Josué 6:19 - Qullan Arunaca

¹⁹ Ucampisa kori, kollke, uqhamarac bronce, hierro ucanacajja Diosaru loktatäniwa, Diosataqui imataraquïniwa” sasa.

Aymar Bibliia 1986

¹⁹ Ucampisa kori, kollke, uqhamarac bronce, hierro ucanacajja Diosaru loktatäniwa, Diosataqui imataraquïniwa” sasa.

Qullan Arunaka DC

¹⁹ Ukampisa qurimpi, qullqimpi, ukhamarak bronceta, hierrot lurat yänakax Tatitur luqtatäniwa, ukatsti jupataki imatarakïniwa” sasa.

Josué 6:19 Jak'a apnaqawi uñst'ayäwi

2 Samuel 8:11

Davidasti take uca yänacjja Tatituruw loktäna, cuna korinactejj, uqhamarac kollkenacatsa loktcatayna ucanacampi chica, take uca yänacasti cawquïri marcanacatejj atipjatäcäna ucanacat apanitänwa.

1 Reyes 14:26

Tatitun templopana suma imatäqui ucanacsa catuntasiraquïna uqhamarac reyin palaciopatsa. Takwa apasjjapjjäna, uqhamarac Salomonajj korita escudonaca luraycäna ucanacsa.

1 Reyes 7:51

Ucatjja cunapachatï tucuyasjjäna ucqhajj Salomón reyejj Tatitun templopana take lurañanaca David awquipajja Tatitur loktcäna uca korita, kollketa lurat yänaca, ucanacjja uchjjänwa Tatitun templopana imaña utaparu.

2 Reyes 24:13

Ucatjja Nabucodonosor reyejj take imatanacwa apsüna Tatitun templopata, reyin palaciopata, cunjämtï Tatitojj yatiycäna uqhamaruwa phokhasiscäna, Israelana Salomón reyipajj cuna yänactejj korita luraycäna Tatitun templopataqui ucanacwa tucjäna.

1 Crónicas 18:11

Davidasti take aca yänacjja, korimppacha, kollkemppacha take marcanacat aparcatayna ucanacjja Tatituruw loktäna, Edom, Moab, amonita, filisteo, amalecita ucanacatwa aparäna.

1 Crónicas 26:20

Mayni levitanacasti lurañanïpjjänwa templonquir suma yänaca, kollan ofrendanaca imaña utanaca uñjapjjañapataqui.

1 Crónicas 26:26

Selomit chachasti jilanacapampejja Davidan kollan yänacapa take imañ utanaca uñjapjjäna, familiata jilïrinaca, batallones ucanacan jilïrinaca, uqhamarac compañías ucanacan jilïrinacasa, ucatsti ejerciton jilïrinacapasa Tatitur loktatäpjjänwa.

1 Crónicas 26:27

Uca yänacasti guerranacan jicjjatatänwa, ucatsti jupanacajj templotaquiw uchapjjäna.

1 Crónicas 26:28

Uqhamaraquiw ucancäna Samuel uñjirin loktatanacapa, ucatsti Cis chachan Saúl yokapana, Ner chachan Abner yokapana, uqhamarac Sarvia chachan Joab yokapana. Take uca loktatanacajja sum uñjatänwa Selomit chachana, uqhamarac jilanacapampina.

1 Crónicas 28:12

Uqhamaraquiw ucjjarojj churaraquïna cuna amtäwinacapatï lup'ïwipana utjcäna templona ankäjj utanacapataqui ucanaca, uqhamarac cawquïr utanacatejj uca muytpachana luratäñapäqui ucanacatsa, tesoronacataqui, uqhamarac kollana ofrendanaca imañäqui uca utanacatsa.

2 Crónicas 15:18

Diosan temploparojja uchayänwa take korinaca, kollkenaca jupasa, awquipasa Tatitur loktapcäna ucanaca.

2 Crónicas 31:12

ucaruwa jan armasisa churäwinaca uchapjjäna, tuncat mayäqui uc churapcäna ucanaca, uqhamarac Tatitur loktatäcäna ucanacsa. Ucanaca uñjañapataquisti Conanías sat levitaruwa jilïrita utt'ayapjjäna, uqhamarac Simei jilaparuraqui jupar yanapt'añapataqui.

Nehemías 10:38

Cunapachatï levitanacajj apthapiri sarapcani tuncat mayïrïqui ucqhajja, Aarón ucan wawapa mä sacerdotewa jupanacamp chicajj sararaquini. Ucatsti levitanacajja Diosasan templopan pirwanacaparuwa apapjjañapäni tuncat mayïrïqui ucan tuncat mayïripäcaraqui uca.

Jeremías 38:11

Ebed-melec jakesti uqhamaw jakenacjja irpäna, ucatsti reyin palacioparu sarasinjja reyin isi imasiñapatwa traponaca apsusinjja, mä pitaru chinuntasinwa uca traponacjja warcokäna, cawqhanccäntejj Jeremiasajj ucqharu, uca uma phuch'una.

Levítico 19:24

Pusi mara purinjjepansti take uca achunacajj Tatituru loktatäjjaraquiniwa, mä suma loktäwi lurasa,

Miqueas 4:13

¡Jichhajj sartasim Sión marca, ucatsti jawk'suraquim! Tatitusti siwa: “Nayaw jumarojj ch'am churäma mä toro vacarjama, wajjranacamasti hierrotaraquïniwa, cayumas broncetaraqui, uqhamat walja marcanacar t'unjañamataqui. Cuna yänacaptejj lunthatasiñampi jicjjatapqui ucanacjja, jumaw k'al aparäta, ucatsti nayaruw catuyjjaraquitäta, aca orakpachana Tatituparu.”

Números 31:11

Take cunanactejj aparanipcäna, jakenacsa, uywanacsa,

Números 31:12

ucanacsti Moisesan ucaruw apapjjäna, uqhamarac Eleazar sacerdoten ucaru, takpach Israel marca nayrakataru, cawquïrinacatejj Moab orake pampana sayt'asipcäna, Jordán jawira thiyana, Jericó marca uñcatasina.

Números 31:22

Take korita, kollketa, bronceta, hierrota, estañota, plomota lurat yänaca,

Mateo 27:6

Sacerdotenacan jilïrinacapasti uca kollkjja aptapjjaraquïnwa, ucatwa aqham sas sapjjäna: —Janiw uca kollkjja ofrendanacamp chica imcsnati, wilampi ch'ajjch'sutätap laycu —sasa.

Marcos 12:41

Mä urojj Jesusajj templon konuscäna, ofrenda uchañäquis uca jac'ana. Uqham kont'atäscasinsti jakenacaruw uñch'uquiscäna, ofrendanacap uchasipquiri. Kamirinacasti waljaniraquiw walja kollke uchapjjaraquïna.

Josué 7:11

Israel marcajj jach'a juchaniwa; p'aquintapjjew nayan jumanacampi arust'atajj-jja. Cunanacatejj t'unjatäñapäcän ucanacjja jupanacajj lunthatasinipjjewa, k'epinacaparu imantat apasinisa, yatcasinsa jupanacajj jan walinac lurapjje.