Lucas 5:22 - Qullan Arunaka DC

²² Ukampis kuntix jupanakax lup'ipkän uk Jesusax yatïnwa, ukat sarakïna: —¿Kunatsa jumanakax ukham lup'isipkta?

Aymar Bibliia 1986

²² Ucampis cuntejj jupanacajj lup'isipcäna ucjja Jesusajj yatïnwa, ucat saraquïna: —¿Cunats jumanacajj uqham lup'isipjjta?

Qullan Arunaca

²² Ucampis cuntejj jupanacajj lup'isipcäna ucjja Jesusajj yatïnwa, ucat saraquïna: —¿Cunats jumanacajj uqham lup'isipjjta?

Lucas 5:22 Jak'a apnaqawi uñst'ayäwi

1 Crónicas 28:9

Jumasti, Salomón, munat wawaxa, awkiman Diosapar wasitat uñt'xam, ukatsti taqi chuymampi, suma amtampirak luqtam, Tatitusti taqi amuyunakas uñt'i, jiwasan amtäwinakasa, lup'ïwinakas uñt'araki. Ukhamasti jumatix jupar thaqtätaxa, jikxatätawa, ukampis jumatix jupar apanukütaxa, jupax wiñayatakiw apanukütam.

Salmos 139:2

jumaw qunt'ataxsa, sartataxsa yattaxa; lup'itanakaxsti jayatpach amuytaxa.

Proverbios 15:26

Tatitux ñanqha lurir jaqinakan amtäwinakaparux uñisiwa, ukampis juparux suma quña arunakaw kusisiyiwa.

Ezequiel 38:10

“ ‘Naya Tatitux akham sistwa: Uka urunakansti ñanqha amtäwinakaw p'iqimarux jutani.

Mateo 12:15

Jesusasti uk yatisinxa, ukawjat sarawayxänwa, walja jaqinakarakiw juparux arkäna. Jesusasti taqi usutanakaruw k'umaraptayäna,

Mateo 12:25

Jesusasti kuntix fariseonakax lup'ipkän uk yatisin, jupanakarux sänwa: “Mä markan jakirinakatix jupanakkam ch'axwapxaspaxa, markapax q'ala t'unjataw uñjasispa; mä markansa, jan ukax wila masinak taypinsa jupanakkam ch'axwañax utjaspaxa, jan walt'añarukipuniw puripxaspa.

Mateo 9:4

Ukampis Jesusax jupanakan lup'itap amuyänwa, ukat jupanakarux jiskt'äna: —¿Kunatarak jumanakasti jan wali amtañanïpxtasti?

Marcos 8:17

Jesusasti jupanakan parlapxatap amuyasinxa sänwa: —¿Kunatsa jumanakax: “Janiw t'ant'ax utjkiti” sas parlasipkta? ¿Janïrat amuyt'asipkta? ¿Chuymanakamax qalaratacha?

Lucas 24:38

Jesusasti jupanakarux sänwa: —¿Kunatarak mulljasipxtasti? ¿Kunatarak pächasiñasti chuymanakaman utjisti?

Lucas 5:21

Uk ist'asinsti, kamachi yatichirinakampi, fariseonakampix akham sasaw lup'ipxäna: “¿Khitirak aka jaqisti ukham ñanqha arsuñapatakisti? Dios sapakiw juchanak pampachaspaxa” sasa.

Lucas 5:23

¿Kawkïris juk'amp jasakixa: “Juchanakamax pampachataw” sañati, jan ukax, “Sayt'asim ukat sarxam” sañacha?

Hechos 5:3

Ukat Pedrox Ananiasar säna: —Ananías, ¿kunatarak supayasti chuymamar manti, Qullan Ajayur k'arintañamataki, uraqi aljat qullqit mä chikat imaqañamatakisti?

Hebreos 4:12

Diosan arupax jakaskiriwa, ch'amanirakiwa. Purapar arini espadat sipan juk'ampi ariwa, ukasti jaqin ajayupkama, ch'akhapkama, parpapkama purir aruwa; lup'ïwinaksa, chuyma manqhan amtäwinaksa qhanstayiwa.