Jueces 11:16 - Qullan Arunaca

Nanacasti Egiptot mistunisasti, wasaran sarnakaniwayasajja Mar Rojo sat kotaruw purinipjjta, ucatjja Cades sata marcaruraqui.

Aymar Bibliia 1986

Nanacasti Egiptot mistunisasti, wasaran sarnakaniwayasajja Mar Rojo sat kotaruw purinipjjta, ucatjja Cades sata marcaruraqui.

Qullan Arunaka DC

Kunapachatix Egiptot mistunipkta ukkhaxa, wasaranjam sarakipasaw Mar Rojo qutakam purinipxta, ukatsti Cadés chiqaruw puripxta.

Jueces 11:16 Jak'a apnaqawi uñst'ayäwi

Génesis 14:7

Quedorlaomer reyisti, uqhamarac jupampïpcän ucanacasti cuttasinjja En-mispat chekaruw puripjjäna, cawqhatejj Cades satäcaraqui uca chekaru. Ucansti take cuntejj jicjjatapcän thaquinjja take ucanacwa t'unjapjjäna amalecitanacan orakep tokena, uqhamarac amorreonacampejj uca quipca luraraquïna, ucanacasti Hazezon-tamar sisqui ucsa tokenacanwa jacapjjäna.

Números 13:26

Cades sat chekaru, Parán wasararu. Ucanwa Moisesas, Aaronas uqhamarac take israelitanacas jicjjatasipjjäna, ucatsti yatiyapjjänwa cuntejj jupanacajj yatjjatanipcän take ucanaca, uqhamaraquiw uca oraken achunacapsa uñacht'ayapjjäna.

Números 14:25

(Amalecitanacamp, cananeonacampiw pampan jacapjjaraqui.) Jumanacasti arumanthi alwajj cuttapjjam, ucatsti sarasipcaquim wasaranjama Mar Rojo tokeru.

Números 20:1

Marat mä phajjsi sarakquipansti, israelitanacajj Zin sat wasararuw puripjjäna; take marcpachaw Cades sat chekana kamarapjjäna. Ucanwa Mariajj jiwjjäna, ucanaracwa imantatäjjäna.

Números 20:4

¿Cunataquis jumanacajj Tatitun marcapar aca wasarar irpanipjjta? ¿Munapjjtati nanacana, uywanacajjansa aca wasaran jiwarapjjañanacajja?

Deuteronomio 1:40

¡Ucampis jumanacajj wasarar cuttapjjam, uqhamaraqui Mar Rojo kota toker sarapjjam!’ sasa.

Deuteronomio 1:46

Ucatwa jumanacajj Cades sat chekaru kheparjjapjjäyätajja walja maranaca ucan jacañataqui.

Josué 5:6

Cunjämatï israelit jakenacajj pusi tunca maranaca wasaran sarnakapjjänjja ucatsti cawquïri jakenacatï nuwasiñataqui ajllitäpcän uca jakenacajj, Egipto marcat mistunisajj takeniw thaquin jiwarjjapjjäna. Uca jakenacasti janiw Diosarojj ajjsartapcänti, ucatwa Diosajj jupanacarojj jan uñjaycänti cawquïri oraktï churapjjämaw siscatayna uca orakjja, uqhamaraqui cawquïri orakentï leches misq'is umjam jalcän uca orake.

Jueces 11:15

Aqham sasa yatiyiri: “Jeften yatiyäwipajj acawa, nanaca israelitanacasti janiwa moabitanacana, ni amonitanacana orakenacapjja aparapcsmati.