2 Corintios 7:4 - Qullan Arunaka DC

⁴ Jumanakar qhana arumpi arsuñaxaw utjitu, wali kusisiñaw jumanakat utjarakitu. Taqi t'aqhisiñanakax taypinsti, ch'amañchataw uñjasta, kusisiñan phuqt'ataw uñjasirakta.

Aymar Bibliia 1986

⁴ Wali khana arumpi parlañajjaw utjitu, uqhamaraqui wali cusisiñaw jumanacatjja utjitu. Take t'akhesiñanacajj taypinsti, walwa ch'am catjjatta, cusisiñans phokt'ataraquïtwa.

Qullan Arunaca

⁴ Wali khana arumpi parlañajjaw utjitu, uqhamaraqui wali cusisiñaw jumanacatjja utjitu. Take t'akhesiñanacajj taypinsti, walwa ch'am catjjatta, cusisiñans phokt'ataraquïtwa.

2 Corintios 7:4 Jak'a apnaqawi uñst'ayäwi

Hechos 5:41

Ukatsti apostolunakax jilïrinakan nayraqatapat wali kusisitaw mistuwayxapxäna, Diosan jupanakar Jesusan sutip layku t'aqhisiñatak ajllitapata.

Romanos 5:3

Janiw ukakïkiti, jan ukasti t'aqhisiñanakat kusisiraktan; uka t'aqhisiñanakax llamp'u chuymanïñ yatichatap yatiraktan,

1 Corintios 1:4

Nayax jumanakat Diosarux yuspagarapuntwa, Diosax jumanakar Cristo Jesús tuqi munasiñap churatapata.

2 Corintios 1:14

niyaw nanakat mä juk'a amuyapxtaxa, kunapachatix Tatitux jutkan ukkhaxa, jumanakax nanakat wal kusisipxäta, nanakas uka kipkarakiw jumanakat kusisipxä.

2 Corintios 1:4

Jupaw taqi t'aqhisiñanakasan chuymachistu, ukhamat jiwasanakan t'aqhisirinakar chuymachañasataki, Diosax churkistu uka pachpa chuymachasïwimpi.

2 Corintios 10:8

Inas nayax jilïr kankañanïtaxat jilpach jariyapxsma, ukat janiw kunat p'inqasiñaxas utjkiti; Tatituw jilïr kankañ churitu, iglesiar jiltayañataki, janiw tukjañatakiti.

2 Corintios 11:21

Akanak arsutaxax p'inqasiykchitu ukasa, chiqpachansa nanakax jumanakatakix sinti alt'at chuymaniw tukupxäyätxa, uka jaqinakjama jumanakaru lurañatakixa. Ukampis mayninakatix jach'achasiñ munchixa, nayas jach'achasiñ munaraktwa, ukax luqhi lurañäskpasaya.

2 Corintios 2:14

Diosax yuspagaratäpan, jupasti Cristompi chika atipjañaruw irpistu, jiwasanak tuqirakiw arunakapsa yatiyi, uka arunakasti mä suma q'apkir qulläkaspas ukhamaw taqi chiqar puri.

2 Corintios 3:12

Uka suyt'añaw nanakan utjapxitu, ukatarakwa taqi iyawsañamp parlapxta.

2 Corintios 7:14

Nayax jumanakat kusisitax Titor yatiyta, uk sasax janiw pantjaskti. Jan ukasti, kuntix jumanakar sapkäyäsma ukax chiqawa, Titor sapkta ukas chiqarakiwa: nanakax jumanakat wal kusisipxta.

2 Corintios 8:24

Iglesianakan yatipxañapatakisti, jumanakax jupanakar chiqpachapun munapxatam uñacht'ayapxam, ukhamarak nanakan jumanakat kusisitanakaxatsa.

Filipenses 1:14

Nayar katuntat uñjasinxa, waljaniw jilatanakax Diosan arunakap yatiyañatakix juk'ampi ch'ama katxatapxi.

Filipenses 1:20

Nayax p'inqasiñar jan puriñatakiw ch'amachasiskta, ukampis jakaskäsa, jan ukax jiwxäsa, nayan suyt'äwixax nayan ch'amachasitax laykuw Cristox jach'ar aptatäni.

Filipenses 1:26

Ukhamat nayax wasitat jumanak taypin jikxatasï, ukatsti Cristo Jesusan jumanakax jach'añchasipxäta.

Filipenses 2:17

Jumanakax Diosar iyawsasaw jupar arkapxtaxa, ukasti juparu luqtäwi katuyatäkaspas ukhamawa. Inas nayarux jiwayapxchitani, jiwataxasti Diosatakix mä luqtäniwa, ukhamäspa ukasti, nayax wali kusisitäyäwa, jumanakampi chikarakiw kusisirakï.

Colosenses 1:24

Jichhax jumanak layku t'aqhisisax kusistwa, ukhamat pachpa janchixan kunatix Criston iglesiap layku t'aqhisiñax jan phuqhatäki uk phuqhaskta.

1 Tesalonicenses 2:19

Jesucristo Tatitusan nayraqatapana, kunapachatix jupax jutkan ukkhasti, ¿khitirakïn nanakan suyt'äwixampi, kusisiñaxampi, jach'achasiñaxampisti? Jumanakäpxtawa, janiw khitïkaspasa.

1 Tesalonicenses 2:2

Ukat juk'ampsa, jumanakax niyaw yatipxtaxa, nayrapachax Filipos markan wali jisk'achjata, jan wali uñjatäpxayätwa, nanakarux Diosaw suma yatiyäwi arunakap jumanakar yatiyañatakix yanapapxitäna, taqi ch'amampi, kunayman ch'axwanak taypina.

2 Tesalonicenses 1:4

Ukhamax Diosan iglesianakapan nanakpachaw kusisiñamp jumanakxat parlapxta, llamp'u chuymanïpxatamata, iyawsäwinakam t'aqhisiñ taypin uñacht'ayapxatamata, ukhamarak llakisisin t'aqhisipxatamatsa.

Filemón 1:7

Filemón jilata, wali kusisitätwa, ch'amañcht'atarakïtwa, juman yaqhanakar munasitam yatisina, jumaw Tatitun taqi markapankirinakarux chuymachtaxa, ch'amañcharaktaxa.

Santiago 1:2

Munat jilatanakaxa, jumanakax kunayman yant'anakan jikxatasipkät ukkhax kusisipxam.