.

Salmos 3:6

6 (7) Nayar katuntañatak muyuntir uñisirinakax janiw axsaraykituti.

Proverbios 28:1

Ñanqha lurir jaqix jan khitin arknaqkataw jaltxi, aski jaqisti leonar uñtataw jan kunar axsaras jaki.

Mateo 16:21

Jesusax uka urut qalltasin yatiqirinakaparux kunatix jupampi luraskani uk qhanañchañ qalltäna, sarakïnwa: “Jerusalén markar sarañaxaw wakisini, ukansti marka apnaqir jilïrinakampi, sacerdotenakan jilïrinakapampi, kamachi yatichirinakampiw wal t'aqhisiyapxitani. Ukan nayarux jiwayapxitani, ukampis kimsüru jiwatat jaktanï” sasa.

Mateo 26:2

—Jumanakax niy yatipxtawa, akat pä ururux Pascua jach'a urüxaniwa, Jaqin Yuqapasti ch'akkatañatak katuntayatäniwa.

Mateo 26:21

manq'kasasti jupanakaruw säna: —Qhanak sapxsma, jumanakat maynïriw nayar aljantitani —sasa.

Mateo 26:31

Jesusasti jupanakarux sarakïnwa: —Taqpach jumanakaw jichhärmax nayat mayjt'asipxäta. Qillqatanakax siwa: ‘Awatiriruw jiwayä, ovejanakasti ananukutäniwa’ sasa.

Lucas 24:44

Ukat jupanakarux sarakïna: —Kunatix nayamp luraski ukax, kuntix jumanakampïkasa sapkäyäsma ukaw lurasiski: taqi kunatix naya tuqit qillqatäki Moisesan kamachipana, profetanakan qillqatapana, ukhamarak Salmonakana, taqi ukanakaw phuqhasiski.

Juan 13:1

Janïra Pascua urükipanxa, Jesusax akapach jaytxañapa, ukat Awkipan jak'apar sarxañap uru purinitap yatïna. Jupasti akapachankir arkirinakaparux wal munasïna, tukuy urukamarakiw munasiñap uñacht'ayäna.

Juan 13:11

Uksti khititix jupar aljantañapäkän uk yatitap laykuw akham säna: “Janiw taqin q'umäpktati” sasa.

Juan 18:5

Jupanakasti sapxänwa: —Nazaretankir Jesusaruw thaqhapxta —sasa. Jesusasti jupanakarux sänwa: —Nayätwa —sasa. Aljantir Judasasti jupanakampïnwa.

Juan 18:7

Jesusasti wasitat jupanakar jiskt'äna: —¿Khitirus thaqhapxta? —sasa. Jupanakasti sapxarakïnwa: —Nazaretankir Jesusaruw thaqhapxta —sasa.

Juan 19:28

Ukanak qhipatsti, Jesusax taqi kunan phuqhasxatap yatïna, ukatsti Qillqatan phuqhasiñapatakiw säna: —Umat pharjitu —sasa.

Juan 6:64

Ukampis jumanak taypin jan iyawsirinakaw utjaski —sasa. Jesusax qalltatpach yatïna khitinakas jupar jan iyawsapkani uka, ukatsti khititix jupar aljantkani uksa yatirakïnwa.

Hechos 2:28

Jakañar irpir thakhi uñacht'ayista, nayamp chika sarnaqatam laykuw kusisiñamp phuqhantitäta.”

1 Pedro 4:1

Ukatpï jilatanaka, kunjämtix Cristox janchipan t'aqhisiwayixa, jumanakax jank'akïpxañamaw ukham t'aqhisiñatakixa. Janchin t'aqhisirixa, juch apanukuwayxi,