Lucas 5:22 - Qullan Arunaca Ucampis cuntejj jupanacajj lup'isipcäna ucjja Jesusajj yatïnwa, ucat saraquïna: —¿Cunats jumanacajj uqham lup'isipjjta? Aymar Bibliia 1986 Ucampis cuntejj jupanacajj lup'isipcäna ucjja Jesusajj yatïnwa, ucat saraquïna: —¿Cunats jumanacajj uqham lup'isipjjta? Qullan Arunaka DC Ukampis kuntix jupanakax lup'ipkän uk Jesusax yatïnwa, ukat sarakïna: —¿Kunatsa jumanakax ukham lup'isipkta? |
Juma Salomón munat wawajjasti, uñt'ätawa awquimana Diosaparu, ucatsti take chuymaraquiwa jupar sirvïta, uqhamarac suma amtampiraqui, Tatitusti take chuymanacjja sumwa uñji, uqhamarac yatiraqui cuna amtäwinacsa, lup'ïwinacsa. Uqhamasti jumatejj jupar thaktätajja, jupasti jumarojj jicjjatayasïtamwa, ucampis jumatejj jupat sarakäta ucajja, jupasti jumarojj wiñayataquiw jakonucütam.
jumaw kont'atajjsa, sartatajjsa yattajja, lup'itanacajjarojj jayatpach amuytajja.
Tatitojj janiw uñjañ munquiti ñankha jakenacan amtäwinacaparojja, ucampis juparojj suma k'oma arunacawa cusisiyi.
“Naya Tatitusti aqham sistwa: Uca urunacansti ñankha amtäwinacaw p'ekemarojj jutani.
Cunapachatejj Jesusajj ucanac yatjjän ucqhajja, sarawayjjänwa uca marcatjja, walja jakenacaraquiw juparojj arcapjjäna. Jesusasti take usutanacaruraquiw c'umaraptayäna.
Jesusasti yatïnwa cuntejj fariseonacajj amtapcäna ucjja, ucatwa jupanacarojj sï: “Mä marca apnakeritejj jupa quicpa contra jaljtatäspajja ina ch'usaruw tucuspa. Uca quipcaraquiwa, mä marcatejj jan ucajj mä familias jupanaca pura jaljtatäspajja janiw acht'apcaspati.
Jesusasti yatiraquïnwa cuntejj jupanacajj lup'ipcän ucjja, ucatwa jupanacarojj saraquïna: —¿Cunatsa uqham jan wali amtañanïpjjta?
Jesusasti jupanacan parlapjjatap yatisinjja sänwa: —¿Cunatsa jumanacajj: “Janiw t'ant'ajj utjquiti” sas parlasipcta? ¿Janïrat amuyt'asipcta? ¿Uqham kala chuymanïpjjapuntati?
Jesusasti jupanacarojj sänwa: —¿Cunatsa sustjatäpjjta? ¿Cunatsa chuymanacamanjj uca pächasiñanacamajj utjapjjtamjja?
Ucapachasti ley yatichirinacampi, fariseonacampejj aqham sasaw lup'ipjjäna: “¿Qhitirac aca jakesti uqham parlañataquisti? Dios contraw jan wal arsu, janiw qhitisa juchanacjja perdoncaspati, jan ucasti Diosaquiw perdonaspajja” sasa.
¿Cawquïris juc'amp jasaquejja: ‘Juchanacamajj perdonataw’ sañati, jan ucajj, ‘Sayt'asim ucat sarjjam’ sañacha?
Pedrojj saraquïnwa: —Ananías, ¿cunats Supayajj chuymamar manti, Kollan Ajayuru c'arintañamataquejja uqhamarac orakem aljat kollket mä chicat imantañamataquisa?
Diosan arupasti jacasquiwa, jach'a ch'amaniraquiwa. Purapar arini espadat sipansa juc'ampi ariraqui, ucasti almampir ajayumpirojj juc'amp mankhacamaw puri, lup'ïwinacsa, chuyman amtäwinacapsa khanstayaraquiwa.
Wawanacaparus jiwarayaraquïwa, uqhamatwa take iglesianacajj yatipjjani nayajj jaken amuyupsa, chuymapsa uñt'atajja; jumanacarusti luräwinacamarjamaraquiw sapakat mayniru churapjjäma.