2 Samuel 23:5 - Qullan Arunaka DC

⁵ Tatitux nayampi mä arust'äwi luri; suma khuskhachata, chiqapar lurat arust'äwi ukasti wiñayatakïniwa. Wila masinakaxax suma utt'ayatäniwa, Tatitusti nayan amtatanakax phuqhaniwa.

Aymar Bibliia 1986

⁵ Ucatpï wawanacajjajj, Diosar suma utt'ayatajja, jupasti nayampejj mä wiñay arust'äwi luraraqui, uca arust'äwisti chekaparu, uqhamaraqui suma lurataraquiwa. Jupaw nayarojj phokhat atipjañ churitu, cunanactejj muncta ucanacsti phokharaquituwa.

Qullan Arunaca

⁵ Ucatpï wawanacajjajj, Diosar suma utt'ayatajja, jupasti nayampejj mä wiñay arust'äwi luraraqui, uca arust'äwisti chekaparu, uqhamaraqui suma lurataraquiwa. Jupaw nayarojj phokhat atipjañ churitu, cunanactejj muncta ucanacsti phokharaquituwa.

2 Samuel 23:5 Jak'a apnaqawi uñst'ayäwi

Génesis 9:16

Kunapachatix kürmix qinay taypin uñstkani ukapachaxa, uka kürmi uñjasin kuna arust'äwtix taqi jaqinakampi, taqi aka uraqin utjir animalanakampi lurkta ukat amtasï.

2 Samuel 12:10

Jichhasti, nayar jisk'achatamata, ukatsti Urías hitita jaqir warmip irparatamatsa, janipuniw utamat jan walt'añanakax jayarst'kaniti.

2 Samuel 13:14

Amnón jaqisti janiw ist'añ munkänti, jupax Tamar tawaqut sipan juk'amp ch'amanïtap laykux, ch'amampikiw liwnuqasin Tamarampix ikintäna.

2 Samuel 13:28

uywatanakaparusti sarakitaynawa: “Amnonar walpun amuyapxäta machantatäxani ukapachaw nayax sapxäma: ‘Jiwayapxam’ sasa, ukatsti jumanakax jiwayapxätawa. Jupar jiwayañ janiw axsarapxätati, nayaw sapxsma. Ukhamasti ch'amañcht'asipxam, jan axsarapxamti” sasa.

2 Samuel 18:14

Joab chachasti ukxaruw sarakïna: —¡Inamayaw jumamp parlaskta! —sasa. Ukspachaw Joabax encina quqäkis ukar saräna, kawkhantix Absalonax warkusiskän ukkharu, ukatsti kimsa mich'inak katusin Absalonan chuymapat jakaskiriruw chhuqhuntäna.

2 Samuel 7:12

ukatsti jakañamax tukusxani, ukat jiwxarakïta ukapachasti, nayaw mayni wawamar markaxan reyipäñapatak utt'ayä.

2 Samuel 7:18

Ukat David reyix Tatitump parlir jupan nayraqatapar mantawayäna, juparusti sänwa: “Dios Tatitu, ¿khitirakït nayasti, kuna askirak wila masinakaxasa, akakam nayar puriyaniñamatakisti?

1 Reyes 1:5

Ukchañkamasti Davidampina, Haguit warmimpin Adonías yuqapax, nuwasiñatakiw sartasïna, sarakïnwa: “Nayaw reyit utt'asï” sasa. Ukatsti nuwasiñ carronakampi, caballonakampi, phisqa tunka jupar uñjir jaqinakamp wakicht'asïna.

1 Reyes 11:38

Jumatix ist'itäta kunanaktix luram siskäma ukanakaru, luräwinakamas naya nayraqatan chiqapäni, ukatsti kamachinakaxsa, kamachi arunakaxsa phuqharakïta, kunjämtix David luqtirixax lurkäna ukhamxa, nayax jumampïyäwa, jumat saraqir reyinakarusti ch'aman sayt'ayä, kunjämatix Davidan saraqirinakapar ch'aman sayt'aykta ukhama; Israel marksti jumaruw katuyäma.

1 Reyes 12:14

jan ukasti kuntix waynanakax iwxt'katayna uka arunakak säna: “Awkixatix qhurüchïnxa, nayax juk'amp qhurüyäwa; jupatix ch'ama lurañanak jumanakxar wayt'apxstamxa, nayax juk'amp jathi lurañanak wayt'apxäma; jupatix jawq'jasin mutuyapxstamxa, nayax hierro k'achin wiskanakampiw jawq'japxäma” sasa.

Salmos 111:9

Markaparux qhispiyiwa, arust'äwipsti wiñayatakiw utt'ayi. Diosax qullanawa, axsarkayarakiwa.

Salmos 119:81

Qhispiyäwim suykasaw tukusiskta; ¡arunakamaruw taqi chuymamp iyawsta!

Salmos 27:4

Tatitur mä mayisiñaxakiw utji, ukakirak munta: jakañaxkam utapan utjasiña, utapan jupar yupaychañataki, qhapaq kankañap uñjasin kusisiñataki.

