Jueces 4:10 - Qullan Arunaca

Cedes sat marcansti, Barac sat chachajja Zabulón, Neftalí uca tribunquir tunca waranka chachanac tantacht'asajja mä jach'a ejército sayt'ayäna jupan irpata. Ucampis Débora sat warmejja jupampi chicaraquiw sararaquïna.

Aymar Bibliia 1986

Cedes sat marcansti, Barac sat chachajja Zabulón, Neftalí uca tribunquir tunca waranka chachanac tantacht'asajja mä jach'a ejército sayt'ayäna jupan irpata. Ucampis Débora sat warmejja jupampi chicaraquiw sararaquïna.

Qullan Arunaka DC

Ukansti Barac chachax Zabulón, Neftalí ayllunkirinakaruw jawsäna, ukatsti tunka waranqa chachanakani ejército nayräxap sarantäna. Débora warmisti jupamp chikaw saräna.

Jueces 4:10 Jak'a apnaqawi uñst'ayäwi

1 Reyes 20:11

Ucjjarusti Israelan reyipajj qhitaraquïnwa saniñapataqui, aqham sasa: “Janïra horasäquipanjja, jan ‘Atipjtwa’ siscamti” sasa.

Salmos 68:28

Diosay, ch'amam uñacht'ayaquimaya, nanac laycu lurir qhuyapayir ch'amam uñachayam.

Éxodo 11:8

Ucapachaw nayan ucar take sirvirinacamajj jutapjjani, ucatsti quillt'asisaw nayar sapjjetani: ‘Sarjjapjjam jumampi, jakenacamampejja’ sasa. Ucampis janiw nayajj sarcäti. Ucatsti Moisesajj wali coleratawa faraonan ucat sarjjäna.

Jueces 4:14

Ucatsti Déborajj Barac chacharojj sänwa: —¡Sarantam nayrakataru, Diosasti niyawa soldadonacaman nayrakatapa sarantasqui! —sasa. Ucatsti Barac sat chachajja, Tabor sat kollutsti tunca waranka soldadonacampiw saraktanipjjäna.

Jueces 4:6

Mä urusti Débora sat warmejj qhitänwa jawsiri Barac sat chacharu jupasti Abinoam satan yokapawa. Aca Barac sat chachasti Cedes sat marcanjja Neftalí sat tribu taypinwa jacäna. Ucampis jawsayanisajj sänwa: —Israel marcan Diosapasti jumarojj aqham sasaw sistamjja: ‘Saram Tabor sat kolluru ucansti tunca waranka chachanaca tantacht'am Neftalí, Zabulón sat tribunkirinacata.

Jueces 5:15

Deborampi chicasti sarapjjänwa Isacar satäqui jilïrinaca, Isacar satasti, Barac sat chachar yanapirejja jupan khepapatjja valleruw saraktapjjäna. “Ucampis Rubenan tamapansti, utjiwa take chuyma amtäwimpi sayt'ir chachanaca.

Jueces 5:18

Ucampis pampata alto chekanacansti Zabulonampi, Neftalí satampisti niyapiniw jacañanacapsa apt'asipjje.

Jueces 6:35

Ucampis qhitharaquïnwa yatiyirinaca jawsaniñapataqui Manasés, Aser, Zabulón, Neftalí sat tribu tamanquirinacaru jupampi mayachasipjjañapataqui.

1 Samuel 25:27

Jichhasti nayajj achict'assmawa, take aca wajjt'äwinaca apanirapcsma ucanacasti take uywatanacamajj jumampi chica jutapqui ucanacaru laquinokatäpan.