Jueces 5:18 - Qullan Arunaca

¹⁸ Ucampis pampata alto chekanacansti Zabulonampi, Neftalí satampisti niyapiniw jacañanacapsa apt'asipjje.

Aymar Bibliia 1986

¹⁸ Ucampis pampata alto chekanacansti Zabulonampi, Neftalí satampisti niyapiniw jacañanacapsa apt'asipjje.

Qullan Arunaka DC

¹⁸ ukampis Zabulón, Neftalí ayllunkirinakax niyapuniw jakañanakapsa nuwasïwin apt'asipxi.

Jueces 5:18 Jak'a apnaqawi uñst'ayäwi

Génesis 35:23

Leampi wawanacanïpcän ucanacasti acanacänwa: Rubén, jilïri yokapa; Simeón, Leví, Judá, Isacar, Zabulón ucanaca.

Génesis 35:25

Raquel warmin Bilha sat esclavapampi wawanïcän ucanacasti acanacänwa: Dan, uqhamarac Neftalí ucanaca.

Ester (hebreo) 4:16

“Saram, Susa marcanquir take judionaca tantacht'anim, ucatjja ayunapjjam nayataqui; janiw mank'apjjätasa, ni umapjjaraquïtasa quimsa uru, quimsa aruma. Nayasti tawako warmi uywatanacajjampejja uca quipcaraqui lurapjjaraquëjja, ucatjja nayajj reyimpi parliriw saräjja, uqhama lurañajja leyirjamajj janis walïscpan. Ucampis jiwayapjjetanejja, jiwayasipcaquitpana” sasa.

Salmos 68:27

Jupanacan nayrakatap sullquïr Benjaminajj sarantasqui, Judá marcanquir jilïrinacamp chicaw saranti, Zabulón, Neftalí marcanacan jilïrinacapamp chicaw sarantaraqui.

Hechos 20:24

Ucampis take acanacajj janiw llaquisiyquituti. Janiraquiw jacañajjas cuna jach'äquis nayataquejja, jan ucasti cuntejj Tatitojj: ‘Luram’ sisquitu uc cusisiñamp phokhañaquiw wact'itu. Ucasti Diosan munasiñap utjatap jakenacar khanañchañaquiwa.

1 Juan 3:16

Yattanwa cunäquitejj munasiñajj ucjja, Tatit Jesucristojj jacañapwa jiwasanac laycu churawayäna; uca pachparaquiw jiwasanacajj jilatanacas laycu jacañas churañasa.

Apocalipsis 12:11

Jupanacasti Corderon jiwatap laycuwa atipjapjje, uqhamarac cuna cheka arunactejj jupjjat parlapcänsa uca laycuraqui. Janiraquiw jiwañsa ajjsarapcänti, jiwañataquisa janc'aquïpjjaraquïnwa.

Jueces 4:10

Cedes sat marcansti, Barac sat chachajja Zabulón, Neftalí uca tribunquir tunca waranka chachanac tantacht'asajja mä jach'a ejército sayt'ayäna jupan irpata. Ucampis Débora sat warmejja jupampi chicaraquiw sararaquïna.

Jueces 4:14

Ucatsti Déborajj Barac chacharojj sänwa: —¡Sarantam nayrakataru, Diosasti niyawa soldadonacaman nayrakatapa sarantasqui! —sasa. Ucatsti Barac sat chachajja, Tabor sat kollutsti tunca waranka soldadonacampiw saraktanipjjäna.

Jueces 4:6

Mä urusti Débora sat warmejj qhitänwa jawsiri Barac sat chacharu jupasti Abinoam satan yokapawa. Aca Barac sat chachasti Cedes sat marcanjja Neftalí sat tribu taypinwa jacäna. Ucampis jawsayanisajj sänwa: —Israel marcan Diosapasti jumarojj aqham sasaw sistamjja: ‘Saram Tabor sat kolluru ucansti tunca waranka chachanaca tantacht'am Neftalí, Zabulón sat tribunkirinacata.

Jueces 6:35

Ucampis qhitharaquïnwa yatiyirinaca jawsaniñapataqui Manasés, Aser, Zabulón, Neftalí sat tribu tamanquirinacaru jupampi mayachasipjjañapataqui.