Números 21:16 - Qullan Arunaca

Arnón jawiratsti Beer sat chekaruw puripjjäna. Uca chekanwa phujojj jicjjatasi, cawqhantejj Tatitojj Moisesaru aqham siscatayna: “Marcaru tantachthapim ucatsti nayaw uma churä” sasa.

Aymar Bibliia 1986

Arnón jawiratsti Beer sat chekaruw puripjjäna. Uca chekanwa phujojj jicjjatasi, cawqhantejj Tatitojj Moisesaru aqham siscatayna: “Marcaru tantachthapim ucatsti nayaw uma churä” sasa.

Qullan Arunaka DC

Arnón jawiratsti, israelitanakax kawkhankäntix phuch'ux ukkharuw puripxäna, kawkhantix Tatitux Moisesar siskatayna: “Markar tantachthapim, ukatsti nayaw uma churä” sasa.

Números 21:16 Jak'a apnaqawi uñst'ayäwi

Génesis 21:19

Ucatsti Diosajj Agar warmirojj mä uma phuch'u uñacht'ayäna. Jupasti sarasinjja lip'ichi wayakaparojj uma phokhantäna, ucatsti Ismael wawaparuw umt'ayäna.

Éxodo 17:6

Nayasti qhaya Horeb sat kollunjja mä karka patan suyäma. Ucampis cunapachatejj uca karkaru jach'a thujrumampi jisctcäta ucqhasti, umawa ucatjja mistunini jakenacan umt'apjjañapataqui —sasa. Ucatsti Moisesajj uqhamwa luräna, Israelanquir jilïri jakenac nayrakatanjja.

Isaías 12:3

Jumanacas cusisitaw sarapjjaraquisma, jupan khespiyasiñ umapat umt'irejja,

Isaías 15:8

Yanap mayisa arnakasitasti Moab marcan korpanacapwa muyti, wararitanacapasti Eglaim sisqui uca chekcamaw ist'asi, Beer-elim sisqui uca chekcama.

Isaías 43:20

Take montenquir animalanacajj jach'añchapjjetaniwa, kollu anunacasa, avestruz jach'a jamach'inacasa, wasaran uma jalsuyatajj laycu, jan achuri k'ara orakenacansa jawiranac jist'aratajjata, uqhamat ajllit marcajjar uma churañataqui.

Isaías 49:10

“Janiw mank'at awtjayascjjapjjaniti, umatsa pharjayascjjapjjaniti, janiraquiw lupisa, junt'usa khatintcjjaniti, nayaw munta ucat jupanacar irparacta, jalquiri uma thiyanacaruw anaquiraquï.

Números 20:8

—Jach'a thujrum catum, ucatsti Aarón jilaman yanapapampejj takpach marcaru tantachthapim. Ucatsti take jakenaca nayrakatanjja karkaru parlam uma churañapataqui, ucatwa uñjäta karkat uma mistuniri, jupanacan uqhamarac uywanacapan umt'apjjañapataqui.

Números 33:46

Dibón-gad sat chekat mistuwayasajj Almón-diblataim sat chekaruw sayt'apjjäna.

Juan 4:10

Ucjjarusti Jesusajj saraquïnwa: —Cuntejj Diosajj churqui uctejj yatismajja, uqhamarac qhititejj um mayctam uc yatiraquisma ucajja, jumaw nayarojj um mayitasmajja, nayasti jacquir umwa churaraquirisma —sasa.

Juan 4:14

Ucampis qhititejj naya churcta uca umat umcani ucajja, janiw mayampis pharjayascjjaniti. Cawquïr umtejj nayajj churcta ucajja jupa pachpanwa jalsuni wiñay jacañ churañataqui.

Apocalipsis 21:6

Ucatsti saraquituwa: “Take cunas luratäjjewa. Nayätwa kalltas tucuyasa, A, Z letranacjama. Umat pharjatarusti nayajj jalsuri jacañ churir umwa inaqui churäjja.

Apocalipsis 22:1

Ucatsti angelajj jacañ churiri mä suma k'oma jawir uñacht'ayaraquitu. Uca umasti suma ch'uwänwa vidrior uñtata, Diosampina Corderompina tronopataracwa mistunïna.

Apocalipsis 22:17

Kollan Ajayumpi Corderon esposapampisti siwa: “Jutam”. Ist'irïqui ucasti saracpan “Jutam” sasa. Qhititejj umat pharjayasqui, ucat um muncaraqui ucajj jutpan, jacañ umat inac umt'aracpan.

Jueces 9:21

Uqham arnakawayasinsti Jotam satajj jaltjjänwa, ucatsti Beer sat chekanwa jacjjäna, jupasti Abimelec jilaparu ajjsaratap laycu.