Levítico 13:8 - Qullan Arunaca Ucatsti sacerdotejj wasitata uñjjatasinjja, uca llagan juc'ampi take janchinjama akatatatapatjja, ucapachasti sacerdotejj uca jakerojj jan k'oma jaketwa khanañchjjani, uca jakejj lepra usunïtap laycu. Aymar Bibliia 1986 Ucatsti sacerdotejj wasitata uñjjatasinjja, uca llagan juc'ampi take janchinjama akatatatapatjja, ucapachasti sacerdotejj uca jakerojj jan k'oma jaketwa khanañchjjani, uca jakejj lepra usunïtap laycu. Qullan Arunaka DC Ukatsti sacerdotex wasitat uñxatasinxa, uka llixtitix juk'ampi taqpach janchipar aqatatatätap amuyxani ukkhasti, sacerdotex uka jaqirux q'añu jaqit qhanañchxani, uka jaqin lepra usunïtap layku. |
“Cunapachatejj mayniru janchipajj p'usuni, jan ucajj phallatatanisa, jan ucajj janchipana manchanacasa uñstani, jan ucajj mä llaganacasa lepra usur uñtata uñstani, ucapachasti uca jakejj sacerdoten ucaru apatäñapawa, Aaronan ucaru, jan ucajj Aaronan mayni wawanacapan ucarusa.
Sacerdotew uca janchipan llaganacapjja uñjjataraquini, sumwa uñaquiparaquini, ucatsti uca janchin ñic'utapatejj jank'o tucuwayjjchejja, uqhamarac uca llagasa juc'ampi mankharu mantawayaracchejja, ucapachasti amuyatäjjaspawa uca llagajj lepra usun llagapätapa. Sacerdotesti uca jakeru uqhama suma uñj-jjasajja k'añütapwa khanañchjjaraquini.
“Ucampisa uca llagatejj, sacerdoten uñjjatatatsa, uqhamarac k'omata uñt'atatsa juc'ampi saratatascaquinejja, ucapachasti wasitatwa cawquïri sacerdotetejj juparu uñjcän ucampi uñjayasiri sararaquini.
“Cunapachatejj mayni jakejj lepra llaganacanïnejja, ucapachasti sacerdoten ucaruw sarani.
“Israelitanacarojj saraquim campamentota jakonucupjjañapataqui cawquïri jaketï lepra usunïchi, uqhamarac chhojjorasiñapatsa aywiychi, uqhamarac jiwat jaken janchipa llamct'asin k'añu tucupjje ucanacarusa.
Jumanjja janiw wact'ctamti catokañamajja, ni asquïcaractas ucataquejja. Chuymamasti janiw chekäquiti Dios nayrakatanjja.
“Khespita sarnakasiñ churapjjäma” sapjjewa, ucampis jupanacpachaw juchan esclavopäsipqui, sapakat jakeraquiwa cuna juchampitï atipjayasqui ucan esclavopajja.