Números 14:16 - Qullan Arunaca ‘Tatitu Diosasti janiw uca marcar irpantquiti, cawquïri oraktejj arupampi arsusin churä siscatayna ucarojja, ucatwa wasarana jiwarayi’ sasa. Aymar Bibliia 1986 “Tatitu Diosasti janiw uca marcar irpantquiti, cawquïri oraktejj arupampi arsusin churä siscatayna ucarojja, ucatwa wasarana jiwarayi” sasa. Qullan Arunaka DC “Diosasti kawkïri uraqtix churä siskatayna uka markarux janiw irpantkiti, ukat wasaran jiwarayi” sasa. |
¿Cunjämaraqui jaytätasti Egipcionacaru aqham sas parlirsti: ‘Diosasti jan wali amtäwimpiw irpsuwayi wasara kollunacana jiwarayañataqui, uqhamat aca oraketa chhaktayañataqui’ sasa? Uqhamasti janiquiy colerasimti, cuntejj amtcta ucjja armasjjaquimaya janiquiy jan walt'añar uscumti.
Ucatpï jichhajj, Tata, uñacht'ayam jach'a ch'amama, cunjämtejj arumampi arscta uqhama. Jumaw sistajja:
Jan cunsa parlapjjañapataqui cawquïri marcattï irpsunipquista ucana: Diosajj janiw uca cawquïri oraktï churä siscäna ucar puriyañjja muncänti, jupanacar uñisisinjja wasara tokeruw irpsuwayi ucan jiwarayañataqui, sasa.
Josué chachajj sänwa: —¡Ay, Dios Tata! ¿Cunatsa jumajj aca marcaru Jordán jawir maqhatayanta? ¿Amorreo sat marcampiti t'unjayañ munapjjesta? ¡Nanacataquisti waliquïsapänwa Jordán jawirat qhurcataru kheparañajja!
Cananeo jakenacas, uqhamaraqui take aca orakenacan jaquir jakenacasa jichhajj yatipjjaniwa cunatï Israel marcarojj pasqui ucjja; take jupanacaw mayacht'asisina nanacar t'unjapjjetani. Jichhasti ¿jumajj cunsa luräta jach'a sutimajj jan p'enkachatäñapataquejja? —sasa.