Génesis 14:7 - Qullan Arunaca

⁷ Quedorlaomer reyisti, uqhamarac jupampïpcän ucanacasti cuttasinjja En-mispat chekaruw puripjjäna, cawqhatejj Cades satäcaraqui uca chekaru. Ucansti take cuntejj jicjjatapcän thaquinjja take ucanacwa t'unjapjjäna amalecitanacan orakep tokena, uqhamarac amorreonacampejj uca quipca luraraquïna, ucanacasti Hazezon-tamar sisqui ucsa tokenacanwa jacapjjäna.

Aymar Bibliia 1986

⁷ Quedorlaomer reyisti, uqhamarac jupampïpcän ucanacasti cuttasinjja En-mispat chekaruw puripjjäna, cawqhatejj Cades satäcaraqui uca chekaru. Ucansti take cuntejj jicjjatapcän thaquinjja take ucanacwa t'unjapjjäna amalecitanacan orakep tokena, uqhamarac amorreonacampejj uca quipca luraraquïna, ucanacasti Hazezon-tamar sisqui ucsa tokenacanwa jacapjjäna.

Qullan Arunaka DC

⁷ Kuttanxasin Quedorlaómer reyimpi, jupampïpkän ukanakasti, En-mispat chiqaruw puripxäna, kawkha chiqatix Cadés satäkäna ukaru. Ukansti amalecitanakan uraqip tuqin taqi kuntix thakhin jikxatapkän ukanak t'unjapxäna, uka kipkarakiw Hasesón-tamar sat uksa tuqin jakir amorreonakampix lurapxäna.

Génesis 14:7 Jak'a apnaqawi uñst'ayäwi

Génesis 16:14

Ucatwa uca phuch'usa: “Jaquirina, uqhamarac uñjirina phuch'upa” satajja. Uca phuch'usti Cades, uqhamarac Bered taypinquiwa.

Génesis 20:1

Abrahamasti cawqhanccäntejj ucatjja mistuwayjjänwa, Néguev tokenacaruw sarjjaraquïna, Gerar marcanwa jacaraquïna, ucasti Cades, uqhamarac Shur taypinquiwa.

Génesis 36:12

Elifaz jakesti mä uñt'atanïnwa, ucasti Timna sutinïnwa; jupasti ä yokall wawa wawachasiraquïna Amalec sasaw suticharaquïna. Ucanacänwa Ada warmin wawanacapajja, cawquiritï Esaú chachan mayni warmipäcän uca.

Génesis 36:16

Coré, Gatam, Amalec ucanaca. Ucanacänwa Elifazat saraker wawanacat jilïrinacajja Edom orakenjja, take ucanacasti Ada warmit saraker wawanacaparaquïnwa:

2 Crónicas 20:2

Ucatsti mayninacawa Josafat reyir yatiyiri sarapjjäna: “¡Edom Mar Muerto sat kotäqui uca qhursa toketwa mä jach'a ejercitojj jumampi nuwasir juti! ¡Jupanacasti Hazezón-tamar ucancjjapjjewa!” sasa. (Hazezón-tamar ucasti En-gadi sañaracwa munaraqui).

Ezequiel 47:10

En-gadi sisqui ucat kalltasina En-eglaim sisqui ucacamaraquiw chawlla caturinacajj utjaraquini, ucanwa känanacapsa wañacht'asipjjaraquini. Ucansti cunjämatejj Mediterráneo sat jach'a kotanjja cunayman casta walja chawllanaca utjejja uqhamaraquiw utjani.

Ezequiel 48:28

“Gad sisqui uca oraket aynacha tokerusti, korpajj Tamar sisqui ucatpachwa sararaquini, Meriba-cades sisqui uca orake cheka pasasa, Egipto jawiranjam pasasa, Mediterráneo sat jach'a kotar puriñcama.

Números 13:26

Cades sat chekaru, Parán wasararu. Ucanwa Moisesas, Aaronas uqhamarac take israelitanacas jicjjatasipjjäna, ucatsti yatiyapjjänwa cuntejj jupanacajj yatjjatanipcän take ucanaca, uqhamaraquiw uca oraken achunacapsa uñacht'ayapjjäna.

Números 14:43

Qhä nayrakatanjja amalecitanaca, cananeonacaw suyapjjtam jumanacampi nuwasiñataqui, uqhamarac jumanacar jiwarayañataqui. Jumanacasti Tatitu Diosarojj apanucupjjtawa, jupasti janiw jumanacampi chicäcjjeti —sasa.

Números 14:45

Ucatsti uca chekan jaquir amalecitanaca, cananeonacaw mistunipjjäna, israelitanacar Horma sat chekacama khepanacapat arctanisa, jupanacar k'al atipjañcama.

Números 20:1

Marat mä phajjsi sarakquipansti, israelitanacajj Zin sat wasararuw puripjjäna; take marcpachaw Cades sat chekana kamarapjjäna. Ucanwa Mariajj jiwjjäna, ucanaracwa imantatäjjäna.

Números 24:20

Ucatsti Balaamajj Amalec orak tokeru uñtasajj aca arunacwa arsüna: “Amalec marcajj take marcanacan p'ekepawa, ucampisa k'ala t'unjataw uñjasini” sasa.

Deuteronomio 1:19

“Horeb chekat mistuntan ucqhatsti, amorreonacan kollup tokeruw sarapjjayätan, uqhamat Tatitun ewjjanacapar ist'asina. Ucatsti muytapjjaractanwa uca jach'a ajjsarcañ wasara uñjapctas uca, Cades-barnea chekar puriñcama.

Deuteronomio 1:46

Ucatwa jumanacajj Cades sat chekaru kheparjjapjjäyätajja walja maranaca ucan jacañataqui.

Josué 15:62

Nibsán, cawquïritejj Jayu Marcäqui, uqhamaraqui En-gadi marca, takpachati sojjta marcanaca jisc'a marcanacamp cuna.