Génesis 46:34 - Qullan Arunaca

³⁴ ucapachasti jumanacajj sapjjamaya: ‘Nanacajj oveja awatirïpjjtwa nayra tiempotpacha’ sasa. Uqhamatwa Gosén sisqui ucsa tokenacar jacasiñataqui kheparjjapjjäta. Egipcionacasti janiw oveja awatirinacampi mayaqui jacapjjam satäquiti.

Aymar Bibliia 1986

³⁴ ucapachasti jumanacajj sapjjamaya: “Nanacajj oveja awatirïpjjtwa nayra tiempotpacha” sasa. Uqhamatwa Gosén sisqui ucsa tokenacar jacasiñataqui kheparjjapjjäta. Egipcionacasti janiw oveja awatirinacampi mayaqui jacapjjam satäquiti.

Qullan Arunaka DC

³⁴ ukapachasti jumanakax sapxätawa: “Nanakax nayra awkinakaxatpach oveja awatirïpxtwa” sasa. Ukhamat jumanakax Gosen uraqin jakasipxäta, egipcionakatakisti oveja awatirinakampi jak'a pura jakañax janiw walïkiti —sasa.

Génesis 46:34 Jak'a apnaqawi uñst'ayäwi

Génesis 13:7

Abraman uywap awatirinacasti, Lot sobrinopan awatirinacampiw jan walt'cjjapjjänti. Uqhamarusa uca tiemponjja cananeo jakenacasa, ferezeo jakenacasa ucsa tokenacanjja jacasipcaraquïnwa.

Génesis 13:8

Uqhamasti Abramajj mä urojj Lot sobrinoparojj sänwa: “Jumampi nayampejj familiatanwa, uqhamasti janiw walïquiti jiwasa taypin jan walt'añanaca utjañapajja, uqhamaraqui awatirinacasan ch'ajjwascañanacapasa.

Génesis 26:20

Ucampisa cawquïri awatirinacatejj ovejanac awatisipcäna uca Gerar vallena, ucanacasti Isaacan awatirinacapampiw ch'ajjwapjjäna, uca umasti “Nanacanquiw” sasaw sapjjaraquïna. Ucatwa Isaacajj uca phuch'urojj “Ch'ajjwaña” sasa sutichänjja, uqham ch'ajjwatätap laycu.

Génesis 30:35

Uca urpacharaquiw Labanajj lacsu ch'ejje cabritonaca, juc'a jank'oninaca, uqhamarac ch'ejje cabranacsa, juc'a jank'oninacsa, take ch'iyar ovejanacsa, ucatsti wawanacaparuw anjjaruyi uñjapjjañapataqui.

Génesis 34:5

Jacobosti Siquem jaken Dina phuchaparu deshonratapsti yatïnwa, ucampisa cunjämatejj wawanacapajj pampan uywanacampïscänjja, janiw cunsa siscänti jupanacan puriniñapcamajja.

Génesis 37:12

Mä urusti Josean jilanacapajj Siquem tokeruw awquipan ovejanacap anaquisipcäna.

Génesis 37:2

Acaw Jacobon familiapan sarnakäwipajja. Cunapachatejj Joseajj tunca sojjtan maranëjjän ucqhajj, jilanacapampi chicaw ovejanac awatirïna, Bilha, uqhamarac Zilpa sisqui uca awquipan uñt'atanacapan yokanacapamp chica. Joseasti awquiparojj avisapunirïnwa cuna jan walinactejj jilanacapajj lurapjjerïcän ucanacjja.

Génesis 43:32

Josearojj yakha mesaruw sirvt'apjjäna, Jacobon yokanacaparusti yakha mesaruraqui, yakha mesansti Joseampi chica mank'apjjerïcansa ucanacaruraqui, egipcionacajj hebreonacampejj janiw junto mank'apjjericänti uca laycu.

Génesis 45:10

Gosén oraken jacaraquïta, wawanacamampi, allchhinacamampi, take uywanacamampi cuna, uqhamarac take cunatejj utjctam ucanacampi. Uqhamatwa naya jac'ancascapinïtajja.

Génesis 45:18

awquiparu uqhamarac take familianacaparu irptanjjapjjpan nayan ucaru. Nayaw jupanacarojj Egipto oraken cawquïritejj sumäqui uc churä, uqhamarac aca marcansti cawquïritejj sumäqui ucwa mank'apjjaraquini.

Génesis 46:32

uqhamarac take ovejanacapsa, vacanacapsa, uqhamarac take cunatejj jupanacan utjqui ucanacsa apasinjjapjjataynawa, jupanacan irnakañapasti ovejanac, uqhamarac uywanac awatiñawa —sasaw saraquï—.

Génesis 47:11

Joseasti jilanacaparojj Egipto marcan cawquïritejj wali suma orakëqui ucwa churäna, cunjämtejj faraonajj siscatayna uqhama. Uqhamaw jilanacapampi, awquipampejj Ramsés token orakenïjjapjjäna.

Génesis 47:3

Ucatsti faraonajj Josean jilanacaparojj jisct'änwa: —¿Cunan irnakerïpjjtas jumanacajja? —sasa. Jupanacasti sapjjaraquïnwa: —Nanaca juman sirvirimajja oveja awatirïpjjtwa nayra tiempo awquinacajjatpacha.

Génesis 47:4

Nanacajj jichhajj aca marcan jacasiñataquiw jutjjapjjta, Canaán orakensti mach'ajj walipuniw sarti, janiraquiw cuna pastos uywanacajjataqui utjquiti. Tata, ‘Gosén sisqui uca token jacasipjjam’ sapjjetaya —sasaw sapjjäna.

Génesis 47:6

Egipto orakesti jupanacanquiwa. Gosén orake jupanacar churam, ucasti aca marcpachanjja wali suma orakewa, ucan jacasipjjpan sam. Jupanac taypintejj wali ch'iqhi jakenacajj utjchi ucasti, ucjja uywanacajj awatiritwa uscüta —sasa.

Éxodo 8:22

Uqham pascani ucqhasti, Gosén sat orakenjja janiw mä jach'a chhichhillanqhas utjcaniti, marcajjajja ucan jacatap laycu. Uqhamatwa yatïta naya Tatitojj uca orakencatajja.

Éxodo 8:26

Moisesasti saraquïnwa: —Uqham nanacan lurañanacajjajj janiw walïcaspati. Cawquïr animalanactejj nanacan Tatitu Diosajjaru sacrificio loktapcä ucajja Egipcionacataquejja janiw walïcaspati, jupanacajj animalanacaru yupaychapjjatap laycusti uqham lurañajja janiw walïquiti. Egipcionacatejj nanacaru animalanaca sacrificio loktir uñjapjjetaspa ucajja kalampi c'upjasaw jiwayapjjetaspa.