Lucas 11:15 - Qullan Arunaca

Ucampis yakhepanacajj sapjjänwa: —Aca jakejj Beelzebú sat jilïri supayan ch'amapampiw ñankha ajayunacjja alissu —sasa.

Aymar Bibliia 1986

Ucampis yakhepanacajj sapjjänwa: —Aca jakejj Beelzebú sat jilïri supayan ch'amapampiw ñankha ajayunacjja alissu —sasa.

Qullan Arunaka DC

ukampis yaqhipanakax sapxänwa: “Aka jaqix Beelzebú sat jilïri supayan ch'amapampiw ñanqha ajayunak alissu” sasa.

Lucas 11:15 Jak'a apnaqawi uñst'ayäwi

Mateo 10:25

Mä yatekerejj chuymachasjjañapawa cunapachatejj yatichiripjamäjje ucajja, uywatasti chuymachasjjañaparaquiwa cunjamäcäntejj uywiripajj uqhamar purisajja. Utanirutejj Beelzebú sas sutichapjjchejja, juc'amp jan walinacwa familiaparojj sapjjanejja.

Mateo 12:22

Ucapachasti, Jesusajj ucarojj mä amut juyqhu jakeruw irpanipjjäna, ucasti ñankha ajayunïnwa. Jesusasti juparojj c'umaraptayänwa, ucatwa uca jakejj uñj-jjaraquïna, parljjaraquïna.

Mateo 4:24

Acanacasti yatisïnwa take Siria tokenacana, ucatsti cunayman usutanacaruraquiw Jesusan ucarojj apanipjjäna c'umaraptayañapataqui, uqhamarac ñankha ajayun mantatanaca, t'ucu usuninaca, suchunaca, uqhamarac take jan kollcay usutanacarus apanipjjäna. Jesusasti jupanacarojj c'umaraptayänwa.

Mateo 9:34

Fariseonacasti sapjjänwa: —Aca jakejj uca ñankha ajayunacarojj alissuwa, uca quicpa ñankha ajayun jilïripampïtap laycu —sasa.

Juan 10:20

Waljaniw jupanacat sapjjäna: —¿Cunatsa juparojj yäkapjje? Acajj ñankha ajayuniwa, lokheraquiwa —sasa.

Juan 7:20

Ucjjarusti jakenacajj sapjjaraquïnwa: —Ñankha ajayunïtawa. ¿Qhitis jiwayañ muntamjja? —sasa.

Juan 8:48

Judionacajj ucjjarojj saraquïnwa: —Chekacwa sasipcsma, jumajj samaritanötawa uqhamarac ñankha ajayuniraquïtawa —sasa.

Juan 8:52

Judionacasti ucjjarojj sapjjaraquïnwa: —Jichhaw yatjjapjjtjja ñankha ajayunïtama. Abrahamasa, uqhamarac take profetanacasa jiwapjjewa, jumasti arstawa: ‘Qhititejj nayan arsutajjarjama cuns luranejja, janiw cunapachas jiwcaniti’ sasa.