Lucas 1:78 - Qullan Arunaca Dios Awquisasti munasiñapana, qhuyapayasiñapampita alajjpachatjja khespiyasiñ khanwa churanistu, mä machak urun khantiri, Aymar Bibliia 1986 Dios Awquisasti munasiñapana, qhuyapayasiñapampita alajjpachatjja khespiyasiñ khanwa churanistu, mä machak urun khantiri, Qullan Arunaka DC Dios Awkisasti, khuyapayasiñapatxa, alaxpachat mä qhispiyir khithanistu, mä machaq urun intin qhantatapjama, |
Uca troncojj Isaí chachawa, jisc'a aliw ch'ichsu, mä aliw saphinacapatjja ch'ichtaniraquini.
Juyqhunacarusti jan uñt'at thaquinacanjamwa irparaquëjja. Jupanacan nayrakatapansti ch'amacjja khanaruw tucuyäjja, kollunacsti pampa orakeruw tucuyaraquëjja. Take ucanacsti lurapunïwa.
Tata, alajjpachatpacha uñtanipjjeta, cawqha kollana, c'ajquiri chekantejj utjcta ucqhatpacha. ¿Cawquincaraqui uca jach'a munasiñamasti, ch'amamasa, colerasiñamasa? ¿Qhuyapayasiñamasti nanacataquejj tucusjjeti?
Nayajj Tatitun munasiñapatwa parlañ munta, yupaychaña k'ochunacap k'ochuña, take cuntejj jupajj jiwasanacatac lurqui ucanacata, Israelan wawanacapataquejj qhuyapayasiñapajj jach'ätapata, cuntejj qhuyapayasiñapanjja lurqui, uqhamaraqui jach'a munasiñapansa, take ucanacata.
Sum ist'ita, Josué, jumajj jilïri sacerdotëtawa, ist'apjjaracpan jumampïqui uca tantachäwisa, uqhamasti jumanacajj Diosan marcapäpjjtawa mayninacan yatekapjjañapataqui: Nayajj qhitanïwa servirejja, jupajj ‘Machak Cülli’ satawa.
Saraquïtawa: ‘Take ch'amani Tatitojja arsuwa Machak Cülli sutini chachatjja, ucasti quipca saphinacapat alsusina Tatitun templopa sayt'ayanejja.
Ucampisa qhitinacatï nayaru ajjsartasa sarnakapcta ucanacataquejj, chekaparu sarnakañajj intir uñtataw khantanini, khanapasti jakenacataquejj khespiyasiñ apanini. Ucatsti jumanacajj cusisiñata jalnakapjjäta cunjämatejj vaca kallunacajj uyut mistusajj jalnakapquejj uqhama.
Uñjtwa cunatejj khepa urunacan utjcani ucsa, uñjaractwa cunatejj jayancqui ucsa. Mä warawaraw Jacobot mistusinqui, mä reyiraquiw israelan sartasqui. Jupaw Moab orakerojj p'eket takjjatani. Takpachaniruw Set sat chachan wawanacaparojj pampachjani.
“Diosajj acapachar wal munatap laycuw mä sapa Yokapar qhitani, take qhitinacatejj jupar iyawsapqui ucanacajj jan chhakañapataqui, jan ucasti wiñay jacañanïñapataqui.
Ucatpï aqham sejja: “P'arjjtasim, juma iquirejja; jiwatanac taypit sarthapim, Cristow khant'ätam” sasa.
Diosaquiw yatejja cunjämtejj nayajj jumanacarojj Jesucriston munasiñapampi munapcsma ucjja.
Uqhamasti Cristotejj ch'amañchapjjstam, jupan munasiñaparaqui chuymachapjjstam, Ajayuparaqui jumanacampïchi, jupan munasiñapsa qhuyapayasiñapsa uñt'apjjsta ucqhajja,
Diosajj jumanacarojj munapjjtamwa, jupancapjjañamataquiw ajllisipjjtam. Uqhamajj qhuyapayasiñampi, suma jakëñampi, jisc'ar tucuñampi, llamp'u chuymanïñampi isthapitay sarnakapjjam.
Uqhamat profetanacan arupajj juc'amp thurt'at uñjasi. Jumanacasti uca profetanacan arunacapar ist'asinjja walicwa lurasipctajja, uca arunacasti mä lamparjamaw ch'amacanacanjja khani, urojj khanjtaniñapcama, willjta warawarasti mistuniñapcama jakenacan chuymanacapar khant'añataqui.
Maynitejj kamirïchi ucat, jilapan pist'ayasitapa yatisina jan jupat qhuyapt'ayascchejja, ¿cunjämarac Diosan munasiñapajj chuymapan utjaspasti?
“Naya, Jesusawa, angelajja qhitta iglesianacar aca arunaca yatiyaniñapataqui. Nayätwa Davidat nayrasa, jupat sarakerisa, nayajj khantati warawararaquïtwa.”