Ucatsti Leajj yakha wawampi wawachasiraquiquïnwa, ucarusti Simeón sasaw suticharaquïna, saraquïnwa: “Tatitojj ist'änwa jisc'achapquitu ucjja, ucatwa jichhajj mä wawampi churitu” sasa.
Números 12:2 - Qullan Arunaca Uqhamaraquiw sapjjäna: “Tatitu Diosasti janiw Moisesampiqui parlquiti, jan ucasti jiwasampejj parlaraquiwa” sasa. Ucsti Tatitojj ist'änwa. Aymar Bibliia 1986 Uqhamaraquiw sapjjäna: “Tatitu Diosasti janiw Moisesampiqui parlquiti, jan ucasti jiwasampejj parlaraquiwa” sasa. Ucsti Tatitojj ist'änwa. Qullan Arunaka DC Ukhamarus sapxänwa: “Tatitux janiw Moisesampik parlkiti; jiwasampix parlarakiwa” sasa. Tatitusti uka parlatanakap ist'änwa. |
Ucatsti Leajj yakha wawampi wawachasiraquiquïnwa, ucarusti Simeón sasaw suticharaquïna, saraquïnwa: “Tatitojj ist'änwa jisc'achapquitu ucjja, ucatwa jichhajj mä wawampi churitu” sasa.
ucampisa lutt'asiña urunacap phokhasjjepansti Davidajj palacioparuw catokjjäna, warmipäñapataqui, jupasti mä yokall wawa wawachasiraquïna. Ucampis Davidan luratanacapajj Tatitutaquejj janiw asquïcänti.
Inasa Tatit Diosamajj ist'chi Asirianquiri reyin qhitanita oficialapan arunacapjja, jacquir Diosaru jisc'achatapata, inachay mutuyaraquispa Tatit Diosam pachpa ist'qui ucanacatjja. Jichhasti oracionan mayim jilt'apqui ucanac laycojja” sasa.
Ucatsti Tatitojj Moisesatac colerasisajj sänwa: —¿Janiti ucancqui Aarón sat levita jilamajja? Nayajja yattwa jilamajj suma parlirïtapa. Ucampis jupajja jumar purir uñjasinjja wali cusisitaw jutani catokañataqui.
Aaronajj yatiyänwa Tatitojj cunanactejj Moisesar parlcäna ucanaca, uqhamarac jakenacarojj uñacht'ayaraquïnwa cawquïr muspharcañ unanchanactejj Diosajj “Lurätaw” siscäna ucanaca.
Moisesampi, Aaronampejj Faraonan ucar mantasinjja sapjjänwa: —Israelan Tatitu Diosapajja aqham siwa: ‘Marcajjaru antutam wasararu sarjjapjjañapataqui, ucanwa nayaru cusisita yupaychapjjetani’ —sasa.
Ucatsti Moisesampi, Aaronampejj faraonan ucar sarasinjja cunjämtejj Tatitojj siscäna uqhamarjamaw lurapjjäna. Aaronasti faraonana, uqhamarac jilïri jakenacapan nayrakataparuw thujrupa liwnokäna, ucatsti uca thujrojj mä catariruw tucüna.
Jach'a jach'a tucuñajj nuwasiñanacacwa apani, ucampis yatiñ cancañajja llamp'u chuymaninacampiwa.
Añchaquit Tatitu Diosamajj asirio oficialan jan wali arunacapjja ist'qui, jupasti jan wali arunacwa Dios toke arsuraqui. Inach Diosajj mutuyaspa cuna arunactejj arsqui uca arunacata. Jichhajj jumajj Diosata mayt'am qhitinacatejj kheparasipqui ucanacataqui” sasa.
Nayaw jumarojj Egipto marcat apsunsma, t'akhesiñat khespiyanisa; nayawa Moisés, Aarón, uqhamarac María jupanacaru qhitanta, jumar irpañapataqui.
Mä urusti israelitanacajj Tatitu tokwa parlapjjäna, jupanacan jan walt'añanac utjatap laycu. Tatitusti ucanac ist'asajj wal colerasïna, ucatsti mä nina apayanisajja campamenton thiyanacapwa phichhantäna.
Ucampisa Moisesajj sänwa: —¿Cunatsa jumajj naya sapan parlañajjaqui muntajja? Tatitojj inas takpach marcaru ajayup churaraquispa, ucatsti takeniw profetanacäpjjaspajja —sasa.
Take jupanacaw tantachasisinjja Moisesana Aaronampina nayräjjaparu uñstapjjäna, aqham sasa: —¡Jumanacaquiw take cunsa lurasipctajja! Takpach marcaw Tatitu Diosar catuyata, Tatitusti take nanacampïscaraquiwa. ¿Cunatsa jumanacajj mä jilïrinacjama Tatitun marcapjjaru sartapjjta? —sasa.
Maynit maynicamaw munasipjjañama jila purjam take chuymampi, suma aytat sarnakañansti purapat suma ajjsartañampi uñjasisa.
Diosajj munasiñapampi mä suma ewjja nayar churatap laycuw takeniru sapjjsma: jan maynis jupa quipcatjja lup'pati cuntejj lup'iñäqui ucat juc'ampjja. Ucampis sapa mayniw chekaparu lup'iñapa jupan Diosar iyawsañapa utjatapatjama.
Jan cunsa lurapjjamti purapat ch'ajjwasajja, ni jach'a jach'a tucuñ munasasa, jan ucasti alt'at chuymampi lurapjjam, maynit mayniru uñjasipjjam, maynejj jupat juc'amp sumäcaspas uqhama.
Uqhamaraqui, jumanacajj waynanaca, jilïri chuymaninacarojj ist'apjjam. Takeniw maynit mayniru ist'asipjjañama llamp'u chuymampi: “Diosajj jach'a jach'a tucurinacarojj jisc'achiwa, llamp'u chuymaninacarusti munasiñapanjja yanaparaquiwa.”