Nahúm 1:15 - Qullan Arunaca

¹⁵ “¡Uñtapjjam! Niyaw kollunjam jutasqui suman sarnakasiñ yatiyäwinac apanirejja. Judá marca, fiestachasiraquim; arsutanacamsti phokharaquim. Khoru jakenacasti janiw juc'ampi jumar nuwirejj jutcjjapjjaniti; k'ala t'unjatäjjapjjaraquiwa.

Aymar Bibliia 1986

¹⁵ “¡Uñtapjjam! Niyaw kollunjam jutasqui suman sarnakasiñ yatiyäwinac apanirejja. Judá marca, fiestachasiraquim; arsutanacamsti phokharaquim. Khoru jakenacasti janiw juc'ampi jumar nuwirejj jutcjjapjjaniti; k'ala t'unjatäjjapjjaraquiwa.

Qullan Arunaka DC

¹⁵ 15 (1) ¡Judá markankir jaqinaka, uñtapxam! Suman sarnaqasiñ yatiyäwinak apanirix niyaw qullunjam jutaski. Phunchhäwi urunak lurapxam; arsutanakamsti phuqhapxarakim. Qhuru jaqinakasti janiw juk'ampi jumar nuwirix jutkxapxaniti; q'ala t'unjatäxapxiwa.

Nahúm 1:15 Jak'a apnaqawi uñst'ayäwi

Salmos 107:15

Tatiturojj qhuyapayasiñapat yuspagarapjjam, jakenacatac muspharcañanac luratapata.

Salmos 107:8

Tatiturojj qhuyapayasiñapat yuspagarapjjam, jakenacatac muspharcañanac luratapata.

Isaías 41:27

Nayaw kalltatpach Sionarojj yatiytjja, Jerusalenarus mä qhita qhitaniractjja, jakenacapan mäqui cuttanjjañap yatiyañapataqui.

Isaías 42:11

Wasaras uqhamarac uca wasaran utjir marcanacas cusispan, Cedar token utjir campamentonacan jaquir jakenacasa. Sela token utjirinacasti cusisiñat k'ochupjjpan, kollu patanacatpach art'asipjjpan,

Isaías 52:1

Sartasim, Sión, sartasim, ch'amañcht'asiraquim; Jerusalén, kollan marca, suma isinacamampi isthapisim, jan Diosar uñt'ir uca ñankha jakenacajja, janiw mayampsa juman ucarojj mantanjjapjjaniti.

Isaías 52:7

¡Cunja cusiscañas kollu patanacanjam jutasquir uñjañajja, qhititejj mä suma yatiyäwi apanqui ucan tact'atanacapajja, jupajj sumancañ yatiyäwinaca apani, suma cusiscañ yatiyäwinac apani, khespiyasiñ yatiyäwinac apani, Sión marcarusti siwa: “Diosamajj reyiwa”! sasa.

Joel 3:17

“Jumanacajj yatipjjätawa, naya Tatitu Diosamajja Sión kollan kollojjanwa jacasctjja. Jerusalenasti mä kollana marcäniwa; jaya jakenacasti janipuniw jichhajj juc'ampi apnakcjjaniti.

Levítico 23:2

“Israelitanacarusti aqham saraquim: Acnïri urunacaw Tatitutaqui sata yakhachata urunacajja, jumanacasti uca urunacanwa kollana tantachasïwinaca lurasa tantacht'asipjjäta.

Levítico 23:4

“Acanacaraquiwa kollana urunacajja uqhamat Tatituru yupaychasa kollana tantachasïwinac lurapjjañamataqui, uca urunacaw jumanacajj tantacht'asipjjaraquïta.

Nahúm 1:14

Nínive marcanquir rey, Tatitojj jumatjja aqham siwa: “Janiw jichhajj juman wawanacamajj utjcjjaniti sutim sarayañatakejja; diosaman templopsti k'alrac t'unjä, c'ari diosanacsa, uqhamarac yakha diosanacsa, uca pachparuraquiw jumarojj imantäma, jisc'achcañätam laycu.”

Lucas 2:10

Angelasti jupanacarojj sänwa: —Jan ajjsarapjjamti, suma yatiyäwinac apanta, acasti take marcpachataqui wali cusisiñäniwa.

Lucas 2:14

“¡Diosajj jach'añchatäpan alajjpachanacanjja. Aca orakensti sumancañaraqui utjpan qhuyapayasiñapat cusisipqui uca jakenac taypina!”

Hechos 10:36

Diosajj Israelan wawanacaparuw parläna Jesucristo toke sumancañ utjañapata. Jesucristosti take jakenacan Tatitupawa.

Romanos 10:15

¿Cunjämraqui yatiyapjjanisti jupanacajj jan qhitatäcasinsti? Cunjämtï Kellkatanjja sisqui uqhama: “¡Cunja sumas sumancañ arunac apanirin purinitapajja, uqhamarac suma asqui arunac yatiyatanacapasa!”