Números 2:10 - Qullan Arunaca

“Aynacha tokerusti Rubén tribun wiphalapanïqui uca ejercitonacaraquiw puripjjani. Rubén tribun ejercitopan jilïripajj Elisur sat chachawa, cawquïritejj Sedeur sat chachan yokapäqui uca.

Aymar Bibliia 1986

“Aynacha tokerusti Rubén tribun wiphalapanïqui uca ejercitonacaraquiw puripjjani. Rubén tribun ejercitopan jilïripajj Elisur sat chachawa, cawquïritejj Sedeur sat chachan yokapäqui uca.

Qullan Arunaka DC

“Aynach tuqirusti Rubén ayllun wiphalapanïki uka ejercitow utjnuqtani. Rubén ayllun ejercitopan jilïripax Elisur chachawa, Sedeúr chachan yuqapa,

Números 2:10 Jak'a apnaqawi uñst'ayäwi

1 Crónicas 5:1

Israel chachan Rubén sat jilïr yokapan wawanacapasti acanacänwa: Hanoc, Falú, Hezrón, Carmi ucanacaraqui. Rubén ucaw chekpachana jilïr yokall wawänjja, ucampis jilïrïña cancañjja apt'awayiwa awquipan warmipampi sarnakatap laycu. Uca jilïr cancañasti Josean wawanacaparuw pasawayjjäna, ucasti Israelan yakha yokaparaquïnwa. Ucampis Judá chachasti jilanacapat sipansa juc'amp ch'amaniw tucjjäna, jupataracwa mä jilïrejja misturaquïna; ucampis jilïri yokall wawan jilïr cancañapasti Josearuw wact'äna.

Números 1:5

Acanacaw yanapt'apcätam uca jilïrinacan sutinacapajja: Rubén tributjja: Sedeur chachan, Elisur sat yokapa.

Números 10:18

Ucjjarusti sarapjjänwa cawquïri ejercitotejj Rubén tribun wiphala panïqui ucanaca; jilïripasti Elisur sat Sedeur chachan wawapänwa.

Números 10:6

Payïri phust'äwirusti, aynach token utjapqui ucanacaw sarjjarupjjaraquini. Trompetanac phust'añatejj arnakasiñampïchini, ucajj sarjjaruñataquiraquïniwa.

Números 2:11

Ucatsti censo aptatarjamajj pusi tunc sojjtan waranka pheska patacani jakenacänwa.

Números 7:30

Pusi urusti Elisur chachaw ofrendapa apäna, Sedeur chachan yokapa, Rubén tribun jilïripa,