Génesis 15:13 - Qullan Arunaca

¹³ Tatitusti ucapachajj saraquïnwa: —Jichhajj yatiñamajj waquisiwa; wawanacamajj yakha marcanacanwa jacapjjani, ucansti esclavöpjjaraquiniwa, pusi patac maranacaw ucanjja t'akhesiyatäpjjaraquini.

Aymar Bibliia 1986

¹³ Tatitusti ucapachajj saraquïnwa: —Jichhajj yatiñamajj waquisiwa; wawanacamajj yakha marcanacanwa jacapjjani, ucansti esclavöpjjaraquiniwa, pusi patac maranacaw ucanjja t'akhesiyatäpjjaraquini.

Qullan Arunaka DC

¹³ Tatitusti ukapachax sarakïnwa: —Jichhax yatiñamaw wakisi, wawanakamax yaqha markan jakapxani, ukansti irnaqañampi t'aqhisiyatäpxaniwa, pusi patak maraw ukan t'aqhisiyatäpxani.

Génesis 15:13 Jak'a apnaqawi uñst'ayäwi

Génesis 15:16

Ucampisa pusi generación pasatatwa wawanacamajj aca chekar cuttanjjapjjani, amorreonacan jucha luratanacapajj janïraw sinti jan walïquiti uca laycu —sasa.

Génesis 17:8

Canaán orakesti jumaru uqhamaraqui wawanacamaru churatäniwa, cawqhantejj jichhajj jaccta uca orake, ucasti mä herenciata wiñayataqui churatäniwa, nayaraquiw jupanacan Diosapäyäjja.

Génesis 47:4

Nanacajj jichhajj aca marcan jacasiñataquiw jutjjapjjta, Canaán orakensti mach'ajj walipuniw sarti, janiraquiw cuna pastos uywanacajjataqui utjquiti. Tata, ‘Gosén sisqui uca token jacasipjjam’ sapjjetaya —sasaw sapjjäna.

Salmos 105:42

Kollan arusjäwit amtasïna, Abraham loktiripar arsutat amtasïna.

Éxodo 1:11

Ucatsti egipcionacajj lurayirinacwa israelitanac taypiru uchapjjäna wali ch'ama irnakañanaca lurayapjjañapataqui. Israelitanacarusti Pitón, uqhamarac Ramsés sat marcanacwa lurayapjjäna ucaru Egiptonquir Faraón reyejja juyranacapa imañapataqui.

Éxodo 1:13

Egipcio jakenacasti israelitanacarojj wali t'akhesiyañampiw sirviyasipjjäna.

Éxodo 1:14

Ucatsti israelitanacajj wali t'akhesiyata jacasinjja, ñek'eta adobenaca lurapjjäna, uqhamarac camponjja cunanacatejj lurañanacajj utjqui ucanacwa lurapjjäna, take aca lurañanacansti israelitanacajja wali t'akhesiyatäpjjänwa.

Éxodo 2:24

Ucampis Diosajja jupanacan mayisitanacapa ist'asinjja amtasïnwa Abrahamampi, Isaacampi, Jacobompi cuna amtäwinacarutejj mantcäna ucanacata.

Éxodo 22:21

“Jaya marcanquir jakerusti janiw nuwätati, ni llaquisiyätasa, jumanacasti uca quipca jaya marcanquir jakenacäpjjaraquiyätawa Egipto marcanjja.

Éxodo 23:9

“Janiraquiw jaya marcanquirirojj t'akhesiyätati, jumanacasti Egiptonjja jaya marcanquir jakenacäpjjaraquiyätawa uca laycusti yatipjjtawa yakha marcanjja cunjämatejj jacañäqui ucjja.

Éxodo 3:10

Uca laycu jumajj sarjjarum, nayasti faraonan ucaruw qhithäma Israel marcajja, Egiptot apsuniñamataqui.

Éxodo 3:17

Ucatsti nayajj amttwa Egipto marcan t'akhesiñata khespiyasa, cananeonacana, hititanacana, amorreonacana, ferezeonacana, heveonacana, jebuseonacana, orakenacaparu apjjaña cawqhantejj lechesa, misq'isa umjama jalasqui uca orakeru’ sasa.

Éxodo 3:8

Ucatwa nayajj jutta egipcionacana amparapata marcajjar khespiyasa mä jach'a suma orakeru apjjañataqui, cawqhantejj lechesa, misq'isa umjam jalasqui ucaru. Uca orakenacansti cananeonaca, hititanaca, amorreonaca, ferezeonaca, heveonaca, jebuseonaca, ucanacaw jacapjje.

Números 20:15

Nanacan awquinacajjasti Egiptoruw sarjjapjjäna, ucatsti walja maranacaraquiw ucan jacapjjaraquïna, ucampisa egipcionacajj awquinacajjarjamaraquiquiw jan wali uñjapquitänti.

Hechos 7:17

“Cuntejj Diosajj Abraham awquisaru juramentompi arsuwaycatayna ucan phokhasirjamäjjëpanjja, israelitanacajj Egipto marcanjja waljaptjjapjjänwa.

Gálatas 3:17

Cuntejj sisctjja ucajja acawa: Diosajj mä arust'äwjja Abrahamampiw lurawayi, ucsti Diosaw khanañchawayi. Moisesan leyipasti pusi patac quimsa tuncani mara pasatatwa churatäna, ucasti janiw ina ch'usaru tucuycaspati qhä arust'äwjja, ni Diosan arsutapsa jan cuna asquiru tucuycaspati.

Deuteronomio 10:19

Jumanacasti munasiñ chuymampiya qhuyapayapjjam yakha marcat jutir jakerojja, jumanacas yakha marcat jutir jaket uñt'atäpjjaraquïyätaw Egipto marcanjja uca laycu.

Deuteronomio 5:15

Amtasiraquim Egipto marcan esclavot sarnakatama, ucatsti Tatitu Diosamaw apsuntam jach'a ch'amapampi, ucatwa Diosamajj amtaytam jumaru uca urun samarañamataqui.