Levítico 1:13 - Qullan Arunaca Ucatsti qhititejj loktqui ucajj uca uywan jiphillanacapsa, chhuchhullinacapsa umampiw jarekapjjani, ucsti sacerdoteraquiw takpach altarjjar naqhantayani; Tatitutaquejj mä suma k'apquiri ofrendaraquïniwa. Aymar Bibliia 1986 Ucatsti qhititejj loktqui ucajj uca uywan jiphillanacapsa, chhuchhullinacapsa umampiw jarekapjjani, ucsti sacerdoteraquiw takpach altarjjar naqhantayani; Tatitutaquejj mä suma k'apquiri ofrendaraquïniwa. Qullan Arunaka DC Khititix luqtkani ukasti uka uywan jiphillanakapsa, chhuchhullinakapsa umampiw jariqañapa, uksti sacerdotew altarxar taqpach nakhantayani, Tatitutak mä suma q'apkir luqtäwïñapataki. |
Cunapachatejj Tatituru ucqha suma k'aphejj purïna ucqhajj Tatitojj aqham sänwa: “Janipuniw mayampsa aca orakerojj maldiscjjäti jaken juchap laycojja, jakesti waynatpacha ñankha lurañacpunwa amtasquejja. Janiraquiw animalanacarojj mayampsa tucj-jjäti, cunjämtejj jichhajj lurcta uqhama.
Ucjjarusti lurayaraquïnwa bronceta tunca pilanaca jarisiñataqui, cupëjjarojja pheskwa uchäna, ch'ekäjjarusti pheskaraqui. Uca pilanacansti cunatejj nact'at loktäwinaca apnakascäna ucanacwa jaripjjäna; ucampis jach'a pilajja sacerdotenacan jarisipjjañapataquïnwa.
Mä utaw utjaraquïna, cawquïri utatejj mantaniña tokencqui ucampejja mayaquiraquïnwa. Uca utanwa cawquïri animalanacatejj sacrificiot loktatäcän ucanacarojj jarekapjjerïna.
Qhititejj loktcani ucasti uca uywan jiphillanacapsa, chhuchhullinacapsa umampiw jarekañapa, ucsti sacerdoteraquiw takpach altarjjar naqhantayani. Tatitutaquejj mä suma k'apquiri ofrendaraquïniwa.
“Janipun jumanacajj levadurjja uchapjjamti Tatitur loktañatac grano achunacat waquichat ofrendarojja. Janipuni cuna casta levaduranacsa uscupjjamti, misq'ïpasa Tatitur loktat ofrendajj naqhantayatäñapapuniwa.
Ucsti Aaronan sacerdote yokanacaparuw aparaquini, sacerdotesti aceitempi, inciensompi warjjatatäquis uca jac'u jach'jjatasinjja altarjjaruw naqhantayjjani, Diosataquisti mä suma k'apquiri ofrendar uñtataraquïniwa, uqhamaraqui mä amtasïwïñapataqui.
Sacerdotenacasti uca liq'inacjja altarjjaruw naqhantayjjani, cawqhantejj altarjjan naqhantayatäñatac loktäwejj naqhasqui ucjjaru apjjatasa, Tatitutaquisti mä suma k'apquiri ofrendaraquiwa.
Uqhamaraquiw takpach liq'jja apsuraquini, cunjämtejj sumancthapiñatac loktäwitjja apakasejja uqhamaraqui, ucatsti uca liq'jja altarjjaruw nact'ayjjaraquini Tatitutac suma k'apquiri ofrendata, uqhamat sacerdotejj uca jaketaquejj juchapat pampachatäña jicjjatani, juchanacapasti perdonatäjjaraquiniwa.
“Aca yatichäwinacasti granonacat ofrenda loktäwinacjjata yatichäwinacaraquiwa: Sacerdotenacasti altar nayräjjanwa loktapjjaraquini.
ucatsti janc'aquiw uca ovejan jiphillanacapsa, chhuchhullinacapsa jarekjjaraquïna, ucatsti take ucanacjja altarjjaruw nact'ayjjaraquïna Tatitutaquejja mä suma ofrendäcaspasa uqhama, cunjämtejj Tatitojj Moisesarojj siscatayna uqhamarjama.
ucanwa loktapjjetäta mä orko vaca, jan ucajj mä ovejsa nayan jach'a cancañajjaru, nact'ayasa, jan ucajj mä sacrificiota suma k'apquiri, cuntejj arsupcta ucanac phokhasa, chuymanacamatjama ofrenda churasa, jan ucajj mä fiesta utjqui ucqhasa,
cawquïritejj ofrenda churcani ucajj yapt'añapaw pä kilo jac'umpi uqhamarac mä litro aceitempi chaputa.
“Kallta uru sapa phajjsita sarakquipanwa Tatitu Diosarojj loktapjjäta mä nact'ayata ofrendjama; pä vaca kallumpi, mä orko ovejampi, uqhamarac pakallko orko ovejanacampi, ucanacasti mä maranïñapawa, jan cuna usuchjataraqui.
Maynïri orko ovejasti jayp'u tokeruw sacrificiot loktatäni, ucarusti granonac ofrendampiw yapt'asini, uqhamarac vino ofrendampi, pachpa cunjämatejj alwajj ofrendajj loktascän uqhama. Ucasti mä suma k'apquir nact'ayata ofrendäniwa Tatitu Diosan jach'a cancañapar loktata.
Uca chekanwa Diosan altarap pataru sacrificionac loktapjjäta, ucatsti cawquïri uywanacan wilanacaptejj loktañataqui churapcäta ucanacjja Diosan altarap pataruwa waratatapjjäta, ucampis aychapjja mank'apjjätawa.