Lucas 3:4 - Qullan Arunaca

Acasti lurasïnwa cunjämatejj Isaías profetajj kellkawaycatayna uqhamarjama: “Wasaran mä chekat maynin art'asitapaw ist'asi: ‘Tatitun thaquip waquichapjjam; chekäqui uca thacjja jist'arapjjaraquim.

Aymar Bibliia 1986

Acasti lurasïnwa cunjämatejj Isaías profetajj kellkawaycatayna uqhamarjama: “Wasaran mä chekat maynin art'asitapaw ist'asi: “Tatitun thaquip waquichapjjam; chekäqui uca thacjja jist'arapjjaraquim.

Qullan Arunaka DC

Akasti kunjämatix Isaías profetax qillqawaykatayna ukhamaruw phuqhasiskäna: “Wasaran maynin art'asitapaw ist'asi: ‘Tatitun thakhip wakichapxam; chiqa thakhi jist'arapxam.

Lucas 3:4 Jak'a apnaqawi uñst'ayäwi

Isaías 57:14

Ucapachaw mä arojja ist'asiraquini: “Mä suma qhusqha thaqui waquichapjjam, take jan walt'añanacsa aptapjjam marcajjan pasañapataqui.”

Isaías 62:10

Mistupjjam, puncunac chek mistupjjam, marcajjataquisti thaqui waquichapjjam. Uca thacsti wali amuyumpi lurapjjaraquim, kalanacsa k'al willsupjjam; marcanacar jawsañataquisti mä wiphala sayt'ayapjjaraquim.

Malaquías 4:6

Juparaquiw awquinacampi wawanacampsa sumancthapiyjjani. Janitejj uqhamäcani ucapachasti nayaw jutä, ucatsti take marcpacharuraquiw mutuyaraquï k'ala t'unjasina.”

Mateo 3:3

Uca Juanatsti Isaías profetajj aqhamwa khanañcharaquïna: “Mayni jaken arupaw wasaran wali jach'ata ist'asi: ‘Tatitun thaquipa asquichapjjam; uca thacsti chekaptayapjjaraquim’ ” sasa.

Marcos 1:3

Maynin art'atapaw wasaran ist'asi: ‘Tatitutac thaqui waquichapjjam; mä chekap thac jist'arapjjam’ ” sasa.

Juan 1:23

Juanasti saraquïnwa: —Nayajj mä arütwa wasaran art'iri: ‘Chekaptayapjjam Tatitun thaquipa’ sasa, cunjämtï Isaías profetajj arscäna uqhamarjama.

Juan 1:7

Jupasti testigjama khanat parliriw jutäna, cuntejj jupajj parlcäna uca toke takeni iyawsapjjañapataqui.