Salmos 62:2

2 (3) Jupakiw qhispiyitu, arxatarakitu. Janiw pächaskäti, jupaw imantasiñaxaxa.

Salmos 89:3

3 (4) Jumaw Davidampix arust'äwi luräyätaxa, ajllit uywatamarux arsüyätawa:

Isaías 11:1

Mä jaya maran k'ullu tunuttix mä jisk'a alix külltanchixa, ukhamarakiw Davidan wila masipatxa mä machaq reyix uñstani.

Isaías 27:6

Akat qhiparux Israel markax jach'aruw tukxani, aka uraqpacharuw jaqinakamp phuqhantani.

Isaías 4:2

Uka urux purinkani ukapachasti, jupanakax taqi kunan phuqt'ataw suman jakasxapxani. Markaxasti wali jach'ar tukt'asaw jakxani, kuna achunaktix uraqipax churkani taqi ukanakata. Khitinakatix Jerusalén markan qhiparapkani ukanakarusti, janiw taqinir mutuykäti, pachpa markan jakapxañapatakiw wakichä, ukatsti “Tatitun ajllit markapa” sas sutichatäpxaniwa.

Isaías 54:10

Jach'a qullunakax yaqha chiqarusay unxtasipkpan, jisk'a qullunakas aynacharusay jutasipkpan, ukampis munasiñaxax jumatakix janipuniw tukuskaniti, janirakiw sumar mantäwi arust'äwixas t'unjatäkaniti.” Ukham siwa jumar khuyapayir Tatituxa.

Isaías 55:3

Nayan ukar jutapxam, ukatsti ist'apxita, ist'apxita, ukatsti jakasipkätawa. Nayaw jumanakampix wiñay arust'äwi lurä, ukhamat kuntix Davidarux munasiñampi arskta uk phuqharakï.

Isaías 61:8

Tatitusti kunatix chiqapäki uk muni, lunthatasiñampi, jaqi jiwayañampirux uñisiwa. Jupaw jumanakarux kunatix churañäki uk taqi chuyma churapxätam, ukatsti mä wiñay arust'äwi jumanakampix lurani.

Isaías 7:14

Tatitu kipkaw jumanakarux mä chimpu churasipkätam: Tawaqux usur jaqiptatawa, mä yuqall wawa wawachasini, Emanuel sasarakiw sutichani, ukasti “Tatitusti jiwasampïskiwa” sañ muni.

Jeremías 32:40

Jupanakampisti mä wiñay arust'äwi lurä: uka arust'äwinxa arsurakïwa jupanakampipunïñataki, yanapt'arakïwa, ukatsti nayar jach'añchañ chuyma churä, ukhamat nayat janipun saraqañapataki.

Jeremías 33:21

Uka kipkarakiwa, David luqtirixampi lurkta uka arust'äwix phuqhasipuniniwa, ukatsti mayni jupan wawapa reyit qunt'asirix utjapuniniwa, ukhamaraki sacerdotenakampi, khitinakatix Leví ayllun wawanakapäpki ukanakampi arust'äwir mantataxasa phuqhasipuniniwa.

Ezequiel 37:26

Jupanakan jan kun axsaras jakasipxañapatakisti mä arust'äwi lurä. Ukasti wiñay arust'äwïniwa. Nayaw jupanakarux waljaniru tukuyxä, jupanak taypirusti wiñayatakiw nayan qullan utax ucharakï.

Amós 9:11

“Davidan tinkut utap wasitat sayt'ayañ urux jutaskiwa. Pirqa p'iysutanaksa phuqhantäwa, pirqa tinkutanaksa wasitat sayt'ayä, kunjamäkäntix nayrapachax ukham lurt'arakï,

Hechos 13:34

Diosax jiwatanak taypit Jesusan jaktañap yatiyxataynawa, janchipan jan ñusjañapataki. Qillqatansti jupax sarakiwa: ‘Davidar arsut qullana chiqpach arunak phuqhäwa’ sasa.

Hebreos 13:20

Sumankañ churir Diosax, Tatit Jesucristosaruw jiwatanak taypit jaktayawayi, ovejanakan jach'a Awatiriparu, jupax wilapampiw wiñay arust'äwi arsuwayi,

Hebreos 6:19

Uka suyt'äwiw ajayusarux sum katxäsi, kunjämatix anclax mä barcor katxäski ukhama. Uka suyt'äwix alaxpach qullan utan cortina qhipäxkamaw manti,

1 Samuel 2:35

Ukatsti, nayax mä suma sacerdote utt'ayä, chiqapar apnaqiri, nayan munañax phuqhiri, ukhamarak nayan amtäwixarjam luriri; wila masinakaparusti walja maranak jakayä, ukatsti nayan ajllit reyiru luqtir tukt'ayarakï.

1 Samuel 25:28

ukatsti jumaw aka luqtirimarux pampacht'arakïta. Chiqpachansa Tatituw jumarusa, wawanakamarus marka apnaqäwi kankañ wiñayatak churapxätam, Tatitutak juman ch'ama tukutam layku, taqi jakäwimansa janirakiw kuna jan walt'añas jumxarux jutkaniti.