Levítico 7:16 - Qullan Arunaca Mä uywatejj mä arsüwi phokhañataqui, jan ucajj chuymasatjama mä ofrendaquiraquïni ucapachasti, ucan aychapajj uca urpacha pachpana mank'antatäjjañapawa, ucat jilt'iristi khepürusa mank'atäscaraquispawa; Aymar Bibliia 1986 Mä uywatejj mä arsüwi phokhañataqui, jan ucajj chuymasatjama mä ofrendaquiraquïni ucapachasti, ucan aychapajj uca urpacha pachpana mank'antatäjjañapawa, ucat jilt'iristi khepürusa mank'atäscaraquispawa; Qullan Arunaka DC Mä uywatix mä arsüwi phuqhañataki, jan ukax chuymasatjama mä waxt'äwïni ukapachasti, ukan aychapax ukürpach manq'antatäxañapawa, ukat jilt'iristi qhipürus manq'atäskarakispawa; |
Loktäwinac apt'ataw utamar mantä, nayrakataman churäwinac naqhayarapïma, uqhamat jumar arsutanac phokhä,
Take israelit chachanaca, uqhamarac warminacaw chuymanacapan amthapisipjjäna cuntejj Tatitojj luram siscäna uca lurañan yanapt'añjja, ucatsti take chuymaw ofrenda Tatitutac apanipjjäna.
‘Nayajj sumancäwi sacrificionac loktañataquiw arsüyäta, jichhasti ucjja phocjjtwa.
“Cunapachatejj marca apnakerejj Tatitur mä ofrenda chuymapata churani, mä uywa k'ala naqhantayasa jan ucajj sumancthapiñataqui mä ofrenda ucapachasti, inti jalsu tokencquisa uca puncunjamwa mantanini, uca sacrificionac loktañataqui, cunjämatejj samaraña urunacana loktasqui uqhama. Jupan mistuwayjjatapatsti puncojj jist'antasjjaraquiniwa.
Chuymamatjama ofrenda loktäwsti mä orko vaca jan ucajj mä orko oveja loktapjjäta, ucanacasti ch'ulla ch'ulla cayunïscpasa, ucampisa uca casta uywanac loktäwejja janiw catokatäcaraquïtati mä arsüwima phokhañ munasin loktäta ucapachajja.
“Cunapachatejj Tatituru mä ofrenda yuspagarasa churäta ucapachasti, wali sumpuni loktam, uqhamata uca ofrenda loktäwejja suma catokatäñapataqui.
Jumanacasti uca churäwinacjja, cuntejj Tatituru chuymanacamatjama loktapcäta ucanacat sipan yakhwa aca arsüwinacjja loktapjjätajja.
“¡Uñtapjjam! Niyaw kollunjam jutasqui suman sarnakasiñ yatiyäwinac apanirejja. Judá marca, fiestachasiraquim; arsutanacamsti phokharaquim. Khoru jakenacasti janiw juc'ampi jumar nuwirejj jutcjjapjjaniti; k'ala t'unjatäjjapjjaraquiwa.
ucanwa loktapjjetäta mä orko vaca, jan ucajj mä ovejsa nayan jach'a cancañajjaru, nact'ayasa, jan ucajj mä sacrificiota suma k'apquiri, cuntejj arsupcta ucanac phokhasa, chuymanacamatjama ofrenda churasa, jan ucajj mä fiesta utjqui ucqhasa,
ucqhasti jumanacajj cawqha chekarutejj Tatitu Diosamajj ajllisini jumanacan yupaychapjjañamataqui, ucaruwa loktapjjäta take cunanactejj sapcsma ucanaca. Take uywanaca sacrificion loktasa juparu yupaychañataqui, diezmonaca, churäwinaca, uqhamaraqui take cuntejj Tatitu Diosamaru churañatac arsupcta ucanac sum ajllisinwa churapjjäta.
“Jumanacasti janiraquiw marcanacamanjja: Trigo, vino, aceite uca diezmonacjja, ni vacanacamana, ovejanacamana jilïri kallunacapsa ni jumanacas chuymanacamat ofrendanac churä sapcta ucanac mank'apjjañamäquiti.
Ucampisa cawquïri yänactejj Diosaru ofrendata churä sapcta, uqhamaraqui arunacamampi arsusina loktä sapcta ucanacjja cawqha chekarutejj Diosajj ajllisqui ucaruw apapjjäta.
Uca chekanwa jumanacajj uywanaca sacrificiot jupar yupaychasa loktapjjäta, diezmonaca apasa, churäwinacama Diosaru churasa, arsutanacama, ofrendanacama, uqhamaraqui vacanacamana, ovejanacamana nayrïr kallunacap apasa.