Génesis 47:4 - Qullan Arunaca

Nanacajj jichhajj aca marcan jacasiñataquiw jutjjapjjta, Canaán orakensti mach'ajj walipuniw sarti, janiraquiw cuna pastos uywanacajjataqui utjquiti. Tata, ‘Gosén sisqui uca token jacasipjjam’ sapjjetaya —sasaw sapjjäna.

Aymar Bibliia 1986

Nanacajj jichhajj aca marcan jacasiñataquiw jutjjapjjta, Canaán orakensti mach'ajj walipuniw sarti, janiraquiw cuna pastos uywanacajjataqui utjquiti. Tata, “Gosén sisqui uca token jacasipjjam” sapjjetaya —sasaw sapjjäna.

Qullan Arunaka DC

Jichhasti nanakax aka markan jakasiriw jutxapxta, Canaán uraqin mach'ax sintipuniwa, janiw kuna ch'uxña alis uywanakaxatakix utjkarakiti. Tata, Gosen chiqan nanakan jakasipxañax munakimaya —sasa.

Génesis 47:4 Jak'a apnaqawi uñst'ayäwi

Génesis 12:10

Uca tiempojj take ucsa tokenacanjja mä jach'a mach'aw utjäna, Abramasti mä kawkha tiempo Egiptor jaquiriw sarjjäna, cawqhantejj jaccäna ucan jan cuna mank'añas utjatap laycu.

Génesis 15:13

Tatitusti ucapachajj saraquïnwa: —Jichhajj yatiñamajj waquisiwa; wawanacamajj yakha marcanacanwa jacapjjani, ucansti esclavöpjjaraquiniwa, pusi patac maranacaw ucanjja t'akhesiyatäpjjaraquini.

Génesis 43:1

Mach'asti juc'ampiw uca marcanjja utjäna.

Génesis 45:10

Gosén oraken jacaraquïta, wawanacamampi, allchhinacamampi, take uywanacamampi cuna, uqhamarac take cunatejj utjctam ucanacampi. Uqhamatwa naya jac'ancascapinïtajja.

Génesis 46:34

ucapachasti jumanacajj sapjjamaya: ‘Nanacajj oveja awatirïpjjtwa nayra tiempotpacha’ sasa. Uqhamatwa Gosén sisqui ucsa tokenacar jacasiñataqui kheparjjapjjäta. Egipcionacasti janiw oveja awatirinacampi mayaqui jacapjjam satäquiti.

Génesis 47:5

Faraonasti Josearojj saraquïnwa: —Awquimampi, jilanacamampejj jumampi jiquisiriw jutjjapjjejja.

Salmos 105:23

Israel marcajj Egipto marcaruw mantäna, Jacobojj Cam oraken korpachasïna.

Isaías 52:4

Kalltanjja marcajjajj Egiptoruw saräna, ucanwa jayat jutir jakjama jacaraquïnjja; ucatsti Asiria marcaraquiw ina ch'usat t'akhesiyänjja.

Hechos 7:11

“Ucapachasti mä jach'a mach'aw utjäna Egipto marcana, uqhamarac Canaán marcansa. Take jakenacasti wali llaquitaraquiw uñjasïna. Awquinacasasti janiw cuna mank'añs jicjjatapcänti.

Hechos 7:6

Diosajj Abrahamarojj saraquïnwa: ‘Wawanacaman wawanacaparojj yakha marcanquir jakenacajj pusi patac mararaquiw t'akhesiyapjjaraquini.’

Deuteronomio 26:5

ucapachasti jumajj aca arunacwa Diosam nayrakatan khanañchäta: ‘Nayan awquinacajjasti, arameo jakenacäpjjänwa, juc'aniquiraquïnwa. Egipto marcaruw sarjjapjjäna, cawqhantejj jupanacajj jacañatac kheparapjjäna, ucatsti mä jach'a marcaw tucjjapjjäna, wali ch'amani, uqhamarac waljaniru tucusa.