Lucas 4:22 - Qullan Arunaca

²² Takeniraquiw Jesusatjja: “Waliquiw” sapjjäna, muspharasipjjaraquïnwa jupan ucqha suma arunac jupanacar parlt'atapata. Ucatsti jisct'asipjjänwa: —¿Janit acajj Josean yokapäqui? —sasa.

Aymar Bibliia 1986

²² Takeniraquiw Jesusatjja: “Waliquiw” sapjjäna, muspharasipjjaraquïnwa jupan ucqha suma arunac jupanacar parlt'atapata. Ucatsti jisct'asipjjänwa: —¿Janit acajj Josean yokapäqui? —sasa.

Qullan Arunaka DC

²² Jaqinakasti taqiniw Jesusat sum parlapxäna, jupan suma arunakap jupanakar parlt'atapat muspharasipxäna. Ukatsti Jiskt'asipxänwa: —¿Janit akax Josean yuqapäki? —sasa.

Lucas 4:22 Jak'a apnaqawi uñst'ayäwi

Salmos 45:2

Jakenacat sipan juc'amp sumätawa, lacamat munayasiñ arunacajj mistsusqui, Tatitusti wiñayataquiw asquinac churtam.

Salmos 45:4

Atipjañamp sarantam, cheka laycu ch'amachasisa, llamp'u chuymaninacar chekapar uñjasa. ¡Cupi amparamajj muspharcañanac luraypan!

Proverbios 10:32

Asqui jakejj asquinacwa parli; jucharar jakesti jan walinacacwa parli.

Proverbios 16:21

Qhititejj yatiñampi amuyt'qui ucajja, ch'iqhi jaketa uñt'atawa; suma arumpi parlañasti sumwa amuyt'ayi.

Proverbios 25:11

Mä suma arojja horasana arsutajja, kori manzanajj kollker q'iñintatäquejja uqhamawa.

Eclesiastés 10:12

Yatiñan jaken arunacapampiw takenimpi munayasi, ucampis pisi amuyt'anin arunacapajj jupa pachpan aynacht'añapataquiquiwa:

Cantar de los cantares 5:16

parlatapasti mojjsa arunacawa. ¡Jupasti sinti muncañawa! Jerusalenanquir warminaca, uqhamaw nayan munatajjajja, uqhamaw nayan munirejjajja.

Isaías 50:4

Tatitojj yatichituwa karitanacaru suma arunacampi chuymachañajjataqui. Sapa khantatiw nayarojj sum kont'ayitu, uqhamat suma ist'añajjataqui.

Lucas 2:47

Take jupar ist'irinacasti walpun muspharasipjjäna jupan yatiñapatjja uqhamarac jisct'anacar arusjjatatapatsa.

Lucas 2:48

Awquipampi taycapampisti jupar uñjasajj wal muspharapjjäna, ucat taycapajj säna: —¡Ay wawa! ¿Cunatarac uqham lurapjjestasti? Awquimampi nayampejj wali llact'ataw thakasipjjsma —sasa.

Lucas 21:15

Nayaw jumanacarojj yatiñ cancañan phokt'at arunacsa, churapjjäma, ucarusti janiraquiw qhiti uñisirinacamasa camsañataquis ch'amanïpcaniti.

Lucas 4:21

Jesusasti jupanacarojj saraquïnwa: —Jichhüruwa jumanac nayrakatan aca arunacajj phokhasjje.

Juan 1:45

Felipesti Natanael thakeriw saräna, ucatsti saraquïnwa: —Uñjapjjtwa cawquïri chachjjattejj Moisesajj ley libropanjj kellkcänjja, uqhamarac qhitjjattejj profetanacas kellkcänjja uca chacharu. Ucasti Jesusawa, Nazaret marcanquiri Josean yokapa —sasa.

Juan 6:42

Sapjjaraquïnwa: —¿Janit acasti Josean Jesús yokapäqui? Jiwasanacajj awquiparus taycaparus uñt'tanwa. ¿Cunats uqham parli: ‘Alajjpachat sarakanta’ sasajja?

Juan 7:46

Templo uñjirinacasti sapjjaraquïnwa: —¡Janiw cunapachas qhitis uca jakjamajj parlquiti! —sasa.

Hechos 6:10

Ucampis jupanacajj janiw atipañatac ch'amanïpcänti Esteban chachan parlataparojja, jupasti Kollan Ajayun ch'amapampejj wali yatiñampiw parläna.

Tito 2:8

suma parlasaraqui jan qhitins juchañchañapataqui, uqhamatwa qhititejj conträqui ucajj p'enkachat amuyasini, janiraquiw jumanacjjatjja cuna jan wals parlcaniti.