Números 12:1 - Qullan Arunaca

¹ Mariampi Aaronampejj Moisés contraw parlapjjäna jupan mä etiope warmimpi casarasitapata.

Aymar Bibliia 1986

¹ Mariampi Aaronampejj Moisés contraw parlapjjäna jupan mä etiope warmimpi casarasitapata.

Qullan Arunaka DC

¹ Mariampi, Aaronampix Moisés jilapat jan wal parlapxäna, jupan mä etiope warmimpi jaqichasitap layku.

Números 12:1 Jak'a apnaqawi uñst'ayäwi

Génesis 24:3

ucatsti alajjpacha, acapacha Tatitun sutipjjaru juramento lurarapita, Isaac wawajjarojj jan aca Canaán orakenquir warmimpi casarañamataqui,

Génesis 24:37

Uywirejjasti mä juramento lurayaraquitu, saraquituwa: ‘Jan munamti wawajjan aca Canaán orakenquir warminacampi casarasiñapjja, cawqhantejj nayajj utjcta ucana, jan ucasti

Génesis 27:46

Ucjjarusti Rebecajj Isaacaruraquiw säna: —Karitäjjtwa aca hitita warminacampi jacañataquejja, cawquïrinacampitï Esaú yokasajj casarasqui ucanacampejja. Jacobotejj mä hitita warmimpi casarasiraquispajja, cawquïrinacatejj aca Canaán oraken jacapqui ucanacampi, ucapachajja walïspaw jiwjjañajjajja —sasa.

Génesis 41:45

Faraonasti Josearojj egipcio sutimpiw sutichjjänjja Zafnat-panea sasa, ucatsti Asenat warmimpiw casarjjaraquïnjja, jupasti Potifera sat jaken phuchapänwa, On marcan sacerdotepäcän uca. Uqhamaw Joseajj Egipto marca nayrakatan utt'ayatäna.

Éxodo 2:16

Uca Madián sat chekansti mä sacerdotew utjäna pakallko phuchani. Ucampis uca chekar purisinjja mä phuch'u jac'aruw kont'asïna. Ucatsti uca urojja uca sacerdotena phuchanacapaw jutapjjäna phuch'ut uma apsusa ovej umañanacaru phokharañataqui, ucata awquipan ovejanacapar umarayañataqui.

Éxodo 2:21

Uqhamatwa Moisesajj uca tawakonacan awquipan utapan jacjjäna, ucatsti uca Reuel sat sacerdotejja Séfora sat phuchapampiw casarjjäna.

Éxodo 34:16

Uqhamarac phuchanacapasa inas jumanacan yokanacamampi casarasipjjaspa, jan ucajj diosanacaparu yupaychasinsa juchanacsa lurapjjaspa uqhamata jumanacan yokanacamaru diosanacapar yupaychayañataqui.

Levítico 21:14

Janipuniw mä viuda warmimpi ni mä jaljtata warmimpisa casarasiñapäquiti, ni ch'amampiqui warmisita warmimpisa ni walja chachanacampi sarnakeri warmimpisa; warmipasti jan chacha uñt'iri warmïñapawa, uqhamarusa jupa castäñaparaquiwa,

Números 14:22

Cawquïrinacatejj jach'a cancañajj uñjapqui, uqhamarac Egiptonsa, wasaransa milagronac lurcta ucanac uñjapqui, ucatsti mayampi mayampwa yant'anacarojj wasaranjja uscupjjetu, janiraquiw arunacajjarus ist'añ munapquiti,

Números 16:2

Jupanacasti Moisés contraw sartapjjäna, jupanac chicasti sartapjjaraquïnwa pä patac pheska tuncani israelitanacampi cuna, uca jakenacasti marcanjja jilïrinacäpjjänwa, uqhamarac amuyt'ayiri jakenacäpjjänwa, takeninsa wali uñt'ata.

Números 26:59

Amram chachasti casarasïnwa Leví chachan mä imill wawapampi, sutipasti Jocabed satänwa, jupasti Egipton nacitayna cunapachatejj Leví chachajj Egiptonccän ucqha. Amram, Jocabed ucanacasti Aaronan, Moisesana, Mariana awquipa, taycapänwa.

Mateo 10:36

uqhamata maynit maynicama familpachan uñisisiñajj utjañapataqui.

Mateo 12:48

Jupasti uca yatiyirirojj sänwa: —¿Qhitisa nayan taycajjajja? ¿Qhitinacaraquis nayan jilanacajjajja? —sasa.

Juan 15:20

Amtasipjjam cuntejj sapjjäyäsmajja: ‘Janiw qhiti uywatas uywiripat sipanjja juc'ampïquiti’ sasa. Nayarojj uñisipjjetuwa, jumanacarojj uñisipjjaraquïtamwa; yatichäwinacajjtejj imapjjchejja, jumanacan yatichäwinacamjja imapjjaraquiniwa.

Juan 7:5

Janïraw jilanacapajj Jesusar iyawsapcänti.

Gálatas 4:16

Jichhajja ¿cunatejj chekäqui uc satajjatacti jumanacan uñisirimajj tucuwayjjtjja?