Mateo 4:24 - Qullan Arunaca

²⁴ Acanacasti yatisïnwa take Siria tokenacana, ucatsti cunayman usutanacaruraquiw Jesusan ucarojj apanipjjäna c'umaraptayañapataqui, uqhamarac ñankha ajayun mantatanaca, t'ucu usuninaca, suchunaca, uqhamarac take jan kollcay usutanacarus apanipjjäna. Jesusasti jupanacarojj c'umaraptayänwa.

Aymar Bibliia 1986

²⁴ Acanacasti yatisïnwa take Siria tokenacana, ucatsti cunayman usutanacaruraquiw Jesusan ucarojj apanipjjäna c'umaraptayañapataqui, uqhamarac ñankha ajayun mantatanaca, t'ucu usuninaca, suchunaca, uqhamarac take jan kollcay usutanacarus apanipjjäna. Jesusasti jupanacarojj c'umaraptayänwa.

Qullan Arunaka DC

²⁴ Jesusan luratapasti Siria uraqpachan yatisïna, jupan ukarusti kunayman usutanakaru, ñanqha ajayun mantatanakaru, t'uku usuninakaru, suchunakaruw irpanipxäna. Jesusasti jupanakarux k'umaraptayänwa.

Mateo 4:24 Jak'a apnaqawi uñst'ayäwi

2 Samuel 8:6

Ucatsti Davidajj janc'aquiw Damasco marcarojj guardianaca uscuraquïnjja Siria tokena, sirio jakenacasti Davidan apnakataw uñjasipjjäna, uqhamaraqui impuestonacsa pagapjjaraquïna. Uqhamaw Tatitojj Davidarojj atipjañ churäna, cawqharutejj sarcäna uca chekanacanjja.

1 Reyes 10:1

Sabá tokenquir reinajja ist'änwa Salomonan jach'a cancaña jicjjatatapata Tatitur jach'achañataqui, ucatsti jupajj yant'iriw Jerusalenaru saräna wali ch'ama jisct'anacampi. Jupasti wali c'achachatawa purinïna, suma k'apquiri perfumenacampi, qhumuntat camellonacampi, uqhamarac wali korinacampi, wali muncaña kalanacampiraqui. Salomonan nayrakataparu purisinjja, jisct'änwa cunanactejj amtcatayna jisct'añataqui ucanaca.

1 Reyes 4:31

Take yatiñan jakenacat sipansa juc'amp yatiñanïnwa: Etán ucat sipana, juc'amp yatiñanïnwa, jupasti Zera ucan wawapänwa; uqhamarac Hemán, Calcol, uqhamarac Darda ucanacat sipansa, juc'amp yatiñanïnwa, jupanacasti Mahol ucan wawanacapäpjjänwa. Uca yatiñ cancañapasti yatisiraquïnwa uca muytpacha take marcanacana.

1 Crónicas 14:17

Uqham luratapasti take orakpachanwa yatisïna, Tatituraquiwa uqham lurascaraquïna take marcanacan jupar ajjsarapjjañapataqui.

1 Crónicas 29:2

Take ch'ama tucuñampiw nayajj waquichta cunanacatejj munasqui ucanacjja Diosajjan templopataquejja: kori, kollke, bronce, hierro, madera, sapa mayataquis yakha yakha. Uqhamaraquiwa waquicharacta cornalina, kalanaca lip'suyañataqui, mezcla, kalanaca mosaicotaqui, take casta muncañ kalanacaraqui, uqhamarac walja alabastronaca.

Éxodo 15:26

Saraquïnwa: “Jumanacatejj naya Tatitu Diosaman arunacajja suma ist'apjjäta, ucat munañajjarjam lurapjjaraquïta, uqhamarac camachinacajjarusa, leyinacajjarusa phokhapjjaraquïta ucqhajj janiw cawquïr usunactejj egipcionacar apaycta ucanacampejj t'akhesiyapcämati. Nayätwa jumanacar c'umarachir Tatitumajja” sasa.

Mateo 12:22

Ucapachasti, Jesusajj ucarojj mä amut juyqhu jakeruw irpanipjjäna, ucasti ñankha ajayunïnwa. Jesusasti juparojj c'umaraptayänwa, ucatwa uca jakejj uñj-jjaraquïna, parljjaraquïna.

Mateo 14:1

Uca urunacanjja Herodesajj Galileanwa marca apnakascäna, jupasti Jesusjjatwa yatiyäwinac yatïna.

Mateo 15:22

Canaananquir mä warmiraquiw ucapachajj Jesusan ucarojj wal arnakt'asis jutäna: —Tata, Davidan wawapa, qhuyapt'ayasiquitay nayarojja. Phuchajjaw supayampi sinti t'akhesiyat uñjasi —sasa.

Mateo 17:15

—Tata, qhuyapt'ayasimay yokajjaru. Sapa cutiw t'uqhu churayasi, horasajj ninaruw liwirantti, horasasti umaruraqui; walpun t'akhesisqui.

Mateo 17:18

Ucapachaw Jesusajj uca ñankha ajayurojj tokenokäna, ucatsti uca waynatjja alissuraquïna. Waynasti ucspachaw c'umaräjjäna.

Mateo 4:23

Jesusasti ucürunacanjja, Galilea tokenacanwa sinagoganacan Diosan khespiyasiñ arunacap yatiyasa sarnakäna, uqhamarac jakenacarus take usutanacapat c'umaraptayasa.

Mateo 8:28

Cunapachatejj Jesusajj kota qhurcatancjjän ucqhajja, Gadara sat chekancänwa; ucansti pä chachanacaraquiw amay imäwi mankhat mistunisin Jesusarojj jac'achasipjjäna. Ñankha ajayunïtap laycusti wali ajjsaratäpjjänwa, janiraquiw jakenacajj uca chekjja sarapjjerïcänti.

Mateo 8:33

Uca qhuchi awatirinacasti wali sustjataw marcar jalapjjäna. Marcar purisinsti take acanacwa yatiyapjjaraquina, uca ñankha ajayun mantat jakenacatsa uqhamaraqui.

Mateo 8:6

aqham sasa: —Tata, nayan uywatajjawa utajjan iquiñan usuntatäsqui, suchuptatawa, waliracwa janchipsa usuyasi —sasa.

Mateo 9:26

Uca luratapasti take ucsa tokenacanwa yatisïna.

Mateo 9:35

Jesusasti ucapachajj take uca marcana, jisc'a marcanacansa yatichasaw sarnakäna, uqhamarac sinagoganacansa sapa chekana Diosan khespiyasiña arunacapat khanañchasaraqui, take casta usutanacsa c'umarachasaraqui.

Marcos 1:28

Mäquiraquiw Galilea orakpachana jakenacajj Jesusjjat yatipjjäna.

Marcos 1:32

Inti jalantat sujsthapirusti, Jesusan ucaruw irpanipjjäna take usutanacaru, ñankha ajayun mantat jakenacampiru.

Marcos 2:3

Ucapachasti pusi jakenacaw mä suchu jake callt'at purinipjjäna.

Marcos 2:4

Jake phokhätap laycu Jesusar jan jac'achasiñjamïpansti, uta techo jartasinwa suchu jakerojj iquiñat warcuntanipjjäna Jesusan nayrakataparu.

Marcos 2:9

Aca usut jakerojj ¿cun sañas jasaquïspajja: ‘Juchanacamajj pampachatäjjewa’ sañati, jan ucajj: ‘Sartam, iquiñama apthapisim, ucat sarjjam’ sañacha?

Lucas 2:2

Aca nayrakat jacthapïwisti, Cireniojj Siria marca apnakcäna uca urunacanwa lurasïna.

Lucas 4:14

Jesusasti Kollan Ajayun ch'amapan phokt'ataw Galilearojj cutt'jjäna. Jupatsti take ucsa tokenacan parlapjjäna.

Lucas 4:38

Sinagogat mistjjasinsti Jesusajj Simonan utaparuw mantäna. Simonan taycch'ipasti wali calenturampi usutäscänwa, ucatwa Jesusarojj kollt'añapatac achict'apjje.

Lucas 5:15

Ucampis Jesusan take ucanac luratapajj juc'ampiw yatisïna, ucatsti walja jakeraquiw jupar ist'irejj jutapjjäna, uqhamarac usunacapat kollatäñataquisa.

Lucas 5:24

Waliquiw uqhamajja, jichhajja Jaken Yokapan acapachan juchanacat perdonañataqui ch'amanïtap jumanacarojj uñacht'ayapjjäma —sasa. Ucat uca suchu jakerojj säna: —Jumaruw sisma, sayt'asim, iquiñam apjjarusis utamar sarjjam —sasa.

Lucas 7:17

Take Judeapachanwa, uqhamarac uca jac'anacamppachana cuntï Jesusajj lurcatayna ucajj yatisïna.

Juan 10:21

Mayninacasti sapjjaraquïnwa: —Janiw qhitis mä ñankha ajayunejj aqham parlcaspati. ¿Mä ñankha ajayunisti mä juyqhurojj nayrapjja kollaspati? —sasa

Hechos 10:38

Yatipjjaractawa cunjämtejj Diosajj Nazaretanquir Jesusar Kollan Ajaysa, uqhamarac ch'amsa churcäna ucjja. Uqhamaraquiw yatipjjtajja cunjämtï jupajj sarnakcäna, asquinac lurasa, usutanacar c'umarachasa, uqhamarac supayan munañapan t'akhesiyatäcän ucanac c'umarachasaraqui. Tatit Jesusajj Diosampïtap laycuw take ucanacjja luräna.

Hechos 15:23

Ucanacaruw cartjja apayapjjäna aqham sas kellkata: “Nanac apostolonacampi jilïrinacampi uqhamaraqui jilatanacampejj aruntanipjjsmawa Antioquianquir, uqhamarac Sirianquir, Cilicianquir jan judiöpquis uca jilatanacajjaru.

Hechos 15:41

Jupasti Siria chekaw pasawayäna, uqhamaraqui Cilicia cheka iglesianacana jilatanacar ch'amañcht'awayasa.

Hechos 28:9

Uc yatisinsti uca islan yakha usutanacasti Pablon ucaruw jutapjjäna, jupanacasti kollatäpjjaraquïnwa.

Hechos 8:7

Walja ñankha ajayun mantat jakenacaraquiw c'umaraptayatäpjjäna. Uca ñankha ajayunacasti wararisisaw jupanacatjja mistjjapjjaraquïna. Walja suchu jakenacampi, cojonacampiraquiw c'umaraptayatäpjjäna.

Josué 6:27

Uqhamaw Diosajj Josué chacharojj yanapäna, uqhamarac sutipasa take jakena aytataraquïnwa.