Lucas 4:1 - Qullan Arunaca Jesusasti Kollan Ajayun phokt'ataw Jordán jawirat cuttanjjäna, ucatsti Ajayuw wasararu irpäna. Aymar Bibliia 1986 Jesusasti Kollan Ajayun phokt'ataw Jordán jawirat cuttanjjäna, ucatsti Ajayuw wasararu irpäna. Qullan Arunaka DC Jesusax Qullan Ajayun phuqt'ataw Jordán jawirat kuttanxäna, ukatsti Ajayuw wasarar irpäna. |
Jichhajja acawa lurasini, nayajj jumat sarakawayjjäma ucqhajja, Tatitun ajayupawa jumar aptawayjjätam nayan jan uñjañ chekaru. Ucatsti nayajj cunapachatï Acab reyiru yatiyä ucqhajja, jupajj janiw jumarojj jicjjatcjjätamti, ucatsti nayarojj jiwayitaniwa. Aca uywatamasti wayna urunacapatpachwa Tatiturojj jach'achañ yati.
Ucatsti jupajj wasar tokeruw sarjjäna, ucatjja mä uru jornala sarasinjja mä retama ali thiyaruw kont'asïna. Jupasti jiwjjañacwa munäna aqham sasa: “¡Ucqhaquëjjpan Tata! ¡Nayarojj jacañajj apakjjeta, nayajj janiw ancha sumäcti awquinacajjata sipana!” sasa.
“Tatitun ajayupajj nayjjanquiwa, Tatituraquiw nayarojj yakhachasitu; pobrenacaru suma yatiyäwinac yatiyiriw qhitanitu, llact'atanacaru chuymachañataqui, preso catuntatanacaru khespiyat sarnakasiñ yatiyiri, carcelanquirinacarusti khespiyat sarnakasiñ chuririraqui,
Diosan ch'amapaw nayarojj sayt'ayitu ucatsti uca chekatsa apsuniraquitu, nayasti wali llact'ata mayjt'ataw sarjjaracta, ucañcamasti Tatitojj amparapampiw wali waythapiraquitäna.
Cunapachatejj Jesusajj bautisatäjjän ucqhajja, umatwa mistunjjäna, ucatsti mayacwa alajjpachajj jist'artäna, Jesusasti uñjaraquïnwa Kollan Ajayurojj palomar uñtat jupjjar sarakasinquiri.
Aca chachasti Kollan Ajayun irpataw templor sari. Jesusarusti awquinacapajj temploruw apanipjjäna, cunjämtï leyinjj siscäna ucar phokhañataqui.
Juanasti Jordán jawira thiyanacsti k'al muytäna, jakenacaru: “Bautisasipjjam, jan wali luräwinacamatsti arrepientisipjjam, juchanacamajj perdonatäñapataqui” sasa.
Jesusasti Kollan Ajayun ch'amapan phokt'ataw Galilearojj cutt'jjäna. Jupatsti take ucsa tokenacan parlapjjäna.
“Tatitun Ajayupaw nayjjanqui, suma yatiyäwinac pobrenacar churañataquiw ajllisitu; llact'at chuymanacar kolliriw qhitanitu, carcelanquirinacar khespita sarnakañat yatiyiriraqui, uqhamarac juyqhunacarus uñatatayiri; t'akhesiyatanacarus khespiyiriraqui;
Ucjjarojj Juanajj saraquïnwa: “Nayajj uñjtwa Kollan Ajayuru alajjpachat mä palomar uñtat sarakanquiri, uca Kollan Ajayusti jupjjaruwa sayt'araqui.
Diosan qhitanitapajja Diosan arunacapwa parli, Diosajj Ajayupjja jilarquirwa churaraqui.
cunürutï alajjpachar catokatäjjänjja ucürcama, take ucanacjjata. Jesusajj janïra alajjpachar maqhatcasinjja, apostolonacaparuw ajllisïna. Ucatsti Kollan Ajayu tokeraquiw ewjjawayäna cuntejj lurapjjañapäcäna ucjjata.
Yatipjjaractawa cunjämtejj Diosajj Nazaretanquir Jesusar Kollan Ajaysa, uqhamarac ch'amsa churcäna ucjja. Uqhamaraquiw yatipjjtajja cunjämtï jupajj sarnakcäna, asquinac lurasa, usutanacar c'umarachasa, uqhamarac supayan munañapan t'akhesiyatäcän ucanac c'umarachasaraqui. Tatit Jesusajj Diosampïtap laycuw take ucanacjja luräna.
Umat mistjjapjjäna uca khepatsti, Tatitun Ajayupaw Feliperojj aptawayjjäna. Jilïri take yänacjjar utt'ayat jakesti janiw mayamps Feliperojj uñjcjjeti, ucampis jupajj c'uchiquiw sarawayjjäna.