Lucas 20:47 - Qullan Arunaca

⁴⁷ Uqhamaraquiw ijmanacatjja utanacapsa aparapjje, ucatsti uca jan wali luratanacap imt'añataquejja jach'a oracionanac lurapjje. Jupanacaw juc'amp jach'a mutuyäwi catokapjjani.”

Aymar Bibliia 1986

⁴⁷ Uqhamaraquiw ijmanacatjja utanacapsa aparapjje, ucatsti uca jan wali luratanacap imt'añataquejja jach'a oracionanac lurapjje. Jupanacaw juc'amp jach'a mutuyäwi catokapjjani.”

Qullan Arunaka DC

⁴⁷ ukatsti ijma warminakat utanakap aparapxi, uka jan wali luratanakap imt'añatakix jach'a mayisïwinak lurapxi. Jupanakaw juk'amp jach'a mutuyäwi katuqapxani.”

Lucas 20:47 Jak'a apnaqawi uñst'ayäwi

Isaías 10:2

uca leyinacasti pisi ch'ama jakenacarojj janiw asqui lurquiti, marcajjan utjiri pobre jakenacan arsutanacapsa janiw yäkapcaractati, ijma warminacarojj inaquiw ch'amapa apsupjjtajja, wajchanacatsti lunthatapjjaractawa!

Ezequiel 22:7

Jakenacamasti janiwa awquinacaparusa, taycanacaparusa suma uñjapcaraquiti, yakha marcat jutiri jakenacarusa ñankhachapjjaraquiwa, wajchanacarusa, ijma warminacarusa inaquiw irnakayapjje.

Ezequiel 33:31

Uqhamaw marcajjajj jutasin juman nayrakataman kont'asipjje cunjämtejj lurapjjerïcäna, arunacama ist'añataqui. Ucampisa janiw uca arunacarjama sarnakapquiti. Munasiña k'ochunacäcaspasa uqhamacwa k'ochupjje, ucampisa jupanacan chuymanacapajj kollken khepapa sarañanquiwa.

Amós 2:7

Pobrenacarusti wali t'akhesiyasaw jisc'aru tucuyapjje, janiraquiw chekapar uñjapquiti llamp'u jakenacarojja. Awquis, yokas pachpa warmimpiraquiw iquintasipjje, uqhamatwa nayan kollan sutejja taquichasipjje.

Miqueas 2:2

Orakenacjja walpun munt'apjje, ucatsti uca orakenacjja catuntasipjjaraquiwa; utanacsa walpun munt'apjje, uca utanacsti lunthatapjjaraquiwa. Jakenacarusti t'akhesiyapjjaraquiwa, familianacapsa, uqhamaraqui orakenacapsa catuntasisa.

Miqueas 2:8

Jumanacajj marcajjataquiw sayt'apjjtajja, jakenacatsti isinacapsa aparapjjaractawa jumanacan uñisirinacamäcaspas uqhama.

Miqueas 3:2

Ucampis cunatejj asquïqui ucjja uñisipjjtawa, ñankhäqui ucwa munapjjaractajja. Marcajjarusti lluch'supjjaractawa, k'ara ch'aqha jaytapjjaractajja.

Mateo 23:13

“¡Ay, camachapcaquïta jumanacajj ley yatichirinaca, fariseonaca, c'ari chuymaninaca! Jumanacasti alajjpacha puncjja jist'antapjjtawa yakhanacan jan mantapjjañapataqui; ni jumanacas mantapcaractati ni yakhanacarus mantayapcaractati.

Mateo 23:14

[¡Ay, camachapcaquïta jumanacajj ley yatichirinaca, fariseonaca, c'ari chuymaninaca! Jumanacasti ijmanacan utanacapjja aparapjjtawa, uca jan wali luräwinacam imt'añataquisti jach'a oracionanac lurapjjtajja. Ucatwa jumanacajj jach'a mutuyäwi catokapjjätajja.]

Marcos 12:40

Ijma warminacan utanacap apakapjje. Uc lurasinsti jach'a oracionanac lurapjje, uca jan wali luratanacap imt'añataqui. Ucanacasti taket sipana juc'amp jach'a mutuyäwwa catokapjjani” sasa.

Lucas 12:1

Ucchañcamasti jakejj waranka warankaw tantthaptäna, cayunacatsa taquirasipjjänwa. Jesusasti yatekerinacaparuw saraqui: —Amuyasipjjam fariseonacan levadurapata, sañ munta, c'ari chuymanacapata.

Lucas 20:46

“Ley yatichirinacatjja amuyasipjjam; jupanacasti jach'a isinacamp isintasis sarnakañwa munapjje, plazanacansti jupanacajj wali ajjsart'añampi aruntayasiñ munapjje, uqhamarac sinagoganacansa nayrakat konuñanacaruw kont'asiñ munapjje, mank'añanacansti sumawja chekanacaruw kont'asiñ munapjje.

Lucas 21:1

Templonsti Jesusajj kamirinacaruw ofrenda cajanacar kollke uchasquir uñjäna.

1 Tesalonicenses 2:5

Jumanacajj asquiw yatipjjta, janiw cunapachas arunacampi jumanacar sumachapcsmati, janiraquiw cuna c'ari arunacs parlapcti kollke laycuquejja. Acatjja Diosaw sum yatisqui.

Tito 1:16

Jupanacajj: Diosarojj uñt'apjjtwa sapjjewa. Ucatsti luräwinacapampejj janiw uqham uñacht'ayapquiti, jupanacajj uñisirinaca, jan yäkasiñan khoru jakenacäpjjewa, janiraquiw cuna sumsa lurirjamäpquiti.

Santiago 3:1

Jilatanacajja, jumanaca taypinjja janiw waljani yatichirinaca tucuñapäquiti, yatipjjtawa qhitinacatejj yatichapjjtan ucanacajj jan qhuyapt'ayasiñampi taripatäñäniwa.