Jueces 12:8 - Qullan Arunaca Jefté chacha khepatsti Israel marca apnakeristi Ibzán chachänwa, jupasti Belén marcanquirïnwa. Aymar Bibliia 1986 Jefté chacha khepatsti Israel marca apnakeristi Ibzán chachänwa, jupasti Belén marcanquirïnwa. Qullan Arunaka DC Jefté chacha qhipatsti, Israel marka apnaqirix Ibsán chachänwa, jupasti Belén markankirïnwa, |
Jumatsti, Belén Efrata, Judá orakenquir marcanacatjja jisc'aquïtawa, jumatwa Israelar mayni apnakerejj mistuni, ucasti mä nayra familiat jutiriwa.”
Jesusasti Belén marcanwa nacïna Judea orakena, ucapachasti Herodesaw reyïscaraquïna. Jerusalén marcarusti mä jakenacaw inti jalsu toketa purinipjjäna, jupanacasti magonacäpjjänwa.
Uca orakensti tunca payan marcanacaw utjäna, jisc'a marcanacamp cuna, ucanacasti acanacänwa: Catat, Naalal, Simrón, Idala, uqhamaraqui Belén ucanaca.
Abimelec khepatsti, Isacar sat tributjja mä chachaw utjäna Tola sat sutini, jupasti Fúa chachan yokapänwa, uqhamarac Dodo chachan allchhiparaqui, jupawa sayt'äna Israel marcar khespiyañataqui. Aca Tola chachasti Samir sat chekanwa jacäna, Efraín utjqui uca lomanacana.
Jefté chachasti sojjta maranacaw israelitanacan apnakeripänjja. Cunapachatejj jiwjjäna ucqhajj Galaad sat nacïwi marcaparuw imt'jjapjjäna.
Jupasti quimsa tunca yokanacani, quimsa tunca phuchanacaniraquïnwa. Take wawanacapasti yakha chekanquir jakenacampiw casaräna. Ucampis Ibzán sat chachasti pakallko maranacaw Israel marca apnakäna.
Belén marcanjja jayanquir mä waynaw utjäna Judá sat tributa. Jupasti Leví familiatänwa.
Israel marcana jan reyejj utjcäna uca urunacasti mä levitawa Efraín sat kollunacat jayana jacäna, jupajj Belenanquir Judá sat marcanquir mä warmimpiw uñtasjjäna.
Tatitusti Samuelorojj saraquïnwa: —¿Cunapachcamas uqham llaquitaqui sarnakäta uca Saúl reyi laycojja? Janiw nayajj muncjjti jupan Israel marcjjaru reyiquïscañapjja. Jichhajj sartasim, ucat uca wajjraru aceitempi phokhantam, ucatsti Isaí chachan utapar sarañamwa munta, Belén chekaru, nayasti mayni wawaparuw ajllista reyïñapataqui —sasa.