Rut 2:10 - Qullan Arunaka DC

¹⁰ Rut warmisti llamp'u chuymampi p'iqip uraqkam alt'asin, Booz chachar jiskt'arakïna: —¿Kunatarak nayar uñjasin khuyapt'ayasistasti? Nayax yaqha markankirikïtwa —sasa.

Aymar Bibliia 1986

¹⁰ Rut warmisti orakeruw p'ekep alt'äna take ajjsart'añampi, ucatsti Booz chacharojj jisct'araquïnwa aqham sasa: —¿Cunatarac nayaru uñjasin qhuyapt'ayasista, nayajj yakha marcanquirïctsa ucasa? —sasa.

Qullan Arunaca

¹⁰ Rut warmisti orakeruw p'ekep alt'äna take ajjsart'añampi, ucatsti Booz chacharojj jisct'araquïnwa aqham sasa: —¿Cunatarac nayaru uñjasin qhuyapt'ayasista, nayajj yakha marcanquirïctsa ucasa? —sasa.

Rut 2:10 Jak'a apnaqawi uñst'ayäwi

Génesis 18:2

Abrahamax uñatatasin kimsa jaqiruw jupa nayräxan sayt'atäskir uñjäna. Uñjasinsti, mäkiw uka jaqinakar katuqir sarthapïna, killt'asisaw p'iqipsa uraqir puriñkam alt'äna,

2 Samuel 19:28

28 (29) Awkixan wila masinakapax juma nayraqatan jiwarayatäñap wakiskchïn ukasa, nayarux jumamp chik manq'äwiman manq'asiñatakiw jawsayistaxa. Jichhasti, ¿kunat juk'ampirak juma reyit mayirismasti? —sasa.

2 Samuel 7:18

Ukat David reyix Tatitump parlir jupan nayraqatapar mantawayäna, juparusti sänwa: “Dios Tatitu, ¿khitirakït nayasti, kuna askirak wila masinakaxasa, akakam nayar puriyaniñamatakisti?

2 Samuel 9:8

Mefi-bosetasti alt'asisin sarakïna: —¿Kunatarak juma jach'a reyisti, naya uywatamar khuyapayasistasti? Nayax mä jiwat anumpi sastwa —sasa.

Levítico 19:34

Jumanakat maynïrïkaspas ukham uñjapxam; jupanakarux jumanakjam jaqïtapat munasipxam. Ukhamarus jumanakax Egiptonxa, jaya markat jutir jaqinakjamäpxayätawa. Nayätwa jumanakan Tatit Diosamaxa.

Mateo 25:35

Nayax manq'at awtjatäskäyätwa, jumanakasti manq'añ churapxista; umat pharjatäskäyätwa, jumanakasti uma waxt'apxista; qurpachasiñ thaqhaskäyäta, jumanakasti qurpacht'apxistawa.

Lucas 1:43

¿Khitirakïpachät nayasti, Tatituxan taykapan nayar tumpt'ir jutañapatakisti?

Lucas 1:48

Diosan mä jan yäqat luqtiripat amtasitap layku, jichhat uksarusti taqi jaqiw sapxitani: “Jumax kusisiñanïtawa” sasa;

Romanos 12:10

Maynit maynikamax jilapurjam munasipxam, purapat yäqasisa.

Rut 2:11

Booz chachasti juparux sänwa: —Chachaman jiwatapat kunanaktix taykch'imatak jumax lurkta ukanak nayar yatiyapxitu, awkimaru, taykamaru, markamar apanukunitamsa yatiraktwa, aka markan jumatak jan uñt'at jaqinakamp chik jakañataki.

Rut 2:13

Rut warmisti Booz chacharux sarakïnwa: —Tata, jumax wali suma jaqipunïtawa, arunakamasti chuymachituwa. Jan uywatamäkta ukasa, nayarux munasiñ arumpiw parlxt'ayista —sasa.

Rut 2:19

Noemí mamasti Rut warmir jiskt'änwa: —¿Kawkinarak jichhür irnaqantasti? ¿Kawkhatarak ukataq cebada apthapintasti? ¡Jumar yanapt'irix Tatitun waxt'äwip katuqpan! —sasa. Rut warmisti taykch'ipar sänwa: —Booz chachan cebada yapupan jichhürux irnaqt'anta —sasa.

Rut 2:2

Mä urusti, Rut warmix Noemí taykch'iparuw säna: —Pampar sarä, inach khitis “cebada puyanak apthapis qhipax arkanita” sitani —sasa. Ukatsti taykch'ipax: —Saramay wawa —sarakïnwa.

Rut 2:9

kawkhantix cebada yawir jaqinakax yawthapipkani uka chiqar saraskakim, nayaw uywatanakaxar iwxta, jan khitis jumar kamsañapataki. Umat pharjkätam ukkhasti, uywatanakax wakullanakar uma apsusipki ukat umt'askakïtawa —sasa.

1 Samuel 25:23

Abigail warmisti Davidar uñjasax asnopat saraqasin axsart'añ chuymampiw uraqkam alt'äna.