Ucampisa qhititejj jan circuncidatäcani ucasti jumanac taypitjja apsutäjjañapawa, jan nayan arust'äwejjaru ist'atap laycu.
Levítico 7:25 - Qullan Arunaca “Cawquïritejj naqhantayatäñataqui Tatitur loktatäqui uca uywanacan liq'ipa mank'ani ucasti, jakenac taypitjja apanucutäjjaniwa. Aymar Bibliia 1986 “Cawquïritejj naqhantayatäñataqui Tatitur loktatäqui uca uywanacan liq'ipa mank'ani ucasti, jakenac taypitjja apanucutäjjaniwa. Qullan Arunaka DC “Nakt'at waxt'äwi Tatitur luqtatäki uka uywanakan lik'ip manq'ir jaqisti, markap taypit apanukutäniwa. |
Ucampisa qhititejj jan circuncidatäcani ucasti jumanac taypitjja apsutäjjañapawa, jan nayan arust'äwejjaru ist'atap laycu.
Ucatsti amparanacapata apakasinsti altararu naqhantayam, chekat suma k'apquir ovejajj Tatitur loktasa phichhantatäqui ucjjaru; ucasti Tatitur jach'añchañataqui loktata ofrenda naqhantayatäñapawa.
“Aca leyisti wiñayataquiwa, wawanacapan wawanacapataqui, cawqhantï jumanacajj jacapcäta ucqhanjja janipuni wilsa ni liq'sa mank'apjjamti.”
“Cawquïri jaketejj jan k'omachatäcasina uca sumancthapiñataqui loktata aycha mank'ani ucasti jakenac taypitjja apanucutäjjañapawa, uca aychajj Tatitutaqui satätap laycu.
“Cawquïri jaketejj mä cuna k'añunacsa llamct'ani, mä jaken k'añupäpasa, jan ucajj mä uywan k'añupäpasa, jan ucajj cawquïri ajjtascaña yänacäpasa, ucat uca sumancthapiñataqui loktat aycha mank'araquini ucasti jakenac taypitjja apanucutäjjaniwa, uca aychajj Tatituncatap laycu.”
Jiwata uywanacan liq'ipjja uqhamaraqui montenquiri animalanacan jiwayata liq'ipsa cunataquis puedisipctaw apnakañjja, ucampisa janipuniw mank'apjjätati uca liq'jja.
“Cawqhantï jumanacajj jacapjjäta, uca chekanacanjja janipuniw jamach'inaca, ni uywanacan wilapsa mank'apjjätati.
Cawquïri jaketejj wila mank'ani ucasti jakenacap taypitjja chhaktayatäjjaniwa.”