Éxodo 29:25 - Qullan Arunaca

²⁵ Ucatsti amparanacapata apakasinsti altararu naqhantayam, chekat suma k'apquir ovejajj Tatitur loktasa phichhantatäqui ucjjaru; ucasti Tatitur jach'añchañataqui loktata ofrenda naqhantayatäñapawa.

Aymar Bibliia 1986

²⁵ Ucatsti amparanacapata apakasinsti altararu naqhantayam, chekat suma k'apquir ovejajj Tatitur loktasa phichhantatäqui ucjjaru; ucasti Tatitur jach'añchañataqui loktata ofrenda naqhantayatäñapawa.

Qullan Arunaka DC

²⁵ Ukatsti amparanakapat apaqasin altarxar uk nakt'ayäta, suma q'apkir nakt'ayat luqtäwimp chika. Ukasti Tatitur jach'añchañatak nakt'ayat waxt'awa.

Éxodo 29:25 Jak'a apnaqawi uñst'ayäwi

Génesis 8:20

Ucatsti janc'aquiraquiw Noejj Tatitutaqui mä altar luräna, ucatsti k'oma animalanacata, uqhamaraqui jamach'inacatsa mayacamwa catüna, ucatsti Tatituruw sacrificiot loktäna.

Génesis 8:21

Cunapachatejj Tatituru ucqha suma k'aphejj purïna ucqhajj Tatitojj aqham sänwa: “Janipuniw mayampsa aca orakerojj maldiscjjäti jaken juchap laycojja, jakesti waynatpacha ñankha lurañacpunwa amtasquejja. Janiraquiw animalanacarojj mayampsa tucj-jjäti, cunjämtejj jichhajj lurcta uqhama.

Salmos 99:6

Moisesamp Aaronampejj sacerdotenacap taypin aytatawa, Samuelojj sutip jach'añchirinac taypin aytatawa, jupanacajj Tatituruw art'asipjjäna, jupasti mayisitanacaparojj ist'änwa.

Éxodo 29:18

Ucatsti uca ovej-jja altar patjjaru naqhantayasinwa Tatitur jach'añchasa loktäta, uqhamata uca ofrendajj suma k'apquir Tatitutacjamäñapataqui.

Éxodo 29:24

ucanacasti Aaronana, uqhamarac wawanacapana amparanacaparu uchasina apayam Tatitur loktañataqui.

Éxodo 29:41

Uca quipcaraquiqui jayp'u horasarojja maynïr ovej-jja loktaraquiquïta jac'u, vino ofrendanacampi cuna. Uqhamata uca ofrendanacajja suma k'apquir Tatitutaqui loktas naqhantayatäñapataqui.

Levítico 1:13

Ucatsti qhititejj loktqui ucajj uca uywan jiphillanacapsa, chhuchhullinacapsa umampiw jarekapjjani, ucsti sacerdoteraquiw takpach altarjjar naqhantayani; Tatitutaquejj mä suma k'apquiri ofrendaraquïniwa.

Levítico 1:9

Qhititejj loktcani ucasti uca uywan jiphillanacapsa, chhuchhullinacapsa umampiw jarekañapa, ucsti sacerdoteraquiw takpach altarjjar naqhantayani. Tatitutaquejj mä suma k'apquiri ofrendaraquïniwa.

Levítico 10:13

Mä kollana chekan mank'apjjam, ucawa jumanacarojja, uqhamarac wawanacamarusa wact'apjjtam, cawquïri ofrendanacatejj Tatitutaqui nact'ayatäqui ucanacatjja. Ucaracwa Tatitojj nayarojj situ.

Levítico 2:11

“Janipun jumanacajj levadurjja uchapjjamti Tatitur loktañatac grano achunacat waquichat ofrendarojja. Janipuni cuna casta levaduranacsa uscupjjamti, misq'ïpasa Tatitur loktat ofrendajj naqhantayatäñapapuniwa.

Levítico 2:16

Ucatsti sacerdotew naqhantayanejja mä juc'a grano ch'ajjert'atjja, uqhamarac aceite, ucamp chicsti takpacha inciensoraqui, ucasti amtasïwitac mä ofrendäniwa, Tatitutaqui nact'ayata.

Levítico 2:2

Ucsti Aaronan sacerdote yokanacaparuw aparaquini, sacerdotesti aceitempi, inciensompi warjjatatäquis uca jac'u jach'jjatasinjja altarjjaruw naqhantayjjani, Diosataquisti mä suma k'apquiri ofrendar uñtataraquïniwa, uqhamaraqui mä amtasïwïñapataqui.

Levítico 2:9

Ucanwa sacerdotejj ofrendat mä juc'a aptasajj altarjjana nact'ayjjani, Diosataquisti mä suma k'apquiri ofrendar uñtataraquïniwa, uqhamaraqui amtasïwïñapataqui.

Levítico 3:11

Ucatsti, sacerdotejj takwa altarjjaru naqhantayani, mank'añ ofrendata Tatitutaqui naqhantayasa.

Levítico 3:14

“Qhititejj uywa loktcani ucajj naqhantat ofrendata Tatitur loktañapawa, jiphillanacan liq'inacapamppacha,

Levítico 3:16

Ucatsti, sacerdotejj takwa altärjjaru naqhantayani suma k'apquiri mank'añ ofrendata. Take liq'inacajja Tatitutaquiwa.

Levítico 3:3

“Qhititejj sumancthapiñatac uywa loktcani ucajj Tatitur loktañapawa, nact'ayat ofrendata, jiphillanacan liq'ipamppacha,

Levítico 3:5

Sacerdotenacasti uca liq'inacjja altarjjaruw naqhantayjjani, cawqhantejj altarjjan naqhantayatäñatac loktäwejj naqhasqui ucjjaru apjjatasa, Tatitutaquisti mä suma k'apquiri ofrendaraquiwa.

Levítico 3:9

“Qhititejj sumancthapiñatac mä oveja Tatitur loktcani ucasti naqhantat ofrendjama loktañapawa, wich'incjja jiqhanitpach qharekani, jiphillanacan liq'ipamppacha,

Levítico 7:25

“Cawquïritejj naqhantayatäñataqui Tatitur loktatäqui uca uywanacan liq'ipa mank'ani ucasti, jakenac taypitjja apanucutäjjaniwa.

Levítico 7:5

Ucatsti sacerdotejj take ucanacjja altarjjaruw nact'ayjjaraquini, Tatitutaqui mä suma k'apquiri ofrendata loktatäcaspas uqhama. Ucasti yatcasina pantjasïwi jucha luräwinacata sacrificio loktatawa.

Levítico 8:28

Ucatsti Moisesajj take ucanacjja jupanacan amparanacapatjja wasitatwa apakjjaraquïna, ucatsti altarjjaruw nact'ayjjaraquïna cawquïri uywatejj catuyasiñatac loktatäcän uca uywampi chica, ucasti Tatitutaquejj mä suma k'apquiri ofrendat loktataraquïnwa.

Efesios 5:2

Munasiñan jacapjjam, cunjämtejj Cristo Tatitojj munasquistu uqhama. Jupajj jiwasanac laycuw jacañap apt'asi, mä wilañchat ovejar uñtata, Diosatac suma k'apquir ofrenda loktasa.

1 Samuel 2:28

Israel marcan take tribunacap taypitsti nayan sacerdotenacajjäñapataqui, uqhamarac nayan altarajj-jjaru sacrificionac loktanipjjañapataqui, incienso naqhayapjjañapataqui, uqhamarac efod sat isimpi naya nayrakatan ist'atäpjjañapataqui. Uqhamarus nayrapacha awquinacamarojj take ofrendanactejj israelitanacajj Tatituru churqui ucanacwa churaractjja.