Juan 4:37 - Qullan Arunaca

Aca säwisti chekawa: ‘Mayniwa sati, mayniraquiwa apthapi.’

Aymar Bibliia 1986

Aca säwisti chekawa: “Mayniwa sati, mayniraquiwa apthapi.”

Qullan Arunaka DC

Aka säwisti chiqak saski: ‘Mayniw yapuchi, maynisti achu apthapiraki’.

Juan 4:37 Jak'a apnaqawi uñst'ayäwi

Job 31:8

ucapachasti yakhanaca yapojjatjja mank'pan, cuntejj ayruscta ucanacsa saphitpacha jiq'inucuracpan.

Miqueas 6:15

Yapuchascätawa, ucampis janiw cosech apthapcätati; aceitunanacsa pekascätawa, ucampis janiw aceitjja apscätati; uva tacsuscätawa, ucampis janiraquiw vinjja umcätati.

Lucas 19:21

Ajjsaräyäsmawa, khoru jakëtam laycu; jan uchctas ucqhat apthapirïtawa, uqhamarac jan satctas ucqhat yapu apthapirïtawa’ sasa.

Juan 14:12

Khanacwa sapjjsma, qhititejj nayar iyawsquitu ucajja, luraraquiniwa cuntejj nayajj lurctjja ucanaca, juc'amp jach'a luräwinacampwa lurani, Awquejjajj cawquincquitejj ucaru saratajj laycu.

Juan 4:36

Qhititejj apthapqui ucajja pagopjja catokewa, yapu apthapitapasti wiñay jacañataquiwa, uqhamat yapuchirimpi yapu apthapirimpi cusisipjjañapataqui.

Juan 4:38

Nayajj qhitapjjsmaw jumanacaru jan satapctas ucat yapu apthapiri; mayninacaw ch'am tucupjje, jumanacasti uca irnakatanacapatwa apthapiwayapjjtajja —sasa.

Jueces 6:3

Ucampis cunapachatejj israelitanacajj cunsa yapuchasipcäna ucqhajja madianitanacasa, amalecitanacasa, uqhamarac inti jalsu toket jutiri jakenacasa nuwantapjjänwa.