Lucas 3:3 - Qullan Arunaca

³ Juanasti Jordán jawira thiyanacsti k'al muytäna, jakenacaru: “Bautisasipjjam, jan wali luräwinacamatsti arrepientisipjjam, juchanacamajj perdonatäñapataqui” sasa.

Aymar Bibliia 1986

³ Juanasti Jordán jawira thiyanacsti k'al muytäna, jakenacaru: “Bautisasipjjam, jan wali luräwinacamatsti arrepientisipjjam, juchanacamajj perdonatäñapataqui” sasa.

Qullan Arunaka DC

³ Juanasti Jordán jawira thiyanak q'al muytäna, ukansti jaqinakarux sänwa: “Bautisasipxam, jan wali luräwinakamat kutikipstapxam, ukhamat juchanakaman pampachatäñapataki” sasa.

Lucas 3:3 Jak'a apnaqawi uñst'ayäwi

Mateo 3:11

Nayasti chekpachansa umampiw bautisapjjsma, jumanacar arrepientisir uñjasina, ucampis qhititejj nayat khepajja jutcani ucajj Kollan Ajayumpi, ninampiraquiw bautisapjjätam. Jupapï nayat sipan juc'ampi ch'amanejja, nayasti jupan wisqhup apañataquis janiw asquïcti.

Lucas 1:16

Israelan wawanacapatjj waljaniruraquiw Tatitu Diosapar cutiquipstayanini.

Lucas 1:77

marcapan khespiyasiñ utjatap yatipjjañapataqui, uqhamarac juchanacapat perdón utjatapsa, uqhamat khespiyasipjjañapataqui.

Lucas 4:1

Jesusasti Kollan Ajayun phokt'ataw Jordán jawirat cuttanjjäna, ucatsti Ajayuw wasararu irpäna.

Juan 1:28

Take acanacajj pasänwa; Betábara sat chekana, ucasti Jordán jawirat inti jalsu tokencänwa, cawqhantejj Juanajj bautiscäna ucqhana.

Juan 3:26

Ucatsti Bautisir Juanan ucar sarasinjja sapjjänwa: —Yatichiri, Jordán jawir qhurcatan jumampïcän ucajja, qhititaractejja jumajj khanañchapquista ucajja jichhajj bautisasquiwa, takeniraquiw jupar arcapjje —sasa.

Hechos 13:24

Janïr Jesús jutquïpanjja, Juan sat chachaw yatiyäna Israelanquir take jakenacar aqham sasa: ‘Bautisasipjjam, jan wali luräwinacamatsti arrepientisipjjaraquim’ sasa.

Hechos 19:4

Pablosti sänwa: —Juanajj jakenacarojj bautisänwa juchanacapat arrepientisipjjatapata. Jupanacarusti saraquïnwa: ‘Nayan khepajj mayniw jutani, ucaruw iyawsapjjäta.’ Ucasti Cristo Jesusawa —sasa.

Hechos 22:16

Jichhasti ¿cunats suyascta? Sartam, bautisasiraquim, Tatitun sutipar iyawsasa, take juchanacamat jarekatäñamataqui’ sasa.