Levítico 3:5 - Qullan Arunaca

⁵ Sacerdotenacasti uca liq'inacjja altarjjaruw naqhantayjjani, cawqhantejj altarjjan naqhantayatäñatac loktäwejj naqhasqui ucjjaru apjjatasa, Tatitutaquisti mä suma k'apquiri ofrendaraquiwa.

Aymar Bibliia 1986

⁵ Sacerdotenacasti uca liq'inacjja altarjjaruw naqhantayjjani, cawqhantejj altarjjan naqhantayatäñatac loktäwejj naqhasqui ucjjaru apjjatasa, Tatitutaquisti mä suma k'apquiri ofrendaraquiwa.

Qullan Arunaka DC

⁵ Sacerdotenakaw taqi uka lik'inak altarxar nakhantayapxani, kawkhantix altarxan nakhantayatäñatak luqtäwix nakhaski ukxar apxatasa, ukasti Tatitutakix mä suma q'apkir waxt'äniwa.

Levítico 3:5 Jak'a apnaqawi uñst'ayäwi

1 Reyes 8:64

Uca uru pachparaquiw reyejj k'omacharaquïna Tatitun templopa nayräjjancqui uca chicachica patiopa, ucanaracwa nact'ayat sacrificionaca loktaraquïna, ucatsti granonacata ofrendanaca, uqhamarac sumancthapïwi sacrificionacata liq'inaca, Tatitun nayrakatapancqui uca broncet lurat altarajj jisc'aquïtap laycu, ucatsti janiw uchañjamäcänti nact'ayat sacrificionacasa, granonacat ofrendanacasa, uqhamarac sumancäwi sacrificionacan liq'inacapasa.

2 Crónicas 35:14

Ucjjarusti levitanacajj wact'ayapjjaraquïnwa cunatejj jupanacaru wact'cäna ucanaca, uqhamarac sacerdotenacataquisa, Aarón chachat saraker sacerdotenacasti, wali lurañanacanïnwa arumcama nact'ata liq'inaca loktañanacampi uca laycu. Ucatwa levitanacajja waquichapjjäna cunatejj jupanacarusa, Aarón chachat saraker sacerdotenacarus wact'cäna ucanacjja.

Éxodo 29:13

Uqhamarac jiphillanacatsa, q'iwchatsa, maymurunacatsa liq'inaca aparasajja altararuraquiw nact'ayaraquïta.

Ezequiel 44:15

“Levita sacerdotenacasti, cawquïrinacatejj Sadoc sat chachan wawanacapäqui ucanacasti, jupanacajj cunapachatejj israelita jakenacajj nayan thaquejjata maysaru saranucupcäna, ucapachasti uca sacerdotenacajj nayarojj templonjja sirvisipcaquitänwa, uca sacerdotenacajja jac'achasinipjjaspawa, uqhamat nayaru sirvipjjañanacapataqui. Jupanacasti nayan nayrakatajjarojj uñstapjjetaspawa liq'inacampi, uqhamaraqui wilanacampi sacrificio loktapjjañapataqui. Naya Tatituw ucjja arsta.

Ezequiel 44:7

Jumanacan uca yakha marcanacanquiri jakenaca templojjaru irpantasajj nayarojj taquisipjjestawa, cawquïri jakenacatejj jan nayan unañchajja apapqui amuyunacapansa, janchinacapansa; nayarusti liq'inaca, wilanaca sacrificiot loktasaw taquisipjjetu, nayampi arust'äwejj utjcän ucanacsti ajjtascaña luräwinac lurasaw taquisipjjaraqui.

Levítico 1:13

Ucatsti qhititejj loktqui ucajj uca uywan jiphillanacapsa, chhuchhullinacapsa umampiw jarekapjjani, ucsti sacerdoteraquiw takpach altarjjar naqhantayani; Tatitutaquejj mä suma k'apquiri ofrendaraquïniwa.

Levítico 1:17

Ucjjarusti uca palomjja payaru ch'iyjañapawa chhekhanacat catt'asa, jan payaru jaljtayasa. Ucatsti sacerdotejj palomjja naqhantayaniwa altarjjan ninajj lawamp akasqui ucjjaru, Tatitutaqui mä suma k'apquir ofrendäñapataqui.

Levítico 1:9

Qhititejj loktcani ucasti uca uywan jiphillanacapsa, chhuchhullinacapsa umampiw jarekañapa, ucsti sacerdoteraquiw takpach altarjjar naqhantayani. Tatitutaquejj mä suma k'apquiri ofrendaraquïniwa.

Levítico 3:11

Ucatsti, sacerdotejj takwa altarjjaru naqhantayani, mank'añ ofrendata Tatitutaqui naqhantayasa.

Levítico 3:4

maymurunacsti liq'imppacha, jiqhani liq'inacamppacha, q'iwchjjancqui uca liq'inacamppacha apakatäñapawa maymurunacamp chica.

Levítico 4:31

Uqhamaraquiw takpach liq'jja apsuraquini, cunjämtejj sumancthapiñatac loktäwitjja apakasejja uqhamaraqui, ucatsti uca liq'jja altarjjaruw nact'ayjjaraquini Tatitutac suma k'apquiri ofrendata, uqhamat sacerdotejj uca jaketaquejj juchapat pampachatäña jicjjatani, juchanacapasti perdonatäjjaraquiniwa.

Levítico 4:35

Ucatsti liq'ejj apakatäñapawa takpacha, cunjämatejj sumancthapiñatac loktäwitjja apakasejja uqhama, liq'sti altarjjaruw nact'ayjjaraquini, Tatitutaqui suma k'apquiri ofrendata; uqhamat sacerdotejj uca jaketaquejj juchapat pampachatäña jicjjatani, juchanacapatsti perdonatäjjaraquiniwa.

Levítico 6:12

“Altaran nacqui uca ninasti janipuniw jiwarañapäquiti. Sacerdotew sapärmanthi alwa lawanacjja uca altarjjaru apjjataraquini, uqhamaraqui cawquïri uywatejj sacrificiot loktatäcani ucsa ninjjaru apjjataraquini, sumancthapiñataqui nact'ayata liq'inacampi chica.

Levítico 7:28

Tatitojj Moisesaruw parläna; aqham saraquïnwa:

Levítico 9:17

Ucat granonacat waquichata ofrenda loktaraquïna, uca loktäwita mä jach'i jach'tasinsti altarjjaruw nact'ayaraquïna, cuna sacrificionacatejj alwajj nact'ayatäcän take ucanacat sipana.

Números 15:8

Sacrificiotejj mä vaca kallüchi, jan ucajj nact'ayata sacrificiöchi, sumancayiri sacrificiot loktatächi, jan ucajj cuna arsüwi phokhañataquïchi,

Números 18:17

Ucampisa janiraquiw vacanacana, cabritonacana, ovejanacana nayra wawachat kallunacapjja cutsuyasipcaniti, ucanacasti nayatac yakhachatawa, ucanacsti jiwarayaraquïtawa, wilapsa altararuw warjjataraquïta, liq'ipsa naqhayaraquïtawa, nayatac mä suma k'apquiri ofrendjama.

Números 28:12

Sapakat vaca kallutwa sojjta kilo suma jac'umpi, aceitempi chaput loktapjjäta, uqhamarac sapakat orko ovejatjja, pusi kilo jac'umpi, aceitempi chaputa;

Números 28:3

“Uqhamarac parlam, aca ofrendanacwa nayan jach'a sutejjaru nact'ayapjjäta sapüru jan jaytjasa, mä marani pä orko oveja, ucanacasti jan cuna usuchjatäñapawa.

1 Pedro 2:5

Jumanacasti mä jacquir kaläpcasmas uqhamaraqui Diosarojj catuyasipjjam, ucatsti Diosajj jumanacampejj mä suma ajayun templjama sayt'ayañapataqui, uqhamarac jumanac quicpas Diosar sirvir sacerdotenac tucupjjañamataqui, Jesucristo toke take ajayun sacrificionac Diosar loktapjjañamataqui, Diosajj catokañapataquiraqui.