Filemón 1:6 - Qullan Arunaka DC

⁶ Jumax nanakjamarakiw taqi chuyma Tatitur katuyastaxa. Ukat Diosarux mayta, jumax taqi chuyma jupar katuyasiskakiñamataki, kuna askinaktix Cristor munatas layku lurksna ukanak uñt'añamkama.

Aymar Bibliia 1986

⁶ Diosarojj maytwa, qhitinacatï juman iyawsäwim toke iyawsapqui ucanacajj sum amuyt'apjjañapataqui, take bendicionanacas Cristo Jesús laycu utjquistu ucanacata.

Qullan Arunaca

⁶ Diosarojj maytwa, qhitinacatï juman iyawsäwim toke iyawsapqui ucanacajj sum amuyt'apjjañapataqui, take bendicionanacas Cristo Jesús laycu utjquistu ucanacata.

Filemón 1:6 Jak'a apnaqawi uñst'ayäwi

Mateo 25:16

Phisqa waranqa qullqi katuqiristi, uka qullqimpix alakip luräna, ukatsti yaqha phisqa waranqampi jikxatäna.

Mateo 5:16

Uka pachpay jumanakan qhanamax jaqinak nayraqatan qhantpan, ukhamat aski luräwinakam uñjasin Dios Awkimar taqpachan yupaychañapataki.

1 Corintios 14:25

Ukhamat chuyma manqhapan utjki ukax qhanar mistuni, ukatsti killt'asisaw Diosar yupaychani, ukat chiqpachapun Diosan jumanak taypinkatap yatini.

1 Corintios 16:9

ukansti Tatitutak lurañax waliw utjarakitu, waljanis nayar uñisir utjkchi ukasa.

Filipenses 4:8

Tukuyañatakisti, jilatanaka, kunatix chiqäki, kunatix maynir aski uñjañäki, kunatix sumäki, kunatix q'umäki, kunatix munkañäki, kunatix aytat luräwinakäki, taqi ukanakatay lup'ipxam. Taqi kunatix sumäki, jach'ar aptañäki ukanakatay lup'ipxam.

Colosenses 1:9

Ukat nanakax, yatipkta ukürutpach jumanakatakix jan qarjasisaw Tatitut mayipxta, Diosan jumanakar munañap uñacht'ayañapataki, kunayman yatiñ kankaña, ajay tuqin amuyt'a kankañ churañapatakiw mayipxarakta.

Colosenses 3:10

jichhasti machaqar tukutäxapxtawa, uka machaqar tukuñasti, sapürunjamaw irnuqt'ir Diosan munañapat machaqar juk'amp tukuski, ukhamat jupar sum uñt'añaskama.

Tito 3:14

Jiwasankirinakasti aski lurañ yatiqapxarakpan, pist'añansa yanapt'asa, ukhamat jakäwinakapan askïñapataki.

Hebreos 6:10

Diosax chiqapar uñjiriwa, kuntix jumanakax lurapkta ukat janiw armaskaniti, qullan markankir jilatanakar munasiñ uñacht'ayatamatsa, yanapt'atamatsa, jichhakamas ukham lurasipkaktawa.

Santiago 2:14

Munat jilatanakaxa, ¿kuna askirakïspa maynitix saspa: “Nayax iyawsañanïtwa” sasa, ukat janirak lurañamp phuqkaspa ukasti? ¿Uka iyawsañapasti qhispiyaspati?

Santiago 2:17

Iyawsañampix ukhamaw lurasi: janitix iyawsäwix luräwinïkaspa ukaxa, uka iyawsañ sapakix jiwatawa.

1 Pedro 2:12

Diosar jan uñt'ir jaqinak taypin sum sarnaqapxam. Jichhas jupanakaxa, jumanakat jan wal parlapkchi ukasa, jumanakan aski luratanakam uñjasasti, Diosaruw jach'achapxani kunürutix jupax luräwinak wayt'ir jutkani ukkha.

1 Pedro 3:1

Chachan warminaka, chachanakamar ist'as sarnaqapxam, ukhamata, kawknïr chachatix Tatitur jan iyawskchi ukax, jumanakan sarnaqäwinakam tuqi Tatitutak jikxatatäñapataki,

1 Pedro 3:16

suma chuymamp parlxt'ayapxarakim. Cristor arkirinakjamax sum sarnaqapxam, ukhamat jan kunatsa juchanchatäpxañamataki. Jumanakan askinak luratanakamat jan wali parlirinakax jupanakpachaw p'inqasipxani.

2 Pedro 1:8

Jumanakantix taqi akanakax utjani, ukatsti uk sum jilayapxarakïta ukkhaxa, jumanakan jakañamax janiw inamayatakïkaniti, janirakiw Tatiturus inamayatak uñt'apkätati.