Filemón 1:7 - Qullan Arunaka DC

Filemón jilata, wali kusisitätwa, ch'amañcht'atarakïtwa, juman yaqhanakar munasitam yatisina, jumaw Tatitun taqi markapankirinakarux chuymachtaxa, ch'amañcharaktaxa.

Aymar Bibliia 1986

Uqhamasti jilata, wali cusisitätwa, ch'amañcht'ataraquïtwa, juman munasiñama utjatapata, uqhamarac juma toke chuymacht'atächi iyawsirinacan chuymapajj uca laycu.

Qullan Arunaca

Uqhamasti jilata, wali cusisitätwa, ch'amañcht'ataraquïtwa, juman munasiñama utjatapata, uqhamarac juma toke chuymacht'atächi iyawsirinacan chuymapajj uca laycu.

Filemón 1:7 Jak'a apnaqawi uñst'ayäwi

1 Corintios 16:18

Jupanakax ajay tuqin wal yanapt'apxitu, jumanakar yanapapktam ukhama. Ukham jilatanakatakix chuymanïñawa.

2 Corintios 7:13

Ukat nanakax chuymachat jikxatasipxta. Titox wali kusisitawa, taqi jumanakaw machaq ch'amañch'äwi juparux churapxtaxa. Ukasti nanakarux juk'amp kusisiyapxitu.

2 Corintios 7:4

Jumanakar qhana arumpi arsuñaxaw utjitu, wali kusisiñaw jumanakat utjarakitu. Taqi t'aqhisiñanakax taypinsti, ch'amañchataw uñjasta, kusisiñan phuqt'ataw uñjasirakta.

1 Tesalonicenses 1:3

Dios Awkisan nayraqatapan iyawsañampi irnaqapxatamata, munasiñampi yanapapxatamata, t'aqhisiñanakan Jesucristo Tatitusar suyt'atanakamat sapa kutiw amtasipxta.

1 Tesalonicenses 2:13

Ukat nanakax Diosar sapa kuti yuspagarapxta, kunapachatix nanakax Diosan yatiyäwip yatiyapksma ukkhaxa, jumanakax Diosan yatiyäwipjam katuqapxtaxa, janiw jaqinakan yatiyäwipjamak katuqapktati. Chiqpachansa uka Diosan yatiyäwipaw juma iyawsirinak tuqix qhansti.

1 Tesalonicenses 2:19

Jesucristo Tatitusan nayraqatapana, kunapachatix jupax jutkan ukkhasti, ¿khitirakïn nanakan suyt'äwixampi, kusisiñaxampi, jach'achasiñaxampisti? Jumanakäpxtawa, janiw khitïkaspasa.

1 Tesalonicenses 3:9

¿Kunjämatarak Diosasar juk'ampi yuspagarapxirista, jupan nayraqatapan jumanakat wali kusisiñ utjatapatsti?

2 Timoteo 1:16

Tatituy Onesiforon wila masipat khuyapt'ayaspan, jupasti walja kutiw chuymachitu, janirakiw nayan katuntat uñjasitaxat p'inqaskiti.

Filemón 1:20

Jïsa jilata, Tatitur munasitax laykuw achikt'assma, Tatitunkir jilatjamay chuymax kusist'ayita.

2 Juan 1:4

Jumanakat yaqhipanakar chiqa kankañan sarnaqir uñjasax walipuniw kusista, Dios Awkin arsutaparjam sarnaqatap layku.