2 Samuel 7:18 - Qullan Arunaka DC

Ukat David reyix Tatitump parlir jupan nayraqatapar mantawayäna, juparusti sänwa: “Dios Tatitu, ¿khitirakït nayasti, kuna askirak wila masinakaxasa, akakam nayar puriyaniñamatakisti?

Aymar Bibliia 1986

Uqhamasti David reyejj Tatitumpi parlañataquiw jupan nayrakataparu mantawayäna, ucat saraquïna: “Dios Tatitu, ¿qhitiraquït nayasti, uqhamaraqui cuna asquiraqui familiajjasti, acacama nayar puriyaniñamataquisti?

Qullan Arunaca

Uqhamasti David reyejj Tatitumpi parlañataquiw jupan nayrakataparu mantawayäna, ucat saraquïna: “Dios Tatitu, ¿qhitiraquït nayasti, uqhamaraqui cuna asquiraqui familiajjasti, acacama nayar puriyaniñamataquisti?

2 Samuel 7:18 Jak'a apnaqawi uñst'ayäwi

Génesis 32:10

10 (11) Janiw kuna askïktsa juman nayar khuyapayasiñampi, chiqa kankañampi uñjañamatakixa. Nayax thujru maya ayt'atakiw aka Jordán jawir makhatäyäta, ukampis jichhax jaqinakaxasa, uywanakaxas pä tamawa.

Génesis 32:11

11 (12) ¡Jumay Esaú jilaxan amparapat qhispiyita! Axsarayastwa, jupax nayar jalxatir jutakispawa, ukatsti warminakaxaru, wawanakaxaruw jiwarayaspa.

2 Samuel 23:5

Tatitux nayampi mä arust'äwi luri; suma khuskhachata, chiqapar lurat arust'äwi ukasti wiñayatakïniwa. Wila masinakaxax suma utt'ayatäniwa, Tatitusti nayan amtatanakax phuqhaniwa.

2 Samuel 7:17

Natán profetasti taqi akanak Davidarux yatiyäna, kunjämtix uñjkatayna, ist'karakitayna ukhampacha.

1 Crónicas 17:16

Ukhamasti David reyix Tatitun nayraqataparuw parlañatak mantäna, ukatsti sänwa: “Dios Tatay, ¿khitirakït nayasti, kuna askirak wila masixasti nayar ukham uñjañamatakisti?

1 Crónicas 29:14

ukampisa, ¿kunarakït nayasti, kunarak markaxasti walja yänak jumar churañatakisti? Chiqpachansa taqi kunaw jumat juti, ukatsti kuntix jumat katuqapksma ukak churapxaraksma.

Salmos 8:4

4 (5) sistwa: ¿Kunarak jaqisti, jupat amtasiñamatakisti? ¿Kunatarak jupat llakistasti?

Éxodo 3:11

Ukat Moisesax Diosar säna: —¿Khitirakït nayasti faraonan ukar sarasin Egipto markat israelitanakar irpsuniñatakisti? —sasa.

Isaías 37:14

Ezequiasasti kuntix khithanakax mä qillqata luqtapkatayna uka ullart'äna. Ukspacharakiw Tatitun utapar sarawayäna, ukatsti uka qillqata Tatitun nayraqatapar jant'akt'asawa,

Efesios 3:8

Nayasti qullan markapankirinakat wali sullkakïtwa; ukampis jupaw aka suma irnaqäwi churitu, jan judiöpkis ukanakar Criston jan jakt'kay qamir kankañapat suma yatiyäwi yatiyañaxataki.

Jueces 6:15

Gedeonasti saskakïnwa: —Tatay, ¿kunjämarak Israel markar qhispiyästi? Nayan wila masi tamaxax, Manasés ayllunkirinak taypin jan yäqañ tamakiwa, nayasti wila masi tamax taypin jan yäqatakïtwa —sasa.

Rut 2:10

Rut warmisti llamp'u chuymampi p'iqip uraqkam alt'asin, Booz chachar jiskt'arakïna: —¿Kunatarak nayar uñjasin khuyapt'ayasistasti? Nayax yaqha markankirikïtwa —sasa.

1 Samuel 15:17

Ukat Samuelux säna: —¿Janit jumasti jan yäqatjam amuyaskäyätasti? Ukampis jichhax israelita ayllunakan jilïripaw tukxtaxa, Tatitusti Israelan reyipat utt'ayaraktamxa.

1 Samuel 18:18

Ukampisa Davidax sarakïnwa: —Janiw nayax khitïktsa, janirakiw Israel markan wila masinakaxas kunäpkiti nayan reyin tullqapäñaxatakixa —sasa.

1 Samuel 9:21

Saúl waynasti muspharataw säna: —¡Nayax Benjamín ayllunkirïtwa, ukasti Israel markan utjir taqi ayllunakat sipan sinti jisk'akiwa! Ukhamarusa, wila masinakaxax Benjamín ayllunkirinak taypin jan yäqat jaqinakakiwa. ¿Kunatarak taqi ukanak sistasti? —sasa.