Eclesiastés 9:18 - Qullan Arunaca

¹⁸ Nuwasiña armanacata sipana, yatiñ cancañaw asquejja. Mä sapa pantjasïwiquiw, jach'a tucjasïwir puriyi.

Aymar Bibliia 1986

¹⁸ Nuwasiña armanacata sipana, yatiñ cancañaw asquejja. Mä sapa pantjasïwiquiw, jach'a tucjasïwir puriyi.

Qullan Arunaka DC

¹⁸ Nuwasiñ yänakat sipansa, yatiñ kankañaw askixa. Mä sapa pantjasiñakiw jach'a t'unjasiñarux puriyi.

Eclesiastés 9:18 Jak'a apnaqawi uñst'ayäwi

2 Reyes 21:2

Ucampis jupan luratanacapajj jan walinacänwa Tatitun nayrakatapana, jupasti luränwa Tatitojj cawquïr marcanacarutejj israelitanacan nayrakatapata jakonuccäna ucanacan pachpa k'añu luräwinacapa.

Job 35:8

Juman jucha luratamajj jake masimaruw ñankhachejja, asqui luratanacamasa jake masimataquiw asquiraquejja.

Eclesiastés 10:1

Mä chhichhillanqha jiwatajj thujsiwa, ucasti suma k'aphirojj mayjt'ayiwa. Mä juc'a pisi amuyt'ajj yatiñ cancañarusa, jach'ar aptatäñarusa atipaspawa.

Eclesiastés 10:10

Hachatejj muthuchatäjjchi, janiraqui arïcchi ucajja, ch'amamp phat'añaw waquisi. Asquiwa take cunas suma yatiñ cancañampi lurañajja.

Eclesiastés 2:13

Ucatjja nayajj uñjtwa yatiñajj juc'amp asquïtapa, pisi amuyt'anïñat sipansa, cunjämatejj khanajj juc'amp asquïqui ch'amacata sipansa uqhama.

Eclesiastés 7:12

Yatiñajja jakerojj arjjatiwa, cunjämatï kollkejj arjjatqui uqhama, ucampis yatiñ cancañajj jilanquiwa yatiñaniru jacaña churatapata.

Eclesiastés 7:19

Mä marcan tunca jilïrinacat sipansa, yatiñ cancañaw ch'am churi yatiñanirojja.

Eclesiastés 9:16

Ucatsti nayajj sistwa: “Ch'amanïñat sipansa yatiñanïñawa asquejja, pobre jaken yatiñapajj janis yäkatäcchi, ni parlataparus jan ist'atäcchi ucasa.”

2 Timoteo 3:8

Cunjämatejj Janes, uqhamarac Jambres jan wali jakenacajj Moisés contra sayt'apjjäna, uca pachparaquiw uca jakenacajj Tatitun arunacapataqui sayt'apjje. Aca jakenacajj chuymatpach jan wali amtani jakenacäpjjewa, iyawsäwi toketjja apanucutäpjjewa.

Josué 22:20

Amtasipjjaraquim Acán sat Zara chachan wawapajj jucha lurcän ucata. Jupasti cunatejj t'unjatäñapäcän Tatitur loktasina, ucanacwa catuntasïna; Acán chachan juchap laycojja Diosajj take Israel marcataquiw colerasïna, janiraquiw jupa sapaquis juchap laycojj jiwcänti —sasa.

Josué 7:1

Ucampis Israel marcajj janiw phokcänti cuntejj Diosajj siscatayna ucanacjja. Diosasti: “Janiw cunsa Jericó marcat aptasipjjätati” sänwa. Ucampis mä jakew utjäna Acán sat sutini, Judá tributa, jupasti Carmi sat jaken yokapänwa; Carmisti Zabdin wawaparaqui; Zabdisti Zaran wawaparaquïnwa. Aca jakesti Jericó marcatjja walja yänac jupatac apasinïna, cawquïrinactï Tatitojj take t'unjapjjät siscatayna ucanacatjja. Ucatwa Tatitojj Israel marcataqui wali colerasïna.

Josué 7:5

Hai sat marcanquir jakenacasti israelitanacarojj quimsa tunca sojjtani jakenac jiwarayäna; mayninacarusti marcan puncupat kala ch'iyañ chekacamaw arctapjjäna, uca aynachan atipjapjjaraquïna; uqham uñjasinsti take Israel marcpachaw chuyma mayjt'at uñjasipjjäna ch'amanacapsa thayjtayasipjjaraquïna.

1 Samuel 14:30

juc'amp ch'amaniw jakejj tucusapäna, jichhüru uñisirisat aparanctan ucanacat mank'asapän ucajja. ¡Cunjsa filisteonacarojj tucjasänjja! —sasa.