Jeremías 41:3 - Qullan Arunaca Ismael chachasti take judionacaruw jiwarayaraquïna, kawkha caldeo soldadonacatejj Gedaliasampi chica Mizpa chekan kheparapcatayna ucanacarusa. Aymar Bibliia 1986 Ismael chachasti take judionacaruw jiwarayaraquïna, kawkha caldeo soldadonacatejj Gedaliasampi chica Mizpa chekan kheparapcatayna ucanacarusa. Qullan Arunaka DC Ismael chachax taqi judionakaru, qawqha babilonio soldadonakatix Guedaliasampi chika Mispá chiqan qhiparapkatayna taqi ukanakaruw jiwarayarakïna. |
Ucampis pakallkör phajjsina Netanías chachan Ismael yokapaw purinïna tunca jakenacamp chict'ata, jupasti Elisama chachan allchhipänwa, uqhamarac Judá marcanquir reyinacan familiapatänwa, ucatsti takpachaniw Gedalías chacharu jiwayapjjäna, uqhamarac Mizpa chekana judío jakenaca, caldeo jakenacasa utjcäna ucanacarus jiwayapjjaraquiquïnwa.
Nuwasiña armanacata sipana, yatiñ cancañaw asquejja. Mä sapa pantjasïwiquiw, jach'a tucjasïwir puriyi.
Mizpa sisqui uca chekan mank'casinjja, Ismael uqhamaraqui uca tuncanimpi sartasinwa espadampi Gedaliasarojj jiwayapjjäna, qhitirutejj Babilonianquiri reyejj Judá orake apnakañapataqui utt'ayawaycatayna ucaru.
Khepürusti cunapachatejj Gedaliasajj jiwayatäjjäna, janiraqui qhitis yatcänti Gedaliasan jiwayatätapjja,
Arumanacasti jachcäwiw tucusiscaraqui; ajanunacapansti jachaquiw jalascaraqui. Take munirinacapasti janiw maynis jupar chuymachirejj utjquiti. Take amigonacapasti mayswa uñtjjapjje, uñisirinacapaw tucjjaraqui.