Tatitun templopana suma imatäqui ucanacsa catuntasiraquïna uqhamarac reyin palaciopatsa. Takwa apasjjapjjäna, uqhamarac Salomonajj korita escudonaca luraycäna ucanacsa.
Lucas 21:1 - Qullan Arunaca Templonsti Jesusajj kamirinacaruw ofrenda cajanacar kollke uchasquir uñjäna. Aymar Bibliia 1986 Templonsti Jesusajj kamirinacaruw ofrenda cajanacar kollke uchasquir uñjäna. Qullan Arunaka DC Jesusasti Tatitun utapankaskänwa, ukat kunjämtix qamirinakax qullqi churapkän uk uñjäna, |
Tatitun templopana suma imatäqui ucanacsa catuntasiraquïna uqhamarac reyin palaciopatsa. Takwa apasjjapjjäna, uqhamarac Salomonajj korita escudonaca luraycäna ucanacsa.
Ucatsti Joiada sat sacerdotesti mä arca catüna, ucatjja patjjat mä p'iya lurasinjja, altaran cupëjjaparuwa uchäna, uqhamata Tatitun temploparu mantirinacajja, templo puncunjama mantañawja uñjiri sacerdotenacasa uscupjjañapataqui take kollkenacajj Tatitun utaparu apascäna ucanaca.
Ucatjja Nabucodonosor reyejj take imatanacwa apsüna Tatitun templopata, reyin palaciopata, cunjämtï Tatitojj yatiycäna uqhamaruwa phokhasiscäna, Israelana Salomón reyipajj cuna yänactejj korita luraycäna Tatitun templopataqui ucanacwa tucjäna.
Diosan templopanquiri take yänacsa, jach'sa, jisc'sa takwa apasïna, uqhamarac templona imatäcäna ucanacsa, reyinquïrsa, uqhamarac yanapirinacapanquïrsa takwa apasïna Babiloniaru caldeonacan reyipajja.
Ucatjja uca pirwanaca uñjañapataquisti utt'ayaractwa sacerdote Selemías ucaru, uqhamarac secretario Sadoc ucaru, ucatjja mä levita chacharu Pedaías sat sutini, uqhamaraqui yanapiripataquisti ucharactwa Hanán ucaru, jupasti Zacur ucan yokapänwa, uqhamarac Matanías ucan allchhiparaqui, jupanacajj asqui jakenacäpjjatap laycu. Jupanacaw masinacaparu laquiñaru uchasipjjañapäna.
Sacerdotenacan jilïrinacapasti uca kollkjja aptapjjaraquïnwa, ucatwa aqham sas sapjjäna: —Janiw uca kollkjja ofrendanacamp chica imcsnati, wilampi ch'ajjch'sutätap laycu —sasa.
Uqhamaraquiw ijmanacatjja utanacapsa aparapjje, ucatsti uca jan wali luratanacap imt'añataquejja jach'a oracionanac lurapjje. Jupanacaw juc'amp jach'a mutuyäwi catokapjjani.”
Jesusajj acanac arsünwa templon yatichcasina, ofrenda cajanacajj uscutäcäna ucawjana. Ucampis janiw qhitis preso catuntañ ch'amanïpcänti horasapajj janïra purinitap laycu.
Ucampisa kori, kollke, uqhamarac bronce, hierro ucanacajja Diosaru loktatäniwa, Diosataqui imataraquïniwa” sasa.
Ucjjarusti israelit jakenacajj ninampiw Jericó marca phichhantapjjäna, take cunatï utjcäna ucanacampi. Kori, kollke, broncet, hierrompit lurat yänacacwa Diosatac jilt'ayjjapjjäna.