Juan 7:15 - Qullan Arunaca

Judionacasti muspharatäpjjänwa, ucatsti sapjjaraquïnwa: —¿Cunjämats jan qhitin yatichatäsinsa take acanacjja yati? —sasa.

Aymar Bibliia 1986

Judionacasti muspharatäpjjänwa, ucatsti sapjjaraquïnwa: —¿Cunjämats jan qhitin yatichatäsinsa take acanacjja yati? —sasa.

Qullan Arunaka DC

Judionakasti muspharataw sapxäna: —¿Kunjämatarak aka jaqisti jan yatiqkasin taqi ukanak yatisti? —sasa.

Juan 7:15 Jak'a apnaqawi uñst'ayäwi

Isaías 29:12

Ucampisa mayni jan leeñ kellkañ yatiriru churatäspajja ucat sataraquïspajja: “Ac leet'am” sasa; jupasti saraquiniwa: “Janiw leerïcti” sasa.

Mateo 13:54

Ucatsti marcaparuraquiw purjjäna, ucanjja sinagoganwa yatichañ kalltäna. Ist'apcän uca jakenacasti wal muspharasipjjäna, sapjjaraquïnwa: —¿Cawquinsa aca jakejj uqham yatiñ cancañjja yatekani? ¿Cunjämataraqui aqham milagronacsa luraraqui?

Mateo 22:22

Uc ist'asinjja wal muspharapjjäna, jaytanucuwayasinsti sarjjapjjänwa.

Mateo 22:33

Take ucanac ist'asinjja jakenacajj Jesusan uqham yatichatapatjja wal muspharapjjäna.

Lucas 2:47

Take jupar ist'irinacasti walpun muspharasipjjäna jupan yatiñapatjja uqhamarac jisct'anacar arusjjatatapatsa.

Lucas 4:22

Takeniraquiw Jesusatjja: “Waliquiw” sapjjäna, muspharasipjjaraquïnwa jupan ucqha suma arunac jupanacar parlt'atapata. Ucatsti jisct'asipjjänwa: —¿Janit acajj Josean yokapäqui? —sasa.

Juan 1:19

Jerusalenanquir judionacajj qhitapjjänwa sacerdotenacampiru levitanacampiru Juanan ucaru, qhitïpachasa uc jisct'añataqui.

Juan 7:11

Judionacajj thakapjjänwa: —¿Cawquincaracpacha uca jakejja? —sasa.

Juan 7:13

Ucampis judionacar ajjsarañatjja janiw qhitis Jesusjjat khan parlcänti.

Juan 7:46

Templo uñjirinacasti sapjjaraquïnwa: —¡Janiw cunapachas qhitis uca jakjamajj parlquiti! —sasa.

Hechos 26:24

Pablon uqham arsusitapatjja Festojj jach'atwa art'i: —Lokhëtaw, Pablo. Sinti yatjjatatamaw lokheptaytam —sasa.

Hechos 4:13

Ucapachajj jilïrinacajj Pedrompir Juanampir wali ch'amampi parlir uñjasinjja muspharataw uñjasipjje, jan suma yatichata jakenacäpjjatap yatisina. Ucatsti amuyapjjaraquïnwa chekpachapuni Jesusamp chica sarnakerïpjjatapa.

1 Samuel 10:11

Ucampisa take qhitinacatejj nayratpacha Saúl waynaru uñt'apcäna ucanacasti, uqham profetanacjama parliri ist'asinsti, jupanaccamaw jisct'asipjjäna: “¿Cunarac pasi Cis chachan yokaparusti? ¿Saúl waynajj profetäjjaraquicha?” sasa.