Ucatsti loktañataqui aceite, uqhamarac suma k'apquir incienso kollan chekan lurapjjañaparaqui. Jupanacasti take cunsa lurapjjañapawa cunjämtejj nayajj siscsma uqhamarjama.”
Levítico 16:12 - Qullan Arunaca Ucjjarusti mä incensario caturaquini, ucarusti cawquïri sanc'anacatejj altarjjan naqhasqui ucanacampiw apjjataraquini, uca altarasti Tatitun nayrakatapanquiwa, uqhamarac pä jach'i q'iyat incienso caturaquini, ucsti velo khepäjjaruw apjjaraquini, Aymar Bibliia 1986 Ucjjarusti mä incensario caturaquini, ucarusti cawquïri sanc'anacatejj altarjjan naqhasqui ucanacampiw apjjataraquini, uca altarasti Tatitun nayrakatapanquiwa, uqhamarac pä jach'i q'iyat incienso caturaquini, ucsti velo khepäjjaruw apjjaraquini, Qullan Arunaka DC Ukxarusti altarxan Tatit nayraqatan jikxataski uka sank'anakampi phuqxatat incienso q'aphichañ aptani, ukhamarak pä jach'i k'iyat suma q'apkir inciensompi, uksti velo qhipäxaruw apani, |
Ucatsti loktañataqui aceite, uqhamarac suma k'apquir incienso kollan chekan lurapjjañaparaqui. Jupanacasti take cunsa lurapjjañapawa cunjämtejj nayajj siscsma uqhamarjama.”
Ucjjarusti Bezaleel chachajj luraraquïnwa loktañataqui kollan aceite, uqhamarac suma k'apquir incienso, cunjämatejj suma k'apquir perfumenaca lurirejj lurqui uqhamaraqui.
Nadab, uqhamarac Abiú ucanacasti Aaronan yokanacapänwa, jupanacasti mä nina wayuña catusinjja, ucaruw ninampi uscupjjaraquïna, uqhamarac inciensompi, ucat jupanacajj Tatitu nayrakatanwa cuna nintejj Tatitojj jan loktapjjamti siscäna uca nina loktapjjäna.
Ucatsti sapa mayniw incensariop apjjarusïna, akasquir q'illimimpi, inciensompi uchapjjäna, Moisesampi, Aaronampi chicaraquiw sayt'asipjjäna, Tatitumpi Jiquisiñ Carpa nayrakatana.
Moisesasti Aaronarojj sänwa: —Aptanim incensarioma, altarata ninjja ucharaquim, ucatsti incienso warjjatam. Ucatsti saram marca thiyaru, jupanacataqui Diosat perdón mayiraquim, Tatitun colerasiñapaw sartani uca laycu, usunacas niyaw kalltaniraqui.
Jupanacaw Jacoborusa, Israel marcarusa yatichapjje, leyinacamampisa, arsutanacamampisa. Juman uñjcataw altaramarusa uchapjjaraqui, incienso, uywanaca loktañataqui.
Ucampis ucajj uqhamächi ucajja ¡kawkha juc'amp ch'amanïpachas Criston wilapajja! Ucasti wiñay jaquir Ajayu tokew Cristojj Diosaru jupa pachpa loktasi jan k'añucht'ata, wilapas k'omacharaquistuw chuymasjja jiwañaru apquistus uca jan wali luräwinacatjja, jacquir Diosar sirviñasataqui.
Ucatsti Sinti Kollan Chekarojj jilïri jach'a sacerdotequiw mantirïna, maran mä cuti. Ucar mantañataquisti apañapänwa animalanacan wilapa, juchanacapat loktañataqui, uqhamarac jakenacataquisa.
Jiwasatejj khanan jacstan, cunjämatejj Diosajj khanancqui uqhamjja, mayaquïtanwa maynimpi maynimpisa, Jesucristo Yokapan wilapaw take juchanacasat k'omacharaquistu.
Ucatsti angelajj incensario catusinjja, altarancquis uca nina sanc'anacampiw phokhantäna, ucatsti aca orakeruw ucjja wartanjjäna. Aca orakensti khejjokhejjonaca, ojjoñanaca, llijullijunaca, mä orak qhathati cunaw utjaraquïna.