Jueces 4:9 - Qullan Arunaca

⁹ Ucatsti Deborajj saraquïnwa: —Uqhamasti nayajj saräwa jumampi chica, ucampis aca nuwasiñana atipjcäta ucajj janiw juman jach'a jach'a tucuñamataquïcaniti, jan ucasti Diosajja, Sisararojja mä warmin amparaparuw catuyani —sasa. Ucatsti Deborajj iyawsasaw Barac chachampi Cedes sat marcaru sarapjjäna.

Aymar Bibliia 1986

⁹ Ucatsti Deborajj saraquïnwa: —Uqhamasti nayajj saräwa jumampi chica, ucampis aca nuwasiñana atipjcäta ucajj janiw juman jach'a jach'a tucuñamataquïcaniti, jan ucasti Diosajja, Sisararojja mä warmin amparaparuw catuyani —sasa. Ucatsti Deborajj iyawsasaw Barac chachampi Cedes sat marcaru sarapjjäna.

Qullan Arunaka DC

⁹ Débora warmisti sänwa: —Ukhamasti nayax jumamp chikaw sarä, ukampis aka nuwasiñan atipjkäta ukax janiw juman jach'achasiñamatakïkaniti, Tatitux mä warmin amparaparuw Sísara chacha katuyani —sasa. Ukatsti Débora warmix Barac chachampiw Quedes chiqar saräna.

Jueces 4:9 Jak'a apnaqawi uñst'ayäwi

2 Crónicas 26:18

Jupanacasti reyimpi jiquintasisinwa, aqham sapjjäna: “Uzías reyi, Tatitur incienso loktañasti janiw juma reyiru wact'ctamti, jan ucasti Aarón chachan saraker sacerdotenacaparuwa wact'i, jupanacaraquiw ucanac lurañataqui loktatäpjje. Santuariotjja juma reyejj mistunim, jumajja Dios nayrakatan aqham jan wali lurtajja, ucatsti Diosajj janiw jumar jach'ar aptcätamti” sasa.

Jueces 2:14

Uqham uñjasinsti Diosajj Israel marca contra colerasisajja lunthatanacampiw cunanacapatejj jupanacan utjqui ucanaca aparayäna, uqhamarac uca thiyanacan jaquir uñisirinacapampiraquiw tucjayaraquïna, jupanacajja janiw sayt'asipcänti.

Jueces 4:8

Ucatsti Barac sat chachajj saraquïnwa: —Jumatejj nayampi chica saräta ucajja saräwa, jan sarcäta ucasti janiraquiw nayajj sarcaraquïti —sasa.

Jueces 9:53

Uqham lurquipansti mä warmiwa molinota mä kala jalaktayanïna ucat uca kalajj Abimelec chachan khepäjj p'ekepat jaljjattasinwa p'eke ch'iyjäna.

Jueces 9:54

Abimelec chachasti janc'aquiw yanapiripa jawsäna, ucatsti sänwa: “Espadamampi jiwayjjeta, janiw nayajj muncti: ‘Mä warmiquiw jiwayi’ sañanacapjja” sasa. Ucatsti yanapiripajj iyawsasaw espadapampi jiwayjjäna. Uqhamaw Abimelec chachajj jiwjjäna.

1 Samuel 2:30

Uca laycu Israelan Tatitu Diosapajj sänwa jumampi takpacha familiamampi juparu sirvipjjañama wiñayataqui, ucampis jichhajj aqham saraquiwa: ‘Janipuniw jichhajj uqhamjja lurcäti, jan ucasti qhitinacatejj nayaru yäkapjjetani ucanacarusti suma yäkaraquëjja, qhitinacatejj nayaru jisc'achapquitu ucanacarusti mä p'enka uñjaraquëjja. Naya Tatituw ucjja arsta.